الرعاية السكنية لاتحق لمن راتبه 2800ومافوق

[مقام العز]

بيوت الحكومة لذوي الدخل المحدود ولاولى ان اصحاب المرتبات العالية من 2800وما فوق لايعطى رعاية سكنية وانما يكتفى بقرض بنك التسليف. بسبعينات ايام التثمين كان لاتحق لرعاية السكنية لمن تثمينه اكثر من 140ألف دينار والان الجماعه رواتبهم دخل مجمعات الله يزيدهم وصافين دور مع ذوي الدخل المحدود!

 

[Hitler]

طمع ..بن ادم مايملي عينه غير التراب \\\

 

[صقرالبحر]

2800 وايد ؟؟

منت شايف اسعار العقارات بمئات الالاف ؟؟

خلهم يصفون يمكن هذول مساكين اكثر منك

 

[صقر3]

صح كلامك يا مقام العز بس واحد راتبة اقل من الف دينار المفروض يستحق شقة من الرعاية سكنية هل انت موافق على الاقتراح من راقب الناس مات هماً *

 

[دكتور]

اخوي الي رواتبهم فوق ال2800 هذيلا اغلبهم ناس مهندسين واطباء وموظفين بترول
وناس تتعب وتشقى
انت باقتراحك هذا تشجع الناس الي ما درسو ولا تعبو على الشهادات
وتعاقب صفوة المجتمع من اطباء وقضاة ومحاميين
الحكومة مستحيل توافق على كلامك هذا لانها تحكم من مكان واحد منصف
وانت تحكم على مصلحتك الشخصية
ولكن صدقني لو الحكومة وصلت لها رسالتك هذي
بتفتح الباب لها بانها تجبر اصحاب الرواتب القليلة بالشقق
وعذر الحكومة قوي جدا
راح تقولك انت راتبك قليل ماتقدر على البيت
وفيه مشاكل وايد قاعد تصير بالاسكان من اصحاب الرواتب القليله
انهم بعد ما يبنون نص البيت يوقفون لانهم ماعندهم الي يكفي وقرض الحكومه مايكفي
منهم واحد صديق لي بنى بيته وبعدها وقف لان ماعنده فلوس

الحكومة راح تغير استراتيجيتها لاصحاب الرواتب القليله
والحين حصلت العذر الي يمشي لها الشقق الي طايحه بجبدها والي محد يبيها
بتقولك مافيه الا شقة تبي ولا خلك بالاجار​

 

[q_kush]

ولي متى بنعيش جذيه ؟!

اللي موقادر يشري بيت
اللي ينطر بيت
واللي ماعنده فلوس يكمل بنيانه لان مدبس بقروض
وللي ينتقل من اجار لي اجار

ولله حسافه على بيتنا باعوه عالطل

لا شروا بيت
ولا شروا شقه

كل واحد لعب بالحلال

وانا كليت تبن راح مستقبلي !

 

[استغفر الله]

صحيح كلام اخوي مقاااام العز المفروووض اللي يرواتبهم 2800 وفوق ماياخذون بيوت حكومه لانه مو من الدخل المحدود
المفرووووض يعطونه قسيمه من 750 متر الى 1000 متر لانه يستاهل تعب وشقى حتى وصل اللي وصله مو يعطونه بيت حكومه المفرووووض يطبقون النظام القديم على قولت الاخ مقام العز بيوت دخل محدود ودخل متوسط ودخل ممتاز

على فكره انا راتبي ماوصل 1000 دينار بس كلمت حق تنقاااال

 

[هداف]

اللهم لاحسد

 

[al3muan]

مشكلته انه تعب وشقي ووصل هالراتب القوي وهم جاي بتحسده؟؟
لاحول ولا قوة الا بالله

 

[ليث متواضع]

الرعايه السكنيه حق لكل مواطن سواء كان راتبه ألف دينار أو راتبه ثلاثة آلاف دينار

 

[Kaubar]

هههههها ومنو اللي قالك ان اللي معاشه 2800

قادر يشتري بيت

اللي قادرين الحين اما تاجر اما وارث او امه عندها كبت هههههههههههه

 

[فرحان جداً]

الدستور يكفل الرعايه السكنيه لكل مواطن كويتي غير قادر على شراء بيت....وبعدين 2800 بالله عليك بتجيبلك بيت وين؟ يعني الحين تخيل واحد معاشه 1500 ويطلعله بيت بفهد الاحمد واللي معاشه 2800 حده حده يشتري بيت بالصباحيه...يعني معناته الواحد يحاول ما يصير لا طبيب ولا مهندس ولا يشتغل بوظيفه مرموقه على شان يحصل على بيت....بالله عليك منو تبي يقود البلد ويدير باله على ايرادات البلد وخيراته؟؟ خاف ربك

 

[كنز المعرفه]

كلام منطقي


يحق لهم الرعاية السكنية للقسائم الحكومية فقط أما بيوت دخل المحدود فقط للرواتب المتدنية المحدوده ؟

ما يصير معاش فوق 2000 أو 3000 ويقول أنا دخلي محدود !

على فكرة هالحكومة خلقت فجوه كبيرة بالرواتب لدرجة أن بعض الزيادات تعادل راتب كامل لموظف كويتي آخر

اقتراح وجيه ​

 

[zidantheking]

^^^ لولا هلتفكير لكنا بخير
2800 قلنا خش 2000 بشهر

يعني 24 الف بسنة

يعني 240 الف بعشر سنين , عطني بيت سنع حق واحد معاشه 2800 ب 240 الف هذا بعد كرف 10 سنين

جاوب؟؟

كون البعض تكاسلو بدراستهم و ما اشتغل و ما يبي يشتغل و ما يدوام و بعدين يتزوج و يشتري سيارات على 20-30 الف و اييبله جيش مو يهال ,,, بعدين يتفلسف معاشي ما يكفي عقار غالي , العيشه غالية


قــــــــلـــــــــعـــــــــتــــــــــــك , لو كنت بدولة ثانية جان داسوا على راسك , احمد ربك انت بلكويت محصلك جم بيزة , و فوق هذا ياي تتفلسف

 

[barbarian]

البركه بالوالده

كل واحد يشوف كبت امه يمكن يلقى شي

 

[أعرابي]

أخوي مقام العز كلامك هذا صحيح لوكنا بالتسعينيات أو الثمانينيات لأن القوة الشرائية للدينار اليوم ضعيفة و الألفين دينار اليوم قوتهم الشرائية تعادل 1000 دينار في التسعينيات , اليوم البلد قاعد يعاني من تضخم يرتفع ببطء يعني فلوس واجد و ضعيفة ما تشترى شي , و الدليل شوف أسعار السلع و الغذاء و العقار و قارن بين أسعارها اليوم و أسعارها زمان , الحمد لله على كل حال لكن لا تنخدع بالأرقام يمكن إلي معاشه 1000 عايش و مرتاح لأنه قنوع و لم ينتبه لما حوله جيدا و أستغنى و هو لا يعلم عن كثير من الترفيه و السفر و الكماليات و رضى بنوعية التعليم الحكومي لعياله أو قام يدرسهم بنفسه و لم يعلم أولاده بالخاص , الواقع راتبه يعادل القوة الشرائية لراتب 500 في التسعينيات . و الحكومة أطمن الجميع تنزل الناس بمنازلهم و الدليل شوف بدل أجار الموظف العادي و بدل أجار بعض أصحاب الوظائف العالية . و هذا ليس ظلم هذا من السنة النبوية فعن عائشة رضي الله عنها ، أنها قالت : " أمرنا رسول الله صلى الله عليه وسلم أن ننزل الناس منازلهم "