قالــوا عـرب ....!!

[الكويت2009]

مبداي باسم اللـي بديـه التدابيـر ** الواحد المعبـود عـلام الاسـرار

وانقل كلامي وداخل القلب تسعيـر **من موقف جبال الحصى من تنهـار

قالو عرب تبعو شريـع الدساتيـر *** قوميـة حنـا وحنـا هـل الكـار

حنا ليا جونـا الاعـادي مناعيـر *** ننفض غبار الـذل مانقبـل العـار

قالو عرب فينا الرجـال المشاهيـر *** حنا العروبه ذكرنا خيـر الاذكـار

حنا حظاره ماصنعهـا لنـا الغيـر *** حنـا بنينـا مجـد مافيـه معيـار

قالو عرب اهل الجمـال المغاتيـر *** نكرم ضيوف البيت كبار وصغـار

نواكب الحاظر ونسرع مع السيـر *** وندمع خطا اخواننا ونقبل اعـذاار

قالو عرب قلت العرب مابها خيـر *** لاصار ماتتبع طريقـات الاخيـار

انتم هدمتـم بيتكـم عقـب تعميـر *** من النبـي وياصحابتـه الاطهـار

كنتم ملوك الارض كنتـم اباطيـر *** روس البشر كنتم صناديـد وامـار

الحكم حكم الله ودرب العرب غيـر *** وهذه بداية ذلكـم للاسـف صـار

وان كان فيكم خير يامدعي الخيـر *** كان اتعضتم بما جرى وعدتو العمار

وصارت دروب رجالكم لقمة الطير *** وصرتو عبيد عقب ماكنتم احـرار

عزااه يالاقصى خـذوك الخنازيـر ** واصبحت اسير بين صلبان واحجار

وينك عمر وين الجنـود الطوابيـر *** وينك صلاح الدين عز امتك طـار

وين الجنود المؤمنه تنهض السيـر *** وترجع لنا مجد كساه العـدو عـار

انا اطلبـك يالله يـارازق الطيـر *** المقتدر رب علـى الخلـق جبـار

اجعل لنا رجال نشاما بهـم خيـر *** واجعل لنا جيش على الحق جـرار

وصلاة ربي عد صوت العصافيـر *** وبعداد اوراق المزارع والاشجـار

علـى نبـي قـدر الـرب تقديـر *** واثبت وجوده رغم نكبات الاشـرار ​

 

[الذيبة]

قالو عرب قلت العرب مابها خيـر *** لاصار ماتتبع طريقـات الاخيـار

\

/

\

عزااه يالاقصى خـذوك الخنازيـر ** واصبحت اسير بين صلبان واحجار



الكويت2009


فعلاً قصديه قويه ومعبره اختيار مووفق

ربي يصحي ضمائر العرب وخاصة الحكام

تسلم يمنااك لا عدمنااكـ



الــذيييــبــه



.​

 

[al7bebe]

أغني مع الورقى وأسرّي نجـوم الجـان
على كل طرقٍ يطـرب النفـس بألحانـه
وأنا شاعرٍ وأنحت حروفي من الصّـوان
تقادح شررهـا فـي بحـوره وبأوزانـه
أصخّر بيوتٍ تعلـن لغيـري العصيـان
أغوص البحـر وأجيـب درّه ومرجانـه
وأنا ما عليّ خلاف لو صكـت البيبـان
مدام إن راع الجـود مـا صـك بيبانـه
تعالـى وسبحانـه لمـن يعبـده رحمـن
ولا خـاب عبـدٍ بالولـي ثبّـت إيمانـه
وأنا من رجالٍ فعلهـا يرجـح الميـزان
ويشهد لهـا التاريـخ بالطيـب وأركانـه
شيوخ الوغى والحرب بقيـادة الدوشـان
هـل المعجـزات وكـل علـمٍ ببرهانـه
>
>
>
زحول الرجال اللي تنومس بها الأكـوان
هل المعجـزات وكـل طيـرٍ بجنحانـه
شيـوخٍ ينومـس فعلهـا والله المـنّـان
وكـل بفعـل الطيـب يرجـح بميزانـه
ولو لي مجال الفعل أعده بـلا نقصـان
ولكـن تطـول وزبـدة الهـرج نيشانـه
ومن لا ذكرته ركن ثابت مـن الأركـان
له العـذر منـي مـا تعمـدت نسيانـه
وأنا لا مدحت مطير ما أنقّص العربـان
جميع القبايل مـن هـل الطيـب مليانـه
ولكن ربعـي فعلهـا يطـرب العمسـان
شيوخٍ من أدنى حـازت المجـد بعنانـه
وألا ياوجودي وجد من عانـد المطـران
رمته المنايا بعـد مـا أغـواه شيطانـه
وألا ياوجودي وجد مـن رفّ بالجنحـان
وزار القبيلـة كـل فــردٍ بمقطـانـه
وأنا يوم أغني وأتوجـد تـرى طربـان
ولا شلت هـم الوقـت والعالـم معانـه
أعبر لحمران النواظـر عـن الوجـدان
وقلبي بحـب مطيـر نبضـه وشريانـه
وسلامي على التاريخ والماضي اللي كان
عدد ما أنكتب للنـاس حرفـه وعنوانـه

الشاعر= عطاالله العوني********************