اجارات الشقق ؟!

[q_kush]

السلام عليكم

ابي جم احصل اجارات شقق في هالمناطق

الاندلس
اشبيليه
العارضية
جنوب السرة ( حطين السلام الشهداء الزهراء)



طبعا ابيها تكون 3 غرف ووحده منهم ماستر بس اهم شي مايعدون ال350

ضروري يا شباب

 

[أم محمدالشمري]

طلك تلاقيه بالمناطق اللي نقلتها بالأول أما جنوب السرة ... يعتمد على حسب أي دور و غالبا ما ما تلاقي مصعد ... حط مطلبك كالتالي بغوغل (للإيجار شقة في حطين) و تطلع لك النتايج و طالع التاريخ و ضروري ينتمي الموقع للكويت لأن دول الليج هم فيها مناطق مسماة مثل مناطقنا.
و راح أجيبلك عالخاص جم سكن يمكن الله يوفقني سبب المساعدة. موفق ياخوي.

 

[GMC1]

أخوي ما أعتقد اتحصل في جنوب السرة بهالسعر , الاسعار تبدي من 400 ونت طالع لان صاحبي صارله شهر ادور في جنوب السرة بهالسعر وبهالمواصفات ومولاقي
اللهم اذا بغيت غرفتين اتحصل
بالتوفيق

 

[جرينتش]

الإيجارات نار اصحاب الشقق لازم يراعون العوائل المعاش مو بس للإيجار بعد مصاريف ومعيشة ورانا

 

[أم محمدالشمري]

صدقت و الله ياخوي الكل عباله إن الزوجات ترضى تحط بالبيت أو تعاون زوجها بالإيجار ... هالمغالاة بالإيجارات مو من أفكار الخليجيين لأنهم من أصل طيب و يخافون الله فالناس مع كامل احترامي لمن هم طيبون و عالين الأخلاق من إخواننا المجاورين و البعيدين للجزيرة العربية حيث أني لا أعمم و لكن للأسف هم وراء غلاة الأسعار للإستفادة من وراء مخباة الخليجي ناسبن إن الناس طبقات و بعدين خير يا طير شقتك عالية التشطيبات و فخمة و راقية؟ جم كلفتك يعني؟ و إنت بتحصل دبل ما كلفك في وقت قياسي؟؟؟ حرام يا ناس انتبهوا ترى وراكم حساب و افسحوا مجال للشباب يتهنأ بحياته الزوجية الجديدة و هو مطمئن و مرتاح. و لا تحاتي ياخوي مصيرك بتلاقي مكان و نصبحة ياخوي تعلمتها عن خبرة "القناعة كنز لا يفنى" خويتك لفت و لفت المناطق أدور على سكن بحوش و لما ألاقي يطيييير و تعبنا و احنا نلف و تعبنا أكثر من الحكرة اللي إحنا فيها فاقتنعنا بالنقل لسكن أوسع و الحوش إن شاء الله نحصله بالمستقبل القريب إدا الله راد و برحيتي اللي حاجزتها فبيت أمي بتنطرني و الله يوفق الجميع.