الى كل المطلقات والمطلقين والاخوه الزوار

[abo-aziz]

السلام عليكم ورحمة الله وبركاته

اخواني وخواتي ودنا ناخذ رايكم بموضوع الطلاق بما انه اصبح يهدد بكارثه اسريه حسب اخر الاحصائيات فعليه نود ان ناخذ رايكم بهذا الموضوع وخصوصا
الناس اللي مرووا بهذه التجربه (اللهم اصلح امورهم واجمع شملهم وجميع عبادك المسلمين ) الا وهي .

1- ماهو السبب الرئيسي لوقوع الطلاق ؟(عادتا)
2- هل انتم نادمون لتطور الامور الى حد الطلاق ؟
3- ماهي وجهة نظركم للحد من هذه الظاهره ؟

ربنا آتنا في الدنيا حسنة وفي الآخرة حسنة وقنا عذاب النار. وصلي اللهم علي سيدنا محمد وعلي آله وصحبه وسلم.

ودمتم سالمين

 

[q_kush]

1- ماهو السبب الرئيسي لوقوع الطلاق ؟(عادتا)

ضعف الحوار
الزواج المبكر
القروض
ووايد اسباب

2- هل انتم نادمون لتطور الامور الى حد الطلاق ؟

لاوالله انا مونادم لان اهم السبب
ماعليهم حسوفه

3- ماهي وجهة نظركم للحد من هذه الظاهره ؟

اول شي
البنات بسهم دلع ومصاخه
وعلى اي سالفه بروح بيت اهلي وبروح بيت اهلي
ومالها خلق شي

 

[مهرة بلا فارس]

انا بتكلم عن الطلاق بوجه عام

اسبابه
الزواج المبكر
التفكير الخاطئ بالرجل ان المرأه عبده له ونسى ان اخر ماوصى فيه الرسول عليه الصلاه والسلام الصلاه والمرأه
الترف والدلع الي عايشينه البنات الحين
عدم الاحساس بالمسؤوليه يعني المرا تصرف على نفسها وتربي عيالها واهو دوره يقعد بالشاليه او الدوانيه وعدم صبر المرا على هالاسلوب

وعاده المطلقين من الرجال مايتحسفون ياخذون الثانيه وتلعن جدهم الاولى بالقضايا
والمطلقات اول شي ماتتحسف ولما تكبر تتحسف

والحل من هالشي وهي الشباب اكثر باهميه الزواج كرباط مقدس بين الاثنين
وانه حوار واخذ وعطا بين الاثنين
ويوعون ان لازم يكون كل طرف له حق الاحترام والتقدير
ولما يقول ابو ١٨ بتزوج يزوجونه على ٢٨

 

[داشه عرض!!]

هالموضوع يعانون منه كل مجتمعات العالم

بدايتة

الطلاق الزواج عدم الزواج والخ

امور مقدره وقسمه ونصيب

لكن اهم الاسباب اولا الزواج المبكر للجنسين من اكثر اسباب الطلاق شيوعا وانتشارااااااااا

زمان اول غير عن زمنا الحالي مختلف اختلاف كلي ماكو انفتاح ولا هو نفس الدلال والترف في الوقت الحالي

زمن الاجداد كان الولد بعمر صغير يتحمل المسوليه طبعا مو الكل لكن الحياة كانت مختلفه وايضا البنت كانت صغيرة السن تتزوج وتتحمل المسوليه

لكن الحين بهالزمن الزواج المبكر من اسباب الطلاق

لان الولد والبنت عقلياتهم جدا صغيره او نقدر نقول ماكو نضج او وعي تلقا الريال او المرا اول حياتهم دراسه مايخلصها الا بال22 او 23 او اذا دكتور او مهندس بال25 و27 سنه

بدايته دراسه عقبها يبي يبني مستقبله او ان يعيش يشم نفسه يستانس بعزوبيته مايصير يخلص من هم الدراسه يدش بهم اكبر اللي اهو الزواج ومسؤليته الاطفال !!

اهنيه تبتدي المشاكل لان ماعاش حياته بشكل مرتب ولا اكتسب خبره او نضج بتشوفهم مايتحملون بعض ولا اكو انسجام وقلة الخبره

وبنت ال20 تعتبر بهالزمن طفل ماطلعت عالدنيا تدرس شلون تدش بمسوليه الزواج صعبه

يفضل الريال من اخر العشرين والثلاثين وطالع يتزوج يكون مستقر اكثر واركد

والبنت من بعد ال25 تكون اركد واوعي بموضوع الزواج لكن تتزوج لك وحده ياهل توها طالعه من البيضه مثل مايقولون بتشوفها حتي المشاكل ماتواجها بعين العقل بتاذيك

ثانيا الخيانه

هذي من الاسباب اللي نشوفه انتشرت بشكل فظيع ليش الاخ تتزوج عشان تخون !! يعالج الغلط بغلط اكبر علي باله ان الزواج مجرد مراه تييب اطفال وتربي وينسا شنو مسوليته
الزواج رباط مقدس والاخلاص والاحترام اهو اساسه

ايضا بعض الازواج ماعندهم وعي او طولة بال او تحمل اي مشكله تواجهم قلبو الدنيا ويختفي عنصر التضحيه والتنازل

واغلب الانفصال في زمنا الحالي يكون بداية الاشهر الاولي للزواج حتي ماكملو السنه الا انفصلو

اهنيه ايي دور اهميه فتره الخطوبه ( الخطوبه الرسميه بعلم الاهل )

هذي الفتره من اهم الفترات عشان الطرفين يعرفون بعضهم اكثر وكل طرف يعرف شنو نظرة واهداف الثاني بالزواج وتيناقشون بكل الامور اللي تخص مستقبلهم وشنو كل واحد مسوليته وحقوقه وواجباته وشنو يحب وشنو يرفض من امور لابد من الاتفاق قبل لايطيح الفاس بالراس


الشك والبخل والاهانه

هذي تنوجد في بعض الازواج اللي ماتربو عدل او كان لهم سوابق اخلاقيه مشينه واللي ماعندهم اي اطلاع باداب الدين الاسلامي


وان شاءالله الله يعوض كل منفصل ومنفصله بالازواج الصالحين

ولاتتسرعون بالاختيار الا بعد ماتتاكد ان اللي تبي تاخذه كفؤ وتسالون عنه عـــــــدل

(ترا الزواج مو وناسه وطقطقه وعرس الزواج مسوليه كبيره مو الكل ينجح فيها ولا الكل قدها )

والاهم عقلك واعي وناضج وعندك خلفيه ومعلومات عن الحياة الزوجيه مستعد لتحمل المسوليه وتكون اعصابك بالثـــــــــلاجـــــه لان العصبي والمتعصب لرأيه ويلغي راي غيره اقوله لاتتزوج افضل

 

[زهره]

برأيي سبب الطلاق الاول والاخير والرئيسي هو الخيانه, خاصه الخيانه اللي علي طول من غير ندم ولا احترام للزوجه .
المرأه لا تتطلق عشان طبع ريال والا بخله والا عصبيته وحتي الطق ساعات تطوفه بس الخيانه المتكرره تقتل الحب تقتل احترام المراه للرجل وبالتدريج يبدأ كل شي ينهار طابوقه طابوقه ليمن ينهدم البيت.

أنا فعلا نادمه علي طلاقي الاول بس مو حسافه بالريال, اعتب علي نفسي انه لم يكن لدي القدره علي التحمل حتي يعيش ابنائي حالهم حال الناس في اسره , حاولت بكل ما استطيع 14 سنه ليمن صار فيني امراض نفسيه واكتئاب.

ليس صحيح انه صغر العمر له اثر بالطلاق . انا كان عمري 20 سنه وعندي 3 ابناء .الحب الحقيقي اهوه اللي يجعل الزواج يستمر , وانا ما اقصد حب قبل الزواج , اقصد الحب الحقيقي اللي بعد الزواج

 

[كويتيه @]

السبب اللرئيسي للطلاق الخياااانه

 

[كوهجي]

السلام عليكم ورحمة الله وبركاته

اخواني وخواتي ودنا ناخذ رايكم بموضوع الطلاق بما انه اصبح يهدد بكارثه اسريه حسب اخر الاحصائيات فعليه نود ان ناخذ رايكم بهذا الموضوع وخصوصا
الناس اللي مرووا بهذه التجربه (اللهم اصلح امورهم واجمع شملهم وجميع عبادك المسلمين ) الا وهي .

1- ماهو السبب الرئيسي لوقوع الطلاق ؟(عادتا)
2- هل انتم نادمون لتطور الامور الى حد الطلاق ؟
3- ماهي وجهة نظركم للحد من هذه الظاهره ؟

ربنا آتنا في الدنيا حسنة وفي الآخرة حسنة وقنا عذاب النار. وصلي اللهم علي سيدنا محمد وعلي آله وصحبه وسلم.

ودمتم سالمين

من وجهت نظري الطلاق مومشكله ..

انما حل لمشاكل لم ينجح الطرفين في حلها بطرق أخرى .

الاسباب تختلف باختلاف الحالات لاننا بشر ..

منها عدم وجود تكافئ ..

تعذر التفاهم بين الطرفين ..

تدخل أحد الابوين (عادة) في حياة ابنائهم .

أسباب ماديه ..

صغر سن الزوجين وقله خبرتهم في ادارة حياتهم معا ..

الملل الذي يصيب الحياه الزوجيه بعد سنوات طويله من الزواج .

حلول :

وضع منهج تربوي تثقيفي لنشر الوعي الاسري..

تعريف الابناء بواجباتهم وحقوقهم في ظل قانون الاحوال الشخصيه .

فتره الخطوبه مهمه للتعارف بين الزوجين قبل العقد .


شكراً على الموضوع ​

 

[داشه عرض!!]

8
8
8
صح كلامك في حالات وايد الطلاق يكون فيها حل لانهاء المشاكل لان في ازواج صعب العيش معاهم العمر مره وحده ليش الانسان يعيش معذب طول عمره والله ما حلله الا لان يدري ان عباده مو الكل يقدر تنجح حياته بالزواج