بدايه حلوه يالتربية .. دربكم خضر خخخ

[مهرة بلا فارس]

‏​‏​‏​‏​‏​‏​بداية حلوه يا وزارة التربيه والتعليم

لا تعلييييق

 

[قلم حر]

مره اختلفت مع مدرس على اعراب كلمه

طبعا انا تخصصي لغه عربيه >>> بس مو مدرس

المهم المدرس اتصل ع المدرس الاول والمدرس الاول

أيد كلام المدرس وطلعوني غلطان وبعد يومين

كلمني اخو المدرس واعتذر وقال انت صح

اللي بقوله انه الاخطاء ما عاد هي بس مطبعيه الا تطورت

وصارت اخطاء عقليه وتربويه وتعليميه وفوق هذا

والله الجنطه مالت الولد لما اشيلها من ثقلها احسها بتخلع

جتفي واشلون عاد طفل !!!

ليش ما يعطونهم كتب تبقى بالبيت وكتب تبقى بدرج المدرسه

يعني الطالب يروح معاه بس دفاتر خفيفه وبالمدرسه

موجوده كتب وبالبيت موجوده كتب



​

 

[جواهر]

اخطاء التعليم عدي واغلطي
لو هي على اخطاء مطبيعه تهون البلاء لصار ببعض المعلميين اللي انتشرت ظاهرتهم
تشرح الدرس لا ايش تشرح كلمه كلمتين ومشت وبتوصيل المعلومه او تفهيم الطلاب
عندها ماعند جدتي همهم الرواتب وبس الا من رحم

يمكن اكون طلعت عن الموضوع

شكرا لك مهره

 

[مهرة بلا فارس]

هههههههه طلعتو حرتكم بالتربية

عادي في مساحه

انا كنت اصلح لابله الرياضيات بالثانويه

قامت تحط علي خخخخ

هذولا مدرسينهم وهذولا كتبهم

دربكم خضر خخخخ

 

[JustSmile]

ماخفي كان اعظم

لا عزاء لوزاره لا يقيمها المواطن، ولا تقيم نفسها باسس عليميه و احصائيه

 

[داشه عرض!!]

ياخرطي

وزاراتنا الله بالخير

 

[النايفه]

اللغة بالذات فيها مجال كبير للبس أو الخطأ سواء اللغة الإنجليزية أو العربية..
والمفروض المدرس يوسع مداركه ويثقف نفسه ويحدث نفسه حاله حال الدكاتره اللي يروحون مؤتمرات عشان يحدثون علمهم بإستمرار...
لكن ربعنا على اللي يتعلمه على مقاعد الدراسة وبسس خصوصاً مدرسين اللغة عبالهم بس لا جديد:/

 

[مهرة بلا فارس]

بشكل عام مجال التدريس مايقبل الخطأ فيه نفس الطب

الخطأ الطبي يمكن يؤدي الى موت شخص ما
اما الخطأ التعليمي يؤدي لموت عقل ما

فمشكله صج هالاخطاء تكبر مع عيالنا ووزاره التربية وزارة عالبركه الله يعينا

وشكرا كلكم عالمرور

 

[العاشق]

التعليم بالكويت كباقي الخدمات صفر خريج ثانويه مايعرف يقرا

وخريج المتوسط مايعرف الحروف

اخو واحد من الربع يسأله اللام هي اللي جنها عصا الشمسيه

والمشكله صاحبي يقوله ايه

قلت لصاحبي بالله الشمسيه قضبتها سيده مافيها حنيه شالحل مع خبلكم

قال نحول على الباكوره

واحد من الربع مدرس عربي يقول عنده طالب من جنسيه عربيه احسن منه بالاعراب ودايم يحرجه قلت زين يسوي فيك الزلمه ​

 

[عاشق ليفربولA]

مساء الخير
وزارة التربية من بداية الصيف
بالعربي بعد تعين المليفي يتكلمون عن البنص
الشروط والعلاوات والكادر همهم فقط الفلوس
ماقلنا شئ يستهلون المعلمين
ولكن لابد يكون هناك تدرسي عدل
بخصوص الخطئ مو أول مرة ولا أخر مرة
الله يرحم تدرسي الفلسطيين
والله كنت أقري الجريدة وأنا في أجازة المرحلة الثاني أبتدائي
الحين واحد من الشباب الصغار أقولة 3ضرب 3 يقول 6 أقولة ضرب يقول صفر
ــــــــــــــــــــ
خارج الموضوع كل التوفيق لرجال لريدز غدا أما توتنهام​

 

[away1979]

البلد بكبره ماشي ع البركه !!​

 

[كوهجي]

للاسف ما كو شي جديد !!

هذا سيفوه وهذي خلاجينه

الحجي في التربيه مايخلص ..

بس الله يحفظ ديرتنا ..

ويفك عيالنا منهم ​

 

[مهرة بلا فارس]

شكرا كلكم عالمرور

بصراحه بدون غرور احسن مافي وزارة التربية انا ههههههه

 

[nabhaan79]

^

ليش الإخت مساحة صبورة ....

بنظري هذا أحسن شيء موجود بهالوزارة

 

[النايفه]

يا جماعه لو خليت لخربت،،، وحراااام تبخسون حق بعض المدرسين ،، كل مكان فيه الزين والشين
رفيجاتي مدرسات من الكرف والتدريس حالتهم كسيفه خصوصاً اللي تدرس عربي وإنجليزي
ورياضيات صج صج يتعبون واللي عنده ضمير هالمواد تاخذ من طاقته ،،،
بتقنعوني أنه ما فيه شخص واحد نزيه وخايف الله بهالمهنه؟

المدرس الكويتي اللي يدرس "بذمه وضمير" خوفاً من الله وليس من الوزاره وتأدية واجبه على أكمل وجه:

لكم مني تحيه وتعظيم سلام والله لايضيع لكم أجر بالأخرة لما تبذلون

 

[مهرة بلا فارس]

صح والله النايفه

بس مشكله المدارس حاليا الكفاءة مايقدر

انا ماامدح نفسي بس ناظرتي تهددني بالأداء المتدني العام تبيني امشي على مزاجها

لما خربتها وتهاوشت معاها وقلت يشهدلي اولياء الامور الي يوصلون عندج يشكروني

بس انا مااشتغل لج اشتغل لله

خافت وحطتلي امتياز

في كفاءات بالوزارة بس للاسف الاغلبيه العظمى مااخذت حقها

وفي الزين والشين شي طبيعي بس الشين والي يمرر هدايا تحت الطاوله للمديرات واخذي بالتزريق على الكيف هم الي ماشين

وهذا على وجه الخصوص ماشي اكثر شي بمنطقه الاحمدية والجهرا التعليميه اكثر شي

الله المعين

 

[قلم حر]

كادر المعلمين نزل بشهادة تفصيل الراتب

الموقع ديوان الخدمه المدنيه / شهادة تفصيل الراتب


الف الف الف مبروك

​

 

[مهرة بلا فارس]

الكادر الي نازل هو الي قبل مقرينه

١٢٠ واكثر + البونص

الي يبونه الجمعيه

٢٥٠ واكثر بدون البونص

والاعمال الممتازه بدال ٢٠٠ تصير اظن ١٥٠٠

*

 

[حبيت اسلم عليك]

مره اختلفت مع مدرس على اعراب كلمه

طبعا انا تخصصي لغه عربيه >>> بس مو مدرس

المهم المدرس اتصل ع المدرس الاول والمدرس الاول

أيد كلام المدرس وطلعوني غلطان وبعد يومين

كلمني اخو المدرس واعتذر وقال انت صح
انت عاد ماشاء الله عليك مهندس ودكتور ومحلل نفسي بسكم كذب كلم المدرس الاول وبعد يومان اعتذر اخوه فعلا اهل العقول فى نعمه

 

[العاشق]

البلد بكبره ماشي ع البركه !!​

تصدق احس حتا البركه الحين موموجوده ​