شقاصركم

[waham]

بنك ابوظبي : العقد الذي وقعنا لتطوير فيلكا باكورة نشاطنا الاستثماري في الكويت
وينكم يالتجار خليتو بنك ابوظبي يوقع العقد علشان تطوير فيلكا . مو من المفروض ان تكون شركات كويتيه هي اللي تساهم . شفيكم قاصركم شي ولا ناقصكم شي وين اللي يقول ( دهنا بمكبتنا ) ( طبعا ولا قصور بدولة الامارات الحبيبه ) المهم علشان تعرف الاقتصاد الكويتي وين وصل !!

 

[ابو ناهي]

المشكله اخوي يبونها مركز مالي الدوله اي طيب شلون

وبهل التصرفات

عسى الله يكون بالعون ويحفظ الديره واهلها

 

[سرور]

تجار الكويت أصابهم الخمول الشديد
اجتمعت مع الكثير منهم بحكم عملي لا أرى فيهم الحماس
أظن عين وصابتهم
وحبايبنا الامارتيين يستاهلون كل خير

 

[waham]

المشكله اخوي يبونها مركز مالي الدوله اي طيب شلون

وبهل التصرفات

عسى الله يكون بالعون ويحفظ الديره واهلها

اللهم آمين

تجار الكويت أصابهم الخمول الشديد
اجتمعت مع الكثير منهم بحكم عملي لا أرى فيهم الحماس
أظن عين وصابتهم
وحبايبنا الامارتيين يستاهلون كل خير

راح زمانهم

 

[EXIT]

البنك فاز بلعقد الاستشاري يعني يقدم تصور ودراسه للمشاريع اللي تصلح ان الدوله تنفذها بلجزيره واتوقع ان التجار اللي ادور عليهم داشين بس تلقاهم طالبين مبالغ ضخمه مثل عوايدهم والبنك طلب28 مليون وفاز اعتقد ان قانون المناقصات بلكويت يحتاج اعادت دراسه لان المشاريع بلكويت الاسوأ والاغلى على مستوى الخليج​

 

[ليث متواضع]

المهم تتطور البلد و جزرها سواء من تجارها أو من تجار الخليج والدول الأخرى يجب النهوض بها بأي طريقه وبأي شكل من الأشكال وأتوقع أختيارهم لتجار من خارج دولة الكويت كونهم أفضل مثلا أو أقل تكلفه ماليه والله أعلم

 

[العطيبي]

لاتلومون التجار ،، التاجر اذا شاف انة اشتغل عدل ولا ماشتغل عدل واحد لعدم وجود رقابة حقيقة من قبل حكومتنا الغير رشيدة فراح اتساوي عندهم الاخلاص وعدمة ،،، حسافة عليج يالكويت حسافة علي العقول الكويتية المبدعة حسافة والف حسافة *

 

[الاثمار]

لابد من ترسيه مناقصات على الشركات الاجنبيه لنتحول الى مركز مالى

 

[sqry]

استاد جابر هذا انتاج تجار الكويت

فاشل ١٠٠٪١٠٠

الغريب يمكن عنده ضمير ويشتغل بما يرضي الله

 

[كلك نضر]

المهم مو تجار الكويت المهم الكويت تتطور وتنهض بكل شي صحي تعليمي معماري
نبيها تطلع نبي المستثمرين اللي برو يدشون ويعمرون ديرتنا هذا اهم شي
سواء كان تاجر كويتي او من برا وانا افضل المستثمر الاجنبي على اللي عندنا من حكم ماسووووه
من مناقصات توقعت ولا شفنا شي على ارض الواقع وبعض المناقاصات التي بائت بالفشل

 

[waham]

شاكر مروركم جميعا

 

[waham]

هل أصابكم الخمول مثل ما يقولون ياتجار ؟؟

 

[raja 07]

بنك ابوظبي : العقد الذي وقعنا لتطوير فيلكا باكورة نشاطنا الاستثماري في الكويت
وينكم يالتجار خليتو بنك ابوظبي يوقع العقد علشان تطوير فيلكا . مو من المفروض ان تكون شركات كويتيه هي اللي تساهم . شفيكم قاصركم شي ولا ناقصكم شي وين اللي يقول ( دهنا بمكبتنا ) ( طبعا ولا قصور بدولة الامارات الحبيبه ) المهم علشان تعرف الاقتصاد الكويتي وين وصل !!

بصراحه اشعر بالقشعريره عندما اشوف او اقرأ جمله الاقتصاد الكويتي !!

لا يوجد عندنا في الكويت شي اسمه اقتصاد وطني الموجود هو كيانات ماليه تمتص خيرات البلاد والعباد ولا تساهم في الناتج الاقتصادي حتي بفلس واحد
وهذه الكيانات الماليه هي سبب تخلف البلد وسبب تقهقرها الي الحضيض
وجميع القوانين التجاريه في الكويت تفصل حسب مزاج واهواء مايسمي بغرفه التجاره والصناعه والويل كل الويل لمن يقف وجهه هولاء !!

وبالنسبه للأماراتيين نقول لهم الف الف الف مليون عافيه لكم والله يكفيكم شر الحاسدين وعيونهم !!!

 

[LORD_LORD]

الاخوه الاعزاء والله لاهو حزن كبير عندما نرى مشاريع الكويت الغاليه تذهب لغير الكويت مع احترامي الشديد لاشقائنا الاماراتيين ولكن اقول بين الصحيح والخافي والمستور كنت اقول دائما واحارب كل شخص يمدح ويمجد بتجار الكويت ليس من فراق بل مااراه من افعال تسىء لاقتصادنا الوطني من قبل هؤلاء من يسمون نفسهم تجار الكويت حتى اظهار وجه الكويت الحضاري والمعماري ليس مهم عندهم يبون فلوس وبس اين الواعز الوطني عند هؤلاء من يسمون بتجار الكويت اين الغيره على الكويت اهم شيء الربح الخيالي او لانعمل من اجل الكويت يبون مبالغ خياليه باي مشروع من قبل الدوله ولكن قلت وساقول يبه زمان اول ولا بلا رجعه مناقصات بمبالغ خياليه خلاص باي باي لن يرجع بزمن الحق والديمقراطيه والقانون واهم شيء عندنا تنهض الكويت الحبيبه كسابق عهدها دائما بالمقدمه وسنمح كل من يتقدم لمشاريع تنفع الكويت حتى لو كان الشيطان من اجل الكويت الغاليه وتطويرها الي الافضل تقبلو تحياتي لكم وكاتب الموضوع الحبيب ----

 

[ajeeb]

بنك ابوظبي : العقد الذي وقعنا لتطوير فيلكا باكورة نشاطنا الاستثماري في الكويت
وينكم يالتجار خليتو بنك ابوظبي يوقع العقد علشان تطوير فيلكا . مو من المفروض ان تكون شركات كويتيه هي اللي تساهم . شفيكم قاصركم شي ولا ناقصكم شي وين اللي يقول ( دهنا بمكبتنا ) ( طبعا ولا قصور بدولة الامارات الحبيبه ) المهم علشان تعرف الاقتصاد الكويتي وين وصل !!

احنا شغلنا رشوه في رشوه ومشاريع خمام
وبوق وغش وفشل ذريع ومصيرنا انهيار تام

 

[waham]

شاكر مرور الجميع

 

[(طموح وقنوع)]

بالعكس خل الاجنبي يشتغل احسن
نزاهه وكفاءه وقدرات اكبر!