الصراحه....السوق بدون الجناعات ماله طعم ولاريحه

[ربحت]

وتيرة التداول ممله حركة المؤشر بايخه نفسية المتداولين تعبانه

سوق كسلان ماصخ ويلوع الجببببببببببببببببببد

وأنتوا أشرايكم...؟؟؟؟

 

[أحمد بورصة]

حق اللي عنده بالمخازن و الاجناعات اي و حق اللي ما عنده لاء :\\\\

الله يرزق الجميع انشالله

و الله يعينه و يعينك و يعين الجميع.

 

[ارسطو الدروازه]

اخوى سوى نفسى بعت نص اسهمى وخذيت المجموعه الدوليه والحمدلله ...

 

[ربحت]

أخوى الصراحه سهم المجموعه الدوليه...سهم ممتاز والمحافظ الى تشتغل عليه محترمه ويذكرونى بمحافظ دار الاستثمار (أحنا نربح وأنت تربح)

مونفس البحر ومجموعة الاوراق الماليه....أحنا نربح وأنت لازم تخسر

بس المشكله ان أسعار اسهم الجناعات الحاليه هى للشراء فقط لاغير وليست للبيع أما أسعار المجموعه الدوليه فهى مهيأه للبيع أكثر من الشراء

 

[ارسطو الدروازه]

كلامك صحيح وانشالله نشووفهم فوق وتعوضع الخساره وتربح ..

 

[دابس]

اخوي ربحت ارفع تقرير لادارة البورصه خلهم يبطلون سوق جديد بس للجناعات وهي اللبنابيه وبيان وسلطان والمخازن وانت اللي تداول بس شرايك ..... سوق يلوع الجبد ها هاهاها ..... والله احلى من الورد السوق بالا جناعات بالا قلت ادب ..........

 

[مستثمر صغيروني]

والله انشالله اخوي ربحت انا عندي احساس انه مسرحية الصعود راح تكملها المخازن وربعها بنص شهر تسعه او حتى ممكن نهايته بذن الله00 لكن اخوي ربحت انا عندي وجهت نظر في هالاسهم هذي 00 واهي ان الجناعات العبوا علينا لعبه تاريخه وقصوا علينا بالمنحه واحنا ما صدقنا واحس انهم اهم اللي قاعدين يضغطون على السهم عشان اينزلونه عشان يلمون المنحه اللي عطوها الناس000_ يعني اخذ من كيسه وعايده_000 وبعد ما يلمونها يصعدونه00!! والا معقوله الجناعات_ واهم عندهم عقليه فذه وتفكير بعيد المدى والا ما وصلوا لهل المواصيل وهالمكانه العالميه اللي تحتلها المخازن_ يعني ولا واحد فيهم عنده جم مليون يدخل على السهم وينشله من هالوحل اللي فيه واهم مقتنعين ان هالسهم له شان كبير في المستقبل ومرابح ضخمه مثل ما ايصرحون بالجرايد وايتكلمون بالدواوين00!!!!!! اخوي ربحت زبدة الكلام انه يا الجناعات يقصون علينا ومتفقين مع صناع السوق واكباريته عشان اينحشون صغار المستثمرين اللي مثل حلاتنا_واهم يدرون انه اكثر من عشرين الى ثلاثين بالميه من هالاسهم بدين صغار المستثمرين000او هالعقود اللي رست عليهم اللي بالمليارات توهقوا فيها ولا عندهم امكانيه ينفذونها وصناع السوق واكباريته عندهم خبر في عجزهم هذا وعشان جذيه نافرين من هالاسهم00 واسف على الصراحه اللي ادري انها راح تزعل ناس وايد00!!!

 

[مستثمر صغيروني]

اخوي دابس شكله الجناعات امطيرين نص قرضك00عشان جذيه ما تحبهم00 وانا اقولك000 انا بعد اايد كلامك00بلا جناعات بلا قلت ادب هههههههههههههههههه

 

[الفارس_Q8]

اخوي دابس شكله الجناعات امطيرين نص قرضك00عشان جذيه ما تحبهم00 وانا اقولك000 انا بعد اايد كلامك00بلا جناعات بلا قلت ادب هههههههههههههههههه

مشكلة الجناعات مافيه شفافيه والواحد مايدري هالعقود مربحه ولا عبء على الشركه وراح تبين عوائدها في الربع الاخير على اقل تقدير ونشوف جم ربحيه السهم واتوقع فيه صعود بس متى ننطر00000 والله املك في سلطان كميه حلوه 000بس من القهر ولوعة الجبد

معاكم بلا مخازن وسلطان بلا عوار راس

 

[بحراوي]

وتيرة التداول ممله حركة المؤشر بايخه نفسية المتداولين تعبانه

سوق كسلان ماصخ ويلوع الجببببببببببببببببببد

وأنتوا أشرايكم...؟؟؟؟

ما اعتقد ان السوق كان ممل ولا كسلان كما ذكرت اخوي بالعكس

مجموعة المشاريع مشالله تحركها ممتاز وصعودها طيب

مجموعة المجموعة الدولية تحركها ممتاز ولاقت استحسان المتداولين

مجموعة البحر تحركها جيد وبدات تتاسس على اسعار جيدة .

السوق ليس فقط جناعات اخوي السوق لكل المتداولين الي بالسوق

 

[kafan_falcaon]

وتيرة التداول ممله حركة المؤشر بايخه نفسية المتداولين تعبانه

سوق كسلان ماصخ ويلوع الجببببببببببببببببببد

وأنتوا أشرايكم...؟؟؟؟

السلام عليكم
هل الرواج الناتج من العقود الأمريكية يعكس سعر عادل لمجموعة المخازن
او ان الطلب على مجموعة المخازن زاد نتجة المبالغة الأعلامية لتلك العقود
اعتقد ان السوق صحح نفسه.

 

[الحكمة]

هناك اعتراف صريح من شركة الاستثمارات الوطنية ( اهى وصلت السهم لسعر6.850 واهى اللى نزلته الى السعر الحلى وليس الجناعات والدليل اجتماع الشركة مع ممثلى بعض المحافظ لعدم رضائها عن السعر السوقى للسهم) والاعتراف يقول ان غالبية المتداولين ينتظرون عودة اسعار المخازن الى الارتفاع وقد نشر
هذا الكلام قبل ثلاثة اسابيع من خلال التقرير الاسبوعى... يعنى الكل بانتظار عودة المخازن......

 

[ربحت]

المخازن وحدها تحصلت على عقود لم يتحصل عليها أكبر شركات الشرق الاوسط (والقادم أعظم)

المخازن 3060

الوطنيه العقاريه تملك وحدها بالمخازن أكثر مماتملكه نص محافظ وصناديق الكويت

وطنيه عقاريه 1220

مركز سلطان منشار الارباح طالع واكل نازل واكل أمداد غذائى ولوجستى للقوات الامريكيه وأنتشار محلى وأقليمى وعقود بمئات الملايين

سلطان1560

عند الحديث ان اسهم الشركات المذكوره فأننا نتحدث عن عقود جباره وأنتشار كبير وأرباح تشغيليه وسمعه عالميه

اما الحديث عن أسهم (هذه الساعه) فهو ..ان السهم الفلانى واصل لسعر وسوف يكسر هذا السعر وسوف يستقر عند هذا السعر وان هذا السعر جيد...بدون ارباح ونشاطات تبرر هذا الارتفاع وأن كانت ارباح (مقبوله)


بأختصار...أسهم تطير وترتفع بدون اى مبرر وأسهم تنخفض وتنام بدون اى مبرر..!!!!

 

[الزعيم1]

والله انشالله اخوي ربحت انا عندي احساس انه مسرحية الصعود راح تكملها المخازن وربعها بنص شهر تسعه او حتى ممكن نهايته بذن الله00 لكن اخوي ربحت انا عندي وجهت نظر في هالاسهم هذي 00 واهي ان الجناعات العبوا علينا لعبه تاريخه وقصوا علينا بالمنحه واحنا ما صدقنا واحس انهم اهم اللي قاعدين يضغطون على السهم عشان اينزلونه عشان يلمون المنحه اللي عطوها الناس000_ يعني اخذ من كيسه وعايده_000 وبعد ما يلمونها يصعدونه00!! والا معقوله الجناعات_ واهم عندهم عقليه فذه وتفكير بعيد المدى والا ما وصلوا لهل المواصيل وهالمكانه العالميه اللي تحتلها المخازن_ يعني ولا واحد فيهم عنده جم مليون يدخل على السهم وينشله من هالوحل اللي فيه واهم مقتنعين ان هالسهم له شان كبير في المستقبل ومرابح ضخمه مثل ما ايصرحون بالجرايد وايتكلمون بالدواوين00!!!!!! اخوي ربحت زبدة الكلام انه يا الجناعات يقصون علينا ومتفقين مع صناع السوق واكباريته عشان اينحشون صغار المستثمرين اللي مثل حلاتنا_واهم يدرون انه اكثر من عشرين الى ثلاثين بالميه من هالاسهم بدين صغار المستثمرين000او هالعقود اللي رست عليهم اللي بالمليارات توهقوا فيها ولا عندهم امكانيه ينفذونها وصناع السوق واكباريته عندهم خبر في عجزهم هذا وعشان جذيه نافرين من هالاسهم00 واسف على الصراحه اللي ادري انها راح تزعل ناس وايد00!!!

كلام سليم1000% وازيدك من الشعر بيت أنهم راح يمصون دم صغار المستثمرين مص والله أعلم أن بأنطلاقتهم محد يلحق عليه سوق ماله أى مقاييس...............

أنا أتصور ان أنظف مجموعه بالسوق أهى مجموعة دار الأستثمار التى أعتقد بل أجزم بأن راح يكون لها مستقبل عظيم..........................

 

[أمير القلوب]

أكيد مايمدح السوق الا من ربح فيه
والشاطر يكسب مع الجناعات ومع غيرهم
وكل وقت وله أذانه.

 

[wome]

للأسف الصج ينقال

الجناعات من زمان مالهم مصداقيه وشفافيه بالسوق ،، وكنتوا تقولون غير هالكلام لأنهم كانوا يعطونكم الربح الوفير في الوقت القصير ،،

في البورصه مبدأ ثابت في كل دول العالم : السهم الخفيف بالصعود هو سهم خفيف بالنزول .

ولا تقنعوني ان المخازن مو راضين بأسعارهم الحين ومسوين اجتماع مع المحافظ لبحث هالموضوع ،، اهي لعبه يقلدون فيها المشاريع

بعدين الكل يدري ان الاسعار اللي الحين رخيصه حدها ،، وكل واحد يحاول يبيع اي شي ثاني عنده عشان يشتري بأسعار هالأيام ،، بس هذا الخوف ،، دايما اسهم الجناعات تفاجأ الكل بعكس التوقعات سلبا أو إيجابا

هذا مو تحامل بس رايي بالجناعات من عمر ومشكورين

 

[مستثمر صغيروني]

اخوي ربحت اللي يدش البورصه لا زم يكون ( حيه _ ثعبان) ايتلون الف لون وثل ما ايقول المثل( الحي يقلب) واحنا لي متى ننطر الجناعات ليما يعطفون علينا واينقزون السهم ولا تقولي القرار مو قرارهم لا اخوي اسمحلي كل القرارت بدينهم والا شركه مجموع العقود اللي رست عليها اكثر من عشرين مليار تنزل ما تصعد؟؟؟!!! اخوي الفاضل ربحت احنا مع المجموعه الدوليه ودار الاستثمار وشلتهم اللطيفه عسى الله يحفظهم ويحفظ ملاكهم واذا حسينا ان المخازن وربعها د قوا طيارتهم سلف د قينا وراهم سلف ولحقناهم000 وانا بعد اايد كلام الزعيم اللي يبي يربح بدون شوشره يروح دار الاستثمار لان لو اتلاحظون السهم من الاسبوع اللي طاف قاعد يزحف كل يوم مرتفع عشرين ثلاثين فلس ما شالله عليه000 ودمتم

 

[ربحت]

بس للتوضيح

أعلم كما يعلم غيرى ان هناك كثير من الشركات فيها الخير الكثير بالبورصه

ولكن القصد من هذا الموضوع ان تلك الشركات تعطيك العشرين فلس والاربعين فلس (بالحسره)

وأيام الجناعات كانت ال100 فلس تاخذها بيوم واحد أو اسبوع بالكثير

وكانت حتى الشركات التعبانه صاعده وياهم....يعنى بأختصار مافى خسران بالسوق وتقدر تشترى اى شركه حتى لو شركة الدواجن ومحلات رعد وهم بعد تربح..!!!!

 

[bo jassem]

سامحوني يا اخوان بس ودي أبدي رايي اذا ممكن,,,

السوق الكويتي و للحمدالله فيه من الضوابط الي تجعل الخساير اقل ما يمكن و السوق مو واقف على شركه معينه أو على عائله معينه بالسوق,,,
السوق الكويتي للكل و الله هو الرازق و أرجو من الاخوان عدم التجريح بأي عائله من عوائل الكويت,,,

معلومه: مجموعة الجناعات لما صعدت , صعدت شركات ما لها داعي تصعد و العموم أسترزق من هذا الصعود,,,

المفروض نطري عوايل الكويت بالخير لأن (كلنا عيال قريه و الكل عارف أخيه)

أتمنى اني ما جرحت أحد بكلامي لأني مو قاصد أحد لكن كلام و ينقال,,,

والسلام عليكم و رحمه الله و بركاته,,,

 

[wome]

والنعم بالكل ،، والنعم بالجناعات كأشخاص ،، بس احنا نتكلم عن الاسهم اللي يسمونها اسهم الجناعات ،، مثل ما نقول اسهم البحر مثلا ,,, أكيد احنا ما نعني العوايل نفسها

المشكله بصراحه هي ان اسعار اسهمهم مو بس يتركونها للسوق والعرض والطلب ، واهم يتفرغون لتحقيق الأداء الأفضل لشركاتهم المدرجه , الوضع غير جذي تماما ،،، اسعار اسهمهم اهم يحددونها يرفعونها متى ما بغوا وينزلونها متى ما بغوا

ومثال على مشكلة عدم مصداقيتهم ،، احد المقربين جدا على أحد أعضاء مجلس إداره بيان ،، خذا توصيه من العضو ان يشتري سهم بيان بأي سعر قبل إعلان أرباح الربع الثاني لأن الشركه ( حسب كلامه ) محققه أرباه 170 فلس !!! وطبعا اهو ادرى الناس ان الشركه كانت خسرانه في الربع الثاني بس شنو السبب اللي خلاه يوصي واحد قريب منه حيل ان يشتري السهم ؟؟؟ ولما توهق صاحبنا كل ما يكلم ( فلان ) يقول له انطر مالك شغل الأرباح راح تيي بالطريج )

اسهمهم بصراحه طريق الثراء السريع ،، وفي المقابل ممكن تكون طريق الهلاك الأسرع

ولا شركه ثقيله ومحترمه مثل الوطنيه العقاريه خلال شهر تلقاها من دينار و 700 فلس إلى دينار و180 فلس ،، بدون أي أخبار سيئه ! ترى الفرق كبير ومجاميع ثانيه غير الجناعات ( مثل المشاريع ) ما تسمح لأحد بالسوق ان يتلاعب بأسهمهم ويخسر الناس باسمهم بهالشكل الواضح