منطقة سعد العبدالله اكثر شراء

[سلام عليكم]

سجلت منطقة سعد العبدالله اكثر معدلات الشراء خلال 30 يوما الماضية
وتراوحت اسعار الصفقات على القسائم الجاهزة بين 250 و295 الف دينار
بزيادة قدرها 15 % نظرا لانتهاء التوزيع على الوحدات السكنية بها واكتمال جميع جدماتها هذا ومن المتوقع ان ترتفع خلال الاسابيع القليلة القادمة بنسبة20% للطلب المتزايد وذلك لكلفة البناء الباهظة فى السوق المحلى وغلاء اسعار الاراضى فى المناطق الاخرى مقارنة بها وايضا لقربها من وسط المدينة

 

[مرزوز]

تعرض بيت وتسوم بيت في اسم ثاني
والللحين تفتح موضوع في نفس السالفه كل هذا عشان ترفع اسعار سعد العبدالله !!!
لا تنسي المنطقه من ٢٨٠٠ الي ٤٢٠٠ قسيمه وبيت !!! بس تسكن النااس وتشوف العفسه !!! إيجارات وسرقات وسكراب من قوة التجار ما صار عليه إزاله من ٢٠٠٧ !!!

 

[سلام عليكم]

المنطقة يرفع سعرها الطلب عليها والسكراب فى المرحلة الاخيرة مع نهاية السنة تلاقيه ارض فضاء مخطط حديقة عامة
المناطق الثانية ارض فضاء سد لد على 200 الف

 

[ابو عبدالله htc]

ياخوي حسستني انه البيوت باجر على مليون محد مخرب الديره الا انت ومواضيعك

 

[سلام عليكم]

ياخوي حسستني انه البيوت باجر على مليون محد مخرب الديره الا انت ومواضيعك

البيوت الحكومية طافت بسعرها 200 الف وموقع سد عندك مثال النهضة

 

[مرزوز]

٤ سنوات وهذا الكلام ينقال عن السكراب ... اللحين راح ينشال في اخر السنه ... نشوف ما باقي شي علي اخر السنه ... بس تأكد المبالغ اللي تتعرض في النت كلام فاضي شووف الصفقات في وزارة العدل وتعرف كلامي انه صح ....٢٥٠ و ٢٩٠ كلااام سمساره فقط ....الله يعز بدل الإيجار ولا قرض يكسر الظهر .... *

 

[مرزوز]

النهضه ٢٠٠ انت من صجك !!!
شفيك في شي ينباع من غير وزارة العدل !! كل اسبوع نشوف ونعرف حتي اللي يبيع والشراي ... بس كلام مسيوم وفرق السوووم هذي خرافات دلال ... الله يخلكم لبعض يا دلال ويا دلووول

 

[سلام عليكم]

النهضه ٢٠٠ انت من صجك !!!
شفيك في شي ينباع من غير وزارة العدل !! كل اسبوع نشوف ونعرف حتي اللي يبيع والشراي ... بس كلام مسيوم وفرق السوووم هذي خرافات دلال ... الله يخلكم لبعض يا دلال ويا دلووول

شوف البيوت الحكومية بجميع مناطق الكويت وين وصلت وانت تعرف ان الاسعار اللى خبرك تغيرت

 

[مرزوز]

أنا ما أشوف ولا اعتراف اللي في مسجل في وزارة العدل فقط يا اخ .... قسيمه دورين في سعد العبدالله مسجله في العدل انباعت ١٣٠ سد وهذا شي طبيعي يا اخ .... بس ٢٠٠ هذا أكيد حلم في النهضه سيتي

 

[ابو خالد74]

انت شتبي بالضبط من موضوعك

يعني ترغبنا غصب بسعد العبدالله وتهون علينا اسعارها الحاليه

لعبتك مكشوفه يا انك صاحب مكتب عقاري او بيتك ولا ارضك ولا قسيمتك طاحت بجبدك

مالقيت من يشتريها

ما اقول الا الله يعينك على مابلاك
ولا تاخذ شي الا انت مقتنع فيه

علشان ماتجيك الحاله هذي مره ثانيه

 

[aboshja3]

ماقال شي غلط صاحب الموضوع وبنفس الوقت ماقال شي جديد عارفين ان الاسعار ارتفعت ليش معصبين الشباب

 

[مرزوز]

منو قال معصبين نقوول الواقع يا اخ ... بس النااس اللحين ما تأبي الواقع

 

[بس999]

المنطقة يرفع سعرها الطلب عليها والسكراب فى المرحلة الاخيرة مع نهاية السنة تلاقيه ارض فضاء مخطط حديقة عامة
المناطق الثانية ارض فضاء سد لد على 200 الف

اذا هذي طريقتك بالتسويق ترى الله مايباركلك برزقك

سعد العبدالله منطقةعادية وقبل فترة بسيطة انباعت قسيمة ب160الف 3ادوار سد بنيانها حلو

 

[مواطن 11]

انا حاب اسجل خبر بيعه تمت امامي وكنت شاهد عليها

البيت في قطعه 8 سعد العبدالله ( حكومي )

موقعه أكثر من شيخ ما شاء الله

تمت البيعه على ان يتم التحويل لاحقا

وكان مجموع ما اتفق عليه الطرفان ( 160 ) الف

 

[maax1]

الله اكبر

 

[B-A-1983-A-B]

^^^^^
لا ياجماعة صدقو ترى الريال ماجذب اصلا في بيت بصليبية دور واحد سد لد تابع لوزارة الاسكان مطلوب فية 250 ألف دينار ويمنع الوسطاء بعد !!!!! هههههههههههههههههه

 

[استغفر الله]

تحسسوني ان بيوت سعد العبدالله مميزه ترا كله 400 متر واخر الديره وقطاع حكومي مو خاص يعني الارض ابلاش والفلوس من الحكومه وانت لك سنين تنطرها اخر شي تقول ابي ابيعها على ربع مليون اللي يقدر على الربع مليون ياخذ بالمناطق الراقيه والقريبه مو ياخذ هناك واخوي لا تضحك على نفسك ترا السوق نايم ومافي ناس تشتري لو في ناس تشتري كان ماشفتهم يصيحون من الايجارات

 

[B-A-1983-A-B]

^^^^
ههههههه هذا الكلام القرنتي ولا بيت حكومي بسعد العبدالله 250 ألف وين قاعدين !!! المشكلة طابوق اصفر جير ونص البيت حوش !!!!!!!

اذا بيت حكومي 250 عيل شقة مساحتها الصافية 100 متر بجم 300 ألف ؟؟!!!

 

[مواطن 11]

طريقة الردود تحسس الواحد بأن العمليه معاير ومنافسه على كثرة الردود !!

انا ودي احد يعطيني اسعار البيوت في الروضه مثلا

وخلونا نعمل مقارنه ..... على الاقل بالتناسب

يعني اذا في بيت بالروضه موقع زين ممكن يكون اقل من 350

ويكون تقريبا هدام !!!

ويمكن ما تحصلون بعد !!

عندها تقدرون تحكمون على الاسعار

بيوت الصليبيخات بكم يا اهل المعرفة ؟؟؟؟؟؟

النقاش لتقريب الرأي وليس للمناكفه !!!

تقدرون تردون على صاحب الموضوع بأن السعر غالي ( نسبيا )

اما طريقة الردود التي توحي بأن السعر في الاحلام وليس له وجود ......

اسمحوا لي هذا تصرف غير مسئول او ان صاحبه يجتهد بما لا يعرف

خلونا نرتقي في اساليب الرد والحوار​

 

[ليث متواضع]

بيت في سعد العبدالله وصل 200 ألف سبحان الله السنين تركض والأسعار أسرع