مصبغة فور سيزون - اشترك بــ20 تحصل على 35 بالإضافة إلى خصومات كبيرة

[jaguar0081]

بسم الله الرحمن الرحيم
السلام عليكم ورحمة الله وبركاته

تعلن مصبغة فور سيزون - المهبولة
عن عروضها الكبرى :

- اشترك بقيمة 20 دينار تحصل على غسيل وكوي بقيمة 35 دينار .
- اشترك بقيمة 10 دينار تحصل على غسيل وكوي بقيمة 17 دينار .
- اي 12 قطعة كوي بدينار واحد فقط _ ما عدا الدشاديش والغتر .
- أي 12 قطعة غسيل وكوي بــ 2 دينار فقط _ ما عدا الدشاديش والغتر .
- غسيل متر السجاد بــ 500 فلس .
- خصم 30% على الفاتورة التي تتجاوز قيمتها 5 دينار .
- خدمة التوصيل واستلام وتسليم الملابس مجانا .
- تعطير الملابس مجانا .

المناطق التي يتم تغطيتها كالتالي :
أم الهيمان - الأحمدي - الصباحية - المنقف - الظهر - الرقة - فهد الأحمد -
ابو حليفة - المهبولة - القرين كاملة - صباح السالم - جابر العلي - العقيلة -
الفنطاس - وجميع مناطق المنطقة العاشرة .

وأخيرا :
عرض خاص للمطاعم والصالونات والمحلات وكذلك أصحاب العمارات
او حتى حارس العمارة
في نهاية كل شهر تحصل على 30% كاش من قيمة الفواتير التي من طرفك

رقم المصبغة : 23731661
رقم السائق : 55634934

للشكاوي والاقتراحات وللاستفسار :
ابو طيبه : 99852164

 

[jaguar0081]

رفع الموضوع

 

[nabhaan79]

تبي تربح وتنتشر مصبغتك وتصير علامتها دعاية على فنايل لاعبين نادي الفحيحيل

وكذلك يحطون علامت مصبغتك على اللوحات اللي برا نادي القادسيه

وكذلك تصير الراعي الرسمي لبرنامج إفتح يا سمسم

ترا صج مو غشمره

وبعد يطلعون درجة حرارة مصبغتك على قناة mbc

ترا من صجي مو غشمر

خل مصبغتك وقف

طبعا مو كلها وقف بس 3% وإكتب هذه المصبغه وقف ورب الكعبه الناس بالمهبوله ينهبلون عليك

ورجاءا لا تنساني من الأرباح

 

[بومحمـد]

ما شاء الله خوش عرض
مالهم فرع بالجهراء

 

[jaguar0081]

لو كتبت ان المصبغه وقف
الناس راح تعتقد انها كلها وقف
لكن اما مسوي نسبه منها وقف
فكأني قاعد اخدع الناس
ثانيا
لو سويت فكرة الوقف
فراح اسويها علسان اربح
يعني مو مسويها لله

انا لو بسوي وقف بسويه بيني وبين ربي
الله يبارك فيك

 

[Maxima]

بالتوفيق ان شاء الله

 

[jaguar0081]

مع الاسف
ما لنا فرع بالجهراء

 

[nabhaan79]

لو كتبت ان المصبغه وقف
الناس راح تعتقد انها كلها وقف
لكن اما مسوي نسبه منها وقف
فكأني قاعد اخدع الناس
ثانيا
لو سويت فكرة الوقف
فراح اسويها علسان اربح
يعني مو مسويها لله

انا لو بسوي وقف بسويه بيني وبين ربي
الله يبارك فيك

كل كلامك من تلاعب الشيطان فيك

ليش ما تقول أسوي نسبه وقف عشان الله يباركلي بالباقي

أنا عن نفسي لو فتحت مشروع أوصي ب 5% مثلا من الأرباح وقف لله مدى الحياه رجاء البركه

 

[jaguar0081]

الله يبارك فيك
انا اقصد
لو اني مسوي الوقف من اول ما خذيت المحل عادي
اما اني اسويه الحين علشان اربح
فهذا اكبر دليل انه لغير الله

اذا كانت نيتك صج صافيه
خل نسبه من الربح وقف بس لا تعلن حق الناس

 

[صقر3]

لو كتبت ان المصبغه وقف
الناس راح تعتقد انها كلها وقف
لكن اما مسوي نسبه منها وقف
فكأني قاعد اخدع الناس
ثانيا
لو سويت فكرة الوقف
فراح اسويها علسان اربح
يعني مو مسويها لله

انا لو بسوي وقف بسويه بيني وبين ربي
الله يبارك فيك

بارك الله فيك كلام واحد عاقل

الله يرزقك في الحلال

 

[jaguar0081]

الله يجزاك خير

 

[المطرود]

ربي يوفقك ويجعل في مالك البركة ، فعلا خوش عرض والحلو فيه إنك تستفيد وتفيد والله يغنيك من فضله الواسع .

 

[q8q822]

اشترك بقيمة 20 دينار تحصل على غسيل وكوي بقيمة 35 دينار .
- اشترك بقيمة 10 دينار تحصل على غسيل وكوي بقيمة 17 دينار .
- اي 12 قطعة كوي بدينار واحد فقط _ ما عدا الدشاديش والغتر .
- أي 12 قطعة غسيل وكوي بــ 2 دينار فقط _ ما عدا الدشاديش والغتر

هالحجي ممكن توضيح الاشتراك من غير الغتر والدشاديش

يعني ملابس داخليه ودلاغات مثلا

 

[jaguar0081]

الاشتراك اللي ب٢٠ و ١٠ طبيعي مع الغتر والدشاديش

اما اللي بدون الغتر والدشاديش هو عرض ال١٢ قطعه

تخيل لو ١٢ غتره كوي بدينار
كم راح تاخذ مني نشا ؟
غير العلاقات والكيس
راح تطلع علي بخساره

اما الاشتراك اللي ب٢٠ فأكيد مع الغتر والدشاديش

اتمنى تكون الصوره واضحه

 

[jaguar0081]

شكرا لدعمكم

 

[البرنس 25]

مؤفق يا بو طيبه راعي المصبغه سابقا لو مو الضروف مابعتها

 

[jaguar0081]

الله يسلمك ويرزقك ويرزقنا بالحلال ويبارك لنا فيه وكل القراء

 

[F11]

اخوي كم غسيل كوي الدشداشه والغتره
وديباج شخصين كم الغسيل اذا كان قطعه وحده

 

[jaguar0081]

الدشداشه غسيل وكوي السعر ٤٠٠ فلس
الغتره غسيل وكوي السعر ٢٥٠ فلس
الديباج نفرين غسيل وكوي السعر دينار واحد
الديباج نفر واحد غسيل وكوي السعر ٧٥٠ فلس

 

[jaguar0081]

الديباج يغسلونه بروحه