احس بضيقه

[إبن الوليد]

والله ماادري

بس احس بضيقه بصدر

زهقت من الحياه مااحبها

او اني تشبعت منها لما كرهتها


والضيقه لا ظروف ماليه

ولا ظروف عائليه

ولاظروف دنيويه

بس ضيقه جذي

ياشينها الدنيا

مره تفرح شوي ومره تحزن وتخاف

احنا ناقصين بعد خوف

فلان دعم ومات ولده

فلان فنقش من جلطه

وكل يوم تخريع

يهب ، ابليس وهقنا في الدنيا

يااخي جان سجدت لـ آدم وفكيتنا

جان احنا الحين بالجنه نتسدح مافينا غير العافيه

ابي اروح اصلي ركعتين


وإذا مانفع ابي اروح اسوي مولد​

تصبحون على خير​

 

[العاشق]

[YOUTUBE]VNuD3D1m_8Y&feature=related[/YOUTUBE]​

 

[abo_ zaid]

الله يفرج همك ويشرح صدرك

 

[waham]

حشر روح نام روح قسما بالله موتني ضحك على هالليل الله يقطع سوالفك كل هذا علشان البورصه هههههه خبري فيك بعت الدانه وربحت فيها شتبي بعد .. يلوموني ليش احبك .. سلامتك اخييي وربي يوفقك دنيا وآخره . الله يحفضك من كل شر .

 

[away1979]

الله يفرج همك ياحلو.....

ماعليك ان شاءالله تصحى من النوم مافيك الا العافيه ​

 

[كوهجي]

هذي حالات تمر علينا .

جرب تفكر بشي غير انك متضايق .

عشان ما تصير الضيقه هي همك .

والله يفرج هم الجميع .

تحياتي لك حشر ​

 

[nabhaan79]

أخ حشر

عندي إحساس إنك تعاني من مشكله ولها علاقه بالوسواس

والوسواس يكون نوع من أنواع الشياطين

ودائما يكتم على صدرك ويخلي صدرك ضيق ويكون لك تنهيده يرتفع نفسك مره وحده وينزل

المهم

عندي رقم إذا تبيه أدزه لك على الخاص

صديقي الخاص وكذلك صاحب خبره طويله وطالب علم

وبالتوفيق

 

[بو شيشه]

الله يفرج همك و يصبرك على حزنك
اذا مو مقصر بواجباتك الدنيوية فممكن تكون فترة تملل
انا شاك انك انسان متملل وتحب التغيير والظاهر ملان من يومك المتكرر خاصة انك متقاعد و ممكن مو قاعد تشغل فراغك
حاول تكسر روتينك وترا موضوع ان فلان مات و فلان مات ولده و فلان حاشته جلطة فهذا نصيب وكل شخص راح يجي يومه و المفروض تشكر ربك ان عائلتك حواليك و بأتم الصحة وعسى الله يحفظكم و يجمعكم على كل خير لان هذي نعمة كبيرة يفتقرها و يتمناها كثير من الناس
و احتمال يكون اللي فيك قرصة صغيرة عشان تراجع نفسك من تقصير والله اعلم

 

[هيفا]

وانا نايمه بالليل شزيني مافيني الا العافيه


وقعدت من النوم وحاسه بضيقه بدون سبب


سبحان الله مرات تحوشنا الضيقه ما ندري ليش


لكن لحين راح احاول اطلع من هالمزاج بأي طريقه


حشر


الله يفرج همك وهموم الجميع امين يارب

 

[بو شيشه]

وانا نايمه بالليل شزيني مافيني الا العافيه


وقعدت من النوم وحاسه بضيقه بدون سبب


سبحان الله مرات تحوشنا الضيقه ما ندري ليش


لكن لحين راح احاول اطلع من هالمزاج بأي طريقه


حشر


الله يفرج همك وهموم الجميع امين يارب

الظاهر في جم حسودة بالعرس صاكينج عين على الرونق اللي كنتي فيه
هذي سوالف الأعراس و انا اعرف ان الحش و الحسد العالمي موجود بالأعراس

 

[قلم حر]

اللهم لك الحمد والفضل والمنه

حشر انا ما واح اتكلم عليك انا بتكلم عن حال الكويتين

اللي لو تحط فيه دريب (( مغذي )) فلوس هم مو راضي

يبي اكثر ويتذمر لانه فيه ناس لها اهداف اخرى قامت

تغذينا وتبي توصلنا لقناعة عدم الرضا لغاية في نفس يعقوب

انا اقول حنا بخير ولله الحمد والفضل والمنه

والله سبحانه وتعالى يقول /

(وَإِذْ تَأَذَّنَ رَبُّكُمْ لَئِنْ شَكَرْتُمْ لَأَزِيدَنَّكُمْ )

يا اخوان والله وبالله احنا في نعمه واغلب دول العالم تحسدنا

يا اخوان حافظوا على النعمه ترى النعمه زواله

استغرب كل ما اروح ديوانيه الكل يبي راتب دبل

شنو الثقافه هذي ؟!!

انا اقول اللي فيه ضيقه يشوف الخدم عنده اشلون يكرفون

من الصبح ومن تقوله شكرا تشوف ابتسامته وتحس انه

راضي وهو تلقاه يكرف ببلد واهله في بلد وبالكاد يوفر

قوت يوم اهله

الحين الكلام لك حشر

انا اقول انتفض وسم بالرحمن وتعوذ من الشيطان
وقول الحمدلله انا مسلم وكويتي وانام عند عيالي آمن
على نفسي وعليهم

واخيرا اقول /
الحمدلله الذي فضلنا على كثيرا من خلقه



​

 

[زهره]

حشر أنا بوصي ناس يخطفونك
واحطونك بغرفه ظلمه لمدة 3 أيام بعدين اطقونك
بعدين اهدونك بالبر حافي

صدقني عقب ما توصل البيت وتمر الايام
كل ما يتك الضيقه وتتذكر الموقف بتقول الحمدالله الحمدالله اني بالبيت

عاد أقولك روح اشتغل
التقاعد حق الريال بعمر صغير اييب الجنون​

 

[جواهر]

الله يفرج همك ويشرك صدرك وصدورنا


والحمد الله ع النعمه ماحد يحس فيها الا اذا زالت عنه


استغفر ربك ياحشر وتعوذ من ابليس ومافيك شر ان شاء الله

 

[هيفا]

بوشيشه تصدق احتمال كبير ان كلامك صح

وانا اشوووف الخز زايد ذاك اليوم




قلم حر حمدالله على كل حال انا عن نفسي والله راضيه وقانعه بكل شي عندي

بس سبحان الله احيانا هم احس بهالضيقه ويمكن كلكم تمرون بنفس الحاله

والاسباب كثيره يمكن يكون السبب عدم الرضا عن النفس او الاحساس بالتقصير في امور معينه

الله يفرج هموم الجميع

انا حمدالله دايما اقدر اطلع نفسي من هالحاله بفضل الله ثم بفضل الناس اللي احبهم واعزهم

 

[قلم حر]

بوشيشه تصدق احتمال كبير ان كلامك صح

وانا اشوووف الخز زايد ذاك اليوم




قلم حر حمدالله على كل حال انا عن نفسي والله راضيه وقانعه بكل شي عندي

بس سبحان الله احيانا هم احس بهالضيقه ويمكن كلكم تمرون بنفس الحاله

والاسباب كثيره يمكن يكون السبب عدم الرضا عن النفس او الاحساس بالتقصير في امور معينه

الله يفرج هموم الجميع

انا حمدالله دايما اقدر اطلع نفسي من هالحاله بفضل الله ثم بفضل الناس اللي احبهم واعزهم

هيفا

لو الظروف اللي عندي عند غيري يمكن تشوفينه منجفي

على وجهه من الهم

لكن الحمدلله راضي وقانع وسعيد

والضيقه مالها وجود من احس فيها اذكر ربي واغير مساري

وهدفي واحسن الظن بربي وربنا كبير وكريم

اما الواحد فينا يبي الدنيا مثل الجنه هذا مستحييل

وراح يخسر الثنتين

​

 

[هيفا]

قلم

يعني انا معاك متفقين

لازم نمر بضيقه ومن نحس فيها نذكر الله ونصير احسن بفضل الله سبحانه

 

[قلم حر]

قلم

يعني انا معاك متفقين

لازم نمر بضيقه ومن نحس فيها نذكر الله ونصير احسن بفضل الله سبحانه

صرنا اثنين

وينك يالثالث والرابع

​

 

[بوالعيس بيك]

حشر

الله يفرج همك ويفرح قلبك ان شالله

بقولك كلمه ولاتزعل مني

آنا أعتقد انه أعراضك سببها دلع الطفوله والراحه انت ماعندك مشاكل ولافي شي يشغلك
انت عندك فراغ كبير مومستغله

انطرني جم يوم بخيم وتعال مرني المطلاع وأضبطك ​

 

[مهرة بلا فارس]

اوووه الضيقه هذي تمر تخليني اكره نفسي

بدايه الموضوع لما بدت تجيني اطفش من الدنيا ومافيها

وقومي يامهره وانحاشي بيت جدتج

وتمر شهر مااطيق قعده البيت

بعدين صرت الهى باي شي

والله اذا حطيت راسي عالمخده ابجي

بعدين لقيت الحل الصجي بالقرآن

ماانام الا مخلصه البقره + ايات السكينه + سوره الملك

طبعا البقره للامانه اجزئها بعد الصلوات اما تبارك عند النوم

سبحان الله اقعد ثاني يوم مرتاحه

ومن بديت اداوم على اذكار الصباح والمساء

ياحلاااوه باي باي يالضيقه

مشكلتنا انتعاسر بعض الامور خل اخليهم فتره من غير شعور ترد

واخيرا حشر حط هالايه بقلبك

(( ألا بذكر الله تطمئن القلوب ))

 

[al7bebe]

من العافيه ضايق خلقك احمد ربك على الي انت فيه لاتفسق علشان الله لايغضب عليك وتعرف ضيقه الخلق عدل شوف غيرك طريح الفراش من المرض من سنين او غيرك من البنغلادش يفتح الزباله يدور الاكل او يجمع المعلبات في عز الظهر او غير من الشعوب الي كل يوم تقتل ابنائها او نسائهم وانت نائم تحت الفراش مرتاح
احمد ربك واسجد له على طول عمرك وانت عايش