قسائم خيطان

[سلام عليكم]

اخر اخبار قسائم خيطان الجديدة تصور حول اسعارها واقرب للصحه اسوة بالمناطق المجاورة لها
المزايدة تبدأ على المواقع السد من 150 الف دينار
المزايدة على المواقع الزوايا من 175 الف دينار
المزايدة على المواقع بطن وظهر من 200 الف دينار
المزايدة على المواقع ثلاث شوارع من 250 الف دينار
هذا راى اصحاب الخبرة من العقاريين

اى انها تقع فى فلب البلد وهذه الاسعار تصلح للنخبة والقادرين فقط

 

[foreman96]

ما اعتقد معلوماتك غلط منو عنده هل المبلغ معلوماتك غير صحيحه

 

[طلال ابومحسن]

المصدر الله يجزاك خير ولا هذي اجتهادات منك

 

[سلام عليكم]

ما اعتقد معلوماتك غلط منو عنده هل المبلغ معلوماتك غير صحيحه

شوف جنوب السره وراح تقتنع
اهى حالها وحال جنوب السره واحد فاصل بينهم شارع بس

 

[nmb2000]

اخ سلام عليكم والاخوة الكرام
اذا كان هدف الحكومة رفع اسعار العقار فالافضل ترفع السعر الي 300الف للقسبمة ولايسمح للمواطن محدود الدخل بدخول المزاد فقط لتجار العقار، اما اذا كان الهدف رعاية سكنية فيجب ان لايتجاوز السعر 50الف بشروط ان يكون المتقدم للمزاد مسجل في الرعاية السكنية ولايجوز له التصرف بهذه القسائم بالبيع او التأجير لمدة عشر سنوات وأن تكون كذلك زوجته كويتية ثم يوضع معيار لأقدمية الطلب الاسكاني وعدد الأولاد . والله الموفق . بس منو يسمع صوت المواطن العادي .

 

[saalm]

اخر اخبار قسائم خيطان الجديدة تصور حول اسعارها واقرب للصحه اسوة بالمناطق المجاورة لها
المزايدة تبدأ على المواقع السد من 150 الف دينار
المزايدة على المواقع الزوايا من 175 الف دينار
المزايدة على المواقع بطن وظهر من 200 الف دينار
المزايدة على المواقع ثلاث شوارع من 250 الف دينار
هذا راى اصحاب الخبرة من العقاريين

اى انها تقع فى فلب البلد وهذه الاسعار تصلح للنخبة والقادرين فقط

مستحيل هالكلام يالغالي هذا شغل تجار موالحكومه مستحيل

 

[سلام عليكم]

مستحيل هالكلام يالغالي هذا شغل تجار موالحكومه مستحيل

بالمنطق والعقل املاك الدولة تثمنها ب 300 الف واكثر وتطرحها بمزاد على 50 الف؟ اى عقل يتقبلها واى منطق وبعدين منو يقدر يزعل التجار
ساعات اشوف كلام يضحك يالغالى خلنا ساكتين احنا لو يعطونا باسعار ايام السبعينات هم راح نقول غالى:d

 

[saalm]

بالمنطق والعقل املاك الدولة تثمنها ب 300 الف واكثر وتطرحها بمزاد على 50 الف؟ اى عقل يتقبلها واى منطق وبعدين منو يقدر يزعل التجار
ساعات اشوف كلام يضحك يالغالى خلنا ساكتين احنا لو يعطونا باسعار ايام السبعينات هم راح نقول غالى:d

يا أخي طبعا الحكومة ثمنتها بتوفر سكن للناس وعادي تبيعها برخيص انت احسبها صح لو الحكومة بتسوي منطقة جديده بتكلفها بنية تحتيه كامله ناهيك عن عامل الوقت هالحين الحومة صحيح دفعت تثمين ولكن خل تسترجع 25% من قيمة التثمين والبنية التحتية موجوده تقريبا ما خسرت حيل بعدين هالأسعار اللي تسولف فيها هذي أسعار السوق وأغلى شصارت خيطان من حلاتها محشوره الفروانية وخيطان وعمايرها ومداخلها زفت وزحمة السادس الله لايوريك
لا واللي يضحك بالموضوع ان هذي اسعار بداية المزاد حبيبي هذا شغل مكاتب عقاريه بخرعون الناس عشان يصرفون بوفطيره والفنيطيس لا ترد عليهم ويبقا قابلني وانا مستحيل اكتب في هالمنتدى إذا هالأسعار اللي تسولف عنها صحيحه

 

[K.KHALED]

لازم الحيتان تستفيد والا مستحيل تمشي لا خيطان ولاغيرها
الدخل المحكوك صار مسحوك الله يعين

 

[بــوعبدالله]

ياجماعة لاتصدقون هالخبر
أبدا غير صحيح ومستحيل

المزاد حسب ماقريت بالجرايد ومن أكثر من جريدة يقولون محتارين يبدأ المزاد اما 40 ألف أو 80 ألف
الأخ صاحب الموضوع يفترض يقول انه هالأسعار توقعاته ومايحدد الأسعار ويقسم وبفصل على كيفه

 

[ورد البنفسج]

حسبة بسيطه ... 250 الف قيمة ارض + 150 الف بنيان ( كحد ادنى ) + 70 الف ( بنك التسليف ) = 470 الف ... اجمل واحلى قسيمه في المناطق الداخليه .. بدون عنوة الحكومه وعلة الانتظار . اختلف تماما مع صاحب الموضوع فهو بعيدا عن الواقع ..

 

[sporty72]

الأخ saalm صح لسانك كلامك كله صحيح
مع الأسف في ناس تبث إشاعات لغرض تزييف السعر السوقي للسلع
والأخ صاحب الموضوع داش علينا عرض وحاط الأسعار على كيفه من غير مصدر ولا هم يحزنون ويقول البطن وظهر أغلى من الزاوية على أي أساس هالتقييم
ويقول بينهم شارع ويقارنها بأسعار جنوب السرة يا أخي بين مشرف وصباح السام شارع وبين خيطان واليرموك شارع وبين صليبية والقيروان شارع وبين الرميثية وبيان شارع وبين الفردوس والأندلس شارع وشوف الفرق بينهم
والأخ مايدري ان الحكومة من سنين طويلة توزع أراضي على المواطنين من غير مقابل
انا أقول لازم تتوزع حسب أولوية الطلب الإسكاني من غير مقابل أسوة بجميع مناطق الكويت بلا مزاد بلا بطيخ
الله يحفظ الكويت وشعبها من كل مكروه

 

[samak72]

يبا الريال كلامه صحيح والدليل عندي أخوي يشتغل في الماليه يقول أن خيطان ثمنوها على ١٠٠ ألف وفوق

من صجكم الحكومه راح تبيعهم على ٤٠ و٥٠ ألف أكيد الحكومه بتربح منهم
ولو أن خيطان تابعه المؤسسه جان من زمان حطو آليه للمزاد

وأبيكم تروحون المؤسسه وتسؤلونهم هل فعلاً خيطان تابعه المؤسسه لو لا شوفو شنو جوابهم أكيد ما راح يعطونكم أي رد راح يقولون لكم ما ندري عنها
لأنها تابعه أملاك الدوله
وكلام الجرايد ما يوكل خبز كله أبر مخدره علشان للشعب وضيعون عليكم الفرص
*

 

[بوو علي]

يبا الريال كلامه صحيح والدليل عندي أخوي يشتغل في الماليه يقول أن خيطان ثمنوها على ١٠٠ ألف وفوق

من صجكم الحكومه راح تبيعهم على ٤٠ و٥٠ ألف أكيد الحكومه بتربح منهم
ولو أن خيطان تابعه المؤسسه جان من زمان حطو آليه للمزاد

وأبيكم تروحون المؤسسه وتسؤلونهم هل فعلاً خيطان تابعه المؤسسه لو لا شوفو شنو جوابهم أكيد ما راح يعطونكم أي رد راح يقولون لكم ما ندري عنها
لأنها تابعه أملاك الدوله
وكلام الجرايد ما يوكل خبز كله أبر مخدره علشان للشعب وضيعون عليكم الفرص
*

نعم اتبيعها ارخص من سعر الشراء ليش لا
الحكومه تعطيك ارض بدون مقابل وليش ماتعطيك ارض خيطان باقل من سعر شراؤها في مقابل تخفف الضغط على طلبات الاسكان

ما في شي على الله بعيد

 

[Alroomi]

والله محد رافع اسعار العقار الى هالاشاعات من هالشريطيه ،شرط الحكومه بهالمزاد انه ما يخل المزاد الى الي عنده طلب إسكاني وتدري الحكومه انه الفئه من الشباب ما يملك مبلغ ١٥٠ الف ولا جان من زمان شرى احسن ارض في المسيله والشرق القرين شوف بعينك الاراضي الحين واقف البيع فيها من غلاتها محد يقدر يشتري طاحت بجبودهم واصلا الحكومه بتوزع خيطان بسعر رمزي لمساعده اصحاب الطلبات ولا لو كانت بتربح منها ليش ما خلتها مزاد مفتوح للجميع بسكم اشاعات*

 

[zidantheking]

كلامك ما يدش العقل

250 لل3 شوارع يعني ممكن توصل 300

و الي عنده 300 طلبه ينلغي , و المزاد حق اصحاب الطلبات