استفسار بخصوص تحويل ملكية البيت عن طريق هبه

[السهم المجروح]

السلام عليكم
عندي صديق يبي يحول بيته باسم ولده الصغير والبيت مطلوب للتسليف لكن يبي يدفع اللي عليه كاش ويحول البيت لولده ولكن هو يبي يستفسرهل الورثه بعد عمر طويل يقدرون يطعنون بتحويل الملكيه ؟؟ ويطالبون

واتمنى من اصحاب الخبره تقولون الطريقه والخطوات اللي لازم يسويها والرجال يبي يضمن حق ولده القاصر لانه كبير بالعمر وولده بالروضه

 

[فريح الكوح]

اذا الولد صبي فكل التركه له ولا ينازعه احد .

 

[السهم المجروح]

الولد صبي ولكن عنده اخوان وخوات اكبر منه يعني مووحيد وصاحبنا عنده اعيال كبار مقاطعينه من صغرهم عند امهم وهو خايف من بعد عينه عياله الكبار يبيعون البيت ويبي يضمن مستقبل الاصغار ولكن واحد قاله ممكن عياله من بعده يرفعون قضيه ويكنسلون تحويل البيت

 

[فريح الكوح]

يسويه بيع وشرى ويقر بانه استلم المبلغ ويدفع رسوم نقل الملكيه

ما يسإلون طبعاً وين الشيك وشلون الصغير دفع ، لكن الافضل انه يضبط شكلها كبيع رسمي


افضل انه يسأل عن الناحيه الشرعية قبل كل شي .. ان الله قد اعطى كل ذي حقه حقه فلا وصيه لوارث
النبي سماها حقوق

 

[السهم المجروح]

اشكرك استاذي الكريم هو سأل فيها ولان الكبار يملكون بيوت ماضلو الا الاصغار
وبخصوص بيع وشرا هذي مايقدرون يطعنون فيها بالمستقبل؟؟ لان طفل ومايملك شي
وموضوع التحويل يسويها بروحه ولا يفضل يوكل محامي ويخلص كل الامور ؟؟
لاتبخل علينا بمشورتك انا مااعرف بهالامور والريال على باب الله وخايف على عياله القصر وهو على باب الله وانا قاعد احاول اساعده باللي اقدر عليه

 

[rahaly]

اخي الكريم
الانسان البلاغ العاقل لا يسأل قانونا عن تصرفاته السليمه والقانونية

يذهب الى التسجيل العقاري ويأخذ الوثيقة الاصلية ويقول لهم اني اريد ان اهب بيتي لابني فلان وانا ولية الطبيعي .. سوف يوقع عن نفسه كواهب وعن ابنه بصفته وليا طبيعيا عليه كموهوب له
يتم التحويل بطابع خمسة دينار فقط .. ولا يوجد اي مانع قانوني من هذا التصرف
وليس للورثة الطعن عليه مادام الاب عاقل

والله اعلم