اللي عنده خبره لا يبخل علينا

[5aled]

مرحبا

انا ناوي اكون وكيل لماركه ملابس لشركه امريكيه معروفه بس مالها وكيل بالكويت
شلون اطلع وكاله لها بالكويت وين اسأل واي مكان بالضبط
وبغيت استفسر اذا لها وكيل ولا لا مع العلم انا متأكد مالها وكيل​

شكرا​

 

[saadkuwait]

صباح الخير
بالتوفيق بداية
انا اوضح لك أفضل طريقة واسهلها
بشرط ان الجهة ( الشركة الام موافقة على توكيلك )
تستخرج ترخيص رخصة ملابس جاهزة ( سهل استخراجها )
بعدين تاخذ موافقة رسمية من المصنع أو الشركة بالخارج وكتاب رسمي على طريقة اقرار بانك انت الوكيل الوحيد بالكويت أو الخليج
وبعدين تستورد البضاعة عن طريق شركة استيراد وتصدير
هذي اسهلها
وبخصوص التعاون أغلب الشركات او المصانع تاخذ كاش بالمرحلة الاولى وبعدين نصف السعر وبعد الاطمئنان يكون على التصريف
--------والبعض الاخر ياخذ منك تأمين مثل شركات الاكترونيات ( حتى لاتشوه اسم المنتج ) يأخذ ك شرط جزائي
المشكلة مو بهذي
المشكلة ان تجارة الملابس في الكويت قائمة على عنصرين فقط
العنصر الاول واقصد الفئة من المجتمع هو عنصر الماركات العالمية المعروفة وليست كل ماركة عالمية معروفة أنتبة وهذي تمثل شريحة شرائية هائلة بالكويت
العنصر الثاني هي الملابس الجيدة وقليلة السعر وهي غالبا ما تأتي من سوريا والصين وتركيا
فانتبة جزء من المواطنين والغالبية العظمى من الوافدين
حدد الفئة من هذه الفئات وبعد ذلك قرر للمشروع
ملاحظة هامة ( اذا كانت شركة ملابس للاطفال نصيحتي عدم الدخول بهذا المشروع
وهذي وجهة نظري
وبالتوفيق مجددا
أخوك بوراكان

 

[5aled]

شكرا بو راكان
والله يعطيك العافيه عالمجهود اللي تبذله لشباب المنتدى