كراج لتجفيد مكينة فورد

[بوفواز8]

السلام عليكم
اخواني بغيت كراج ممتاز وسعر زين لمكينة فورد الله يجزاكم خير ابي محل يخاف الله تعبت من محلات أخوننا العرب الي مايخافون الله لا سعر ولا شغل ياليت يحلل الفلوس الي ياخذها
الي يعرف لايبخل علينا لان المدرسة قربت والسيارة لسايق واسف علي الاطاله
والله يحفظنا معاكم

 

[زائر قديم]

في كراج بالشويخ

في كراج بالشويخ ميكانيكي باكستاني وشغله نظيف وامانه وسعره مناسب موقعه شوي داخل ورقم تلفونه 99515572 اسمه رياض ورقمي 99681079 لاي استفسار انا حاضر

 

[ابو نايف2010]

اخوي اذا تبي شي طييب ومجربه انا شخصيا بسيارتي. دق وحاضر ان شاء الله ٦٦٩٢٩٨٤٠

 

[جمس عبارتين 454]

اخوي ليش متعب نفسك روح السكراب واشتر ماكينة ب 180 دينار مع التركيب وفك عمرك من التجفيت وكفالة شهر وريح راسك التجفيت هالايام ينخاف منه وما احد يضبطه وكل كراج يفتي ويتفلسف من عنده

 

[airport]

في كراج بالشويخ اسمه كراج الباخره من بعد كفتيريا الشويخ دش يمين تلاقي الكراج على يسارك
في واحد اسمه امتياز وشغله للامانه نظيف وسعره معقول ويعطيك كفالة

 

[القديم 22]

وعليكم السلام ورحمة الله


هذا كراج اسمه كراج صنيدح والمسؤل اسمه نادر ,,, رجال مصلي ومحترم 0

وشغله 100/100

واخصائي فورد 0 وانا اعرفه بعد تجربه ,, مره من المرات كان عندي فورد نظيف جدا , ولكن فجأه قام يبخر زيت بقوه من فتحة مقاس الزيت ومع القزوز 0 العجيب كل مامريت كراج قال تجفيت المهم صار الاختلاف على قيمة التجفيد واحد يقول 350 وواحد يقول 400 وواحد يقول 450 وقابل للمساومه 0 رجعت البيت افكر ,, بعدها اتصل بي اخ عزيز وبلغته كان يدلني عليه 0 كان يفحص السياره قال شنو قالولك ,, قلت مكينه تعبانه وتبي تجفيت 00 كان يضحك قال ماكينة سيارتك ممتازه جدا , كان يدخل يده بين البدي والماكينه وراء الشوته ويطلع فلتر صغير مسدود قيمته دينارين ويركب جديد وقال حسابي بعد دينارين 00 يعني المبلغ كله 4 دنانير 0والله هذا اللي حصل 0من تجفيت 400 دينار الى 4 دنانير فقط !!! انا ارتحت له لانه صلاته دائما في المسجد0وصرت زبون عنده في اي سياره 0 تلفونه 99484083

للعلم السياره استعملتها سنتين بعد هذا العطل 0​

​

 

[خالد الرسلاني]

الشباب ماقصرو فيهم خير وبركه وششوف الكراج الي وصفه لك اخوي القديم

وانا عندي فورد امس طلعتها من كراج هم كانت تصرف وتبخ الزيت وحالتها حاله

والحمدالله امس اخذته وكفاله ست شهور شامل وجايه عن طريق معرفه ومجفدها بـ250 دينار

الكراج اسمه النجم الساطع (( سوسيل 99057381 - 24670093 ))

 

[Q8T_1]

تبدل بسياره شغاله كولت بوكس مودل 98 // ت 67054438