افضل الودائع حاليا

[خالد7]

السلام عليكم
يااخوان انا ودي تنصحوني ايه افضل بنك للودائع بشرط انه يكون اسلامي
ومنو سمع عن الوديعه الخماسيه بيت التمويل

 

[q8_king1]

احسن بنك بالودائع حاليا الاهلي المتحد ( الشرق الاوسط سابقا) تقريبا 4 % احسن من التمويل

 

[بكوش]

الودائع في البنك الدولي والاوسط وبوبيان ، اذا كانت وديعة بنظام الوكالة بالاستثمار فهي حرام بحسب قرار مجمع الفقه الدولي الخاص بالتورق العكسي لأنها تعتمد آلية الربا ( العقد اللى وهق دار الاستثمار وأغرقها بالديون ) ... واذا كانت وديعة بنظام المضاربة فجائزة .

بيت التمويل لا يستخدم الودائع بنظام الوكالة بحسب ما أعرف .

اما من ناحية العوائد فأعتقد لازم تراعي المدة الزمنية ونوعية وآلية نظام الوديعة لكي تصل إلى الأفضل بالنسبة لك.

يجب أن تسأل وتقارن ، ولا تنسى محاولة الدخول في صناديق الاستثمار العقارية لبيت التمويل الكويتي فهي تحقق أرباح ممتازة بحسب ما اسمع

 

[ليث متواضع]

وديعة بيت التمويل الكويتي وصندوق إستثماري تابع لبنك بوبيان

 

[خالد7]

الله يعطيكم العافيه ع الردود
بس انا مااحب الصناديق الاستثماريه لان فيها مغامره
وانا تعبت من التجاره والبورصه بحط فلوسي وديعه وارتاح
اما المتحد فهو فعلا احسن واحد
بس انا اغراني الموظف ببيت التمويل بالوديعه الخماسيه يقول راح تتفاجوون بارباحها
فانا افكر فيها خصوصا ان حسابي تبع بيت التمويل
شنو رايكم؟

 

[خبر ممتاز]

اعتقد انه الاهلي المتحد - الاوسط سابقا افضل وديعه حاليا بعدها بوبيان بعدها بيت التمويل لانه بيت التمويل متشبع من الودائع وصارت تشكل عبء مالي كبير مافي فرص استثمارية كبيرة حاليا - وجهة نظري الخاصة

 

[خالد7]

مشكورين
والحين انا محتار بين
بيت التمويل خماسيه
ولا المتحد

 

[aloood10]

ياخوي آن سالت المتحد من فترة وقالولي عندهم بعض الودايع عليها جوائز وسحوبات ومارتحت لهم
بيت التمويل اضمن ولو انه ماعطى شي يسوى السنة اللي طافت ..

 

[خالد7]

ياخوي آن سالت المتحد من فترة وقالولي عندهم بعض الودايع عليها جوائز وسحوبات ومارتحت لهم
بيت التمويل اضمن ولو انه ماعطى شي يسوى السنة اللي طافت ..

حتى انا مومرتاح للمتحد مع ان ارباحه اكبر
الظاهر اني بحط وديعه خماسيه ببيت التمويل
والحلو فيها انك اذا كسرتها تصير سنويه مستمره
توكلنا على الله
مشكورين ع الردود وجزاكم الله الف خير