أبي قرض حسن

[q_kush]

مرحبا شباب


حاولت بقدر المستطاع للحصول على قرض حسن بس بيت الزكاة يبي واسطه

شنو الحل ؟


جدولة قروض ماكو
قروض حسنه ماكو

عندنا اشغال ومحتاجين فلوس تقدر بالألاف
ابي اي احد يعطي قروض حسنه وانا ادفعله شهريا لمدة 4-5 سنوات واتعهدله بهالشي

ولكن مالقيت حل !

تعبت وانا افكر وشيب راسي

العمر ماشي وانا للحين مالقيت حل !

 

[اللمبى]

اذا عندك ذهب لامك او زوجتك او اختك بيع المقدار اللي محتاجه الجرام16دينار

وبعدين ردهم على الراحه ولاتراح تحصل قرض حسن ولا علي مافي بنك يعطيك

 

[روح السوق]

مرحبا شباب


حاولت بقدر المستطاع للحصول على قرض حسن بس بيت الزكاة يبي واسطه
شنو الحل ؟


جدولة قروض ماكو
قروض حسنه ماكو

عندنا اشغال ومحتاجين فلوس تقدر بالألاف
ابي اي احد يعطي قروض حسنه وانا ادفعله شهريا لمدة 4-5 سنوات واتعهدله بهالشي

ولكن مالقيت حل !

تعبت وانا افكر وشيب راسي

العمر ماشي وانا للحين مالقيت حل !

اذا مستوفي شروط القرض الحسن جان استلمت
لا اتقول واسطه .... دزلي رقم الملف اقولك ليش ما عطوك (على الخاص)

 

[متدرب أصيل]

شنو الفرق بين القرض الحسن والقرض العادي ؟

 

[روح السوق]

شنو الفرق بين القرض الحسن والقرض العادي ؟

القرض الحسن يسترجع الدين كما هو دون فايده
والقرض العادي تقصد مثل البنوك ..يكون العكس استرجاع الدين بفايده

 

[متدرب أصيل]

القرض الحسن يسترجع الدين كما هو دون فايده
والقرض العادي تقصد مثل البنوك ..يكون العكس استرجاع الدين بفايده

يعني سلفة ؟ وهل بيت الزكاة يعطي قروض حسنه ؟ و شنو متطلباتها ؟
مشكور و ما قصرت

 

[al7boob_77]

يعني سلفة ؟ وهل بيت الزكاة يعطي قروض حسنه ؟ و شنو متطلباتها ؟
مشكور و ما قصرت

اي اخي العزيز بيت ازكاه يعطي قرض حسن منير فوائد 3 آلاف دينار باستقطاع شهري 100 دينار كل شهر
طبعا تقدم طلب وتدخل اوراقك لجنه واللجنه تحدد احتياجك ويا توافق او ترفض ولها شروط ومو اي احد ياخذ المبلغ

اذا عندك استفسار مر مقرهم

 

[q_kush]

لا حول ولا قوة الا بالله

معناتها ماكو !

هالبيت الزكاة اذا عندك واسطه واحد ملتحي يعطونك مو3
الا يعطونك 20 الف


ماعلينا ياشباب

ابي قرض حسن
او
واحد يدفعلي الدين وارد اخذ قرض اكثر من اللي خذيته واخذ الفرقيه وعطيه الي دفعلياه
او

اي حل اي حل تكفون !

بدون تجريح لوسمحتوا

لان خلاص خلالالالالالاص يعني خلالالالالالالالالالالالالالالالالالالالالالالالالالالالالالالالالاص

لازم اشوفلي حل

عندي شغل لي الراس ان ماسويته بطحس طول العمر

 

[faisel 2]

اذا مستوفي شروط القرض الحسن جان استلمت
لا اتقول واسطه .... دزلي رقم الملف اقولك ليش ما عطوك (على الخاص)

يا ليت تذكر لنا ماهي الشروط على العام لتعم الفائده..وشكرا

 

[el6ayeb]

مو كل واحد يستحق القرض الحسن ..فيها شروط شرعية ..و اعتقد انها للمعسرين فقط

بس تقول في واسطات أخذوا قرض حسن من بيت الزكاة .. أقول كل شي جايز .. لأنها تدش لجنة تنظر بطلبك و اللجنة تشكل من أشخاص .. والمعسر ليس له تعريف واضح ..مطاطي!! اذا واسطتك قوية!!

 

[q_kush]

اللي يعرف هالواسطه يبلغني الخاص
عشان اسوي اوراقي واخلص من جميع مشاكلي

ناطر الشباب

 

[الاثمار]

اى عضو من حدس تمشى معاملتك

اللي يعرف هالواسطه يبلغني الخاص
عشان اسوي اوراقي واخلص من جميع مشاكلي

ناطر الشباب

 

[q_kush]

عاد حدس شلون نوصلهم هذول

ماتوقع هالمجلس في واحد حدسي غير الحربش

ابي واحد من دائرة الرابعه يضبطني ببيت الزكاة ؟

 

[q_kush]

Skip !!!

 

[abuhbib]

اللهم يسر امور المسلمين

وفرج كربهم وضيقتهم وارزقهم

 

[net_q8]

اذا مستوفي شروط القرض الحسن جان استلمت
لا اتقول واسطه .... دزلي رقم الملف اقولك ليش ما عطوك (على الخاص)

تبى تقول ان بيت الزكاة مافيه واسطه ؟!!

 

[روح السوق]

تبى تقول ان بيت الزكاة مافيه واسطه ؟!!

اخوي لا ترد علي سؤال اب سؤال

قتلك في اسباب بعدم حصولك على القرض ....(الشروط)

وعيدكم مبارك

 

[q_kush]

افتر راسي ودور حل !

 

[q_kush]

ياجماعه دلوني على حل مني مناك

واللي يعرف واحد يدفعلي قرضي وانا اعطيه لمن اخذ قرض اكبر من اللي خذيته وعطيه اللي دفعلياه حتى لويبي عموله رمزيه وضمانات و ماهو خسران شي

وللي يقدر جزاه الله خير ماهو خسران بالعكس ربحان

وعسى الله يجعله في ميزان حسناته


واللي يبي يجرحني يوفر مشاركاته


وعيدكم مبارك


ناطر الحل !!!!؟!؟!؟!؟!؟

لقد بلغ سيل الزبى

 

[مجد 91]

جرب لجان الزكاة المعروفة
لجنة زكاة العثمان .. حولي
لجنة زكاة النوري .. القادسية
لجنة احياء التراث الاسلامي .. قرطبة
لجنة الاصلاح الاجتماعي .. الروضة
لجنة زكاة الشامية
.... ..... الجهراء
.... ..... سلوى
.... ..... الفيحاء
.... .... الخالدية واليرموك

طلعت اسماءهم من جوجل وشوف أي لجنة قامت بالواجب علشان الناس تعرف انها فعلا لجنة تستحق نعطيها الزكاة والصدقات .