سؤال عن......نسبة الماكينه%بالفحص مهم للجمييييييع

[M7MD Q8]

السلام عليكم
اللحين اذا فحصة سياره........مثلا ماشيه 250الف
وطلع بالفحص نسبة الماكينه..60%
هل هذا يعني ان السياره راح تمشيك زي المسافه 250الف وزياده؟؟؟؟
على فرض انه السياره استهلكة 40% من نسبة الماكينه على شان تمشيء 250الف
اتمنى ان الفكره وصلت
وطبعا هذى الكلام راح ينفع الكل.....سواء السياره ماشيه 10الاف او 100الف
وكذلك النسبه....وشكرااااااااااا​

 

[kwto_o]

فحص الماكينه على الكمبيوتر كله خرطي وغير صحيح احسن شي شوفلك ميكانيكي شاطر فحص يد احسن انا مره شريت سياره وفحصت الماكينه كمبيوتر وطلع نسبتها 65% واستعملت السياره 6 سنوات ولا انفتحت ماكينة السياره ابدا المهم اللي شراها فحصها كمبيوتر نسبة الماكينه 75 %

 

[M7MD Q8]

^^^^^^^^^^
الله يسلمك............^_^60%وبعد 6 سنين 75%...فعلا شيء رائع
كلامك صحيح............فحص الكمبيوتر اي شيء....او اللي يفحصون مايعرفون شيء
اذكر مره فحصة سياره وقالولي مافيها دعمه او صبغ...وبعد كم سنه اكتشفة ان الواجهه كلها مبدله
وناقصه براغي....ومربوطه باسيام بعد.....الله يستر​

 

[ياسر 1970]

ياشباب بالنسبه لفحص الماكينه ضروري لأنه يعطي نسبة الهواء المضغوط في غرفة الإحتراق ونسبةاحتراق الدهن في مجرى الهواء من وإلى المحرك وتعتبر نسبة الماكينه فوق 70% جيده وفوق 80% ممتازه ولكن تختلف من محل إلى أخر حسب أجهزته وفريق الأختصاص

 

[بوو علي]

ياشباب بالنسبه لفحص الماكينه ضروري لأنه يعطي نسبة الهواء المضغوط في غرفة الإحتراق ونسبةاحتراق الدهن في مجرى الهواء من وإلى المحرك وتعتبر نسبة الماكينه فوق 70% جيده وفوق 80% ممتازه ولكن تختلف من محل إلى أخر حسب أجهزته وفريق الأختصاص

مشكور يا ياسر على التوضيح المفصل.

 

[عاسف الأصايل]

اخوي ما عليك من فحص الكمبيوووتر لانه مصخررررررررره

واغلب الفحص يقولون لك ربل صباب او جنزير الصدر او تبخير

اخوي انا مجفد ماكينه جمي ب 700 دينار وعقب اسبوع من التمرين وديتها لاكثر من محل فحص كمبيوتر والفحص يقول ربل صباب+ تبخير ماكينه

شلون تصيد مصداقيتهم امش بالسياره 2000 كيلو وقيس عيار الزيت وطلع لا ناقص ولا قاله الله

السياره تعرفها من صفاوتها ومن ممشاها ومن عيار الزيت

شكرا لك وغيري عنده افضل من عندي من معلومات

 

[ياسر 1970]

كلامك صحيح لانك مجفد المكينه ويوجد دهن محترق في الكزوز ويبين في الفحص طبيعي جدا ولكن لم تذكر نسبة الماكينه هل جيده أو دون المستوى

 

[S c O r P i O n]

يالربع ترى مافية بالرمال فحص كمبيوتر كلة تقديري
تعال افحص مكينتك اليوم وتعال بكرة وافحصها وشوف النسبة على مزاج الفني اللي يفحص

 

[صقر3]

فحص الماكينه على الكمبيوتر كله خرطي وغير صحيح احسن شي شوفلك ميكانيكي شاطر فحص يد احسن انا مره شريت سياره وفحصت الماكينه كمبيوتر وطلع نسبتها 65% واستعملت السياره 6 سنوات ولا انفتحت ماكينة السياره ابدا المهم اللي شراها فحصها كمبيوتر نسبة الماكينه 75 %

على فكره لما يكون

زيت جديد تختلف نسبة سيارة

يمكن كان في الفحص الاول زيت قديم

وعيدكم مبارك*

 

[بوعبدالله]

حسب تجربتي شريت سياره ووديتها الفحص قالي نسبة المكينه 73% وماشية 160 ألف وبعد ماحولت السياره وديتها الوكاله وسويت لها سيرفس كامل بلاكات وايرات زيوت وفلاتر هوا وبانزين وبعد استخدام 34 ألف بعت السياره و بالفحص بين ان نسبة المكينه 77%

توقعاتي يا الجهاز يخوره او ان السيرفس برجع ينشط المكينه و بالجهاز يبين ان اداء المكينه افضل

 

[Kamshad]

يا جماعه السياره لما تفحصها بدون ما تسوي سيرفس لها ويكون فيها تهريبات وغيره اكيد بيعطيك نسبه % ناقصه وقليله

وطبيعي عقب ما تسويلها سيرفس ترتفع النسبة

النسبه هذي تعطيك أداء المكينه بالوقت الحالي وفي متغيرات وايد تؤثر على اداء المكينه من بلاكات وكهربا وضغط غرفه الاحتراق الصبابات وغيره

لكن سالفه التبخير والاعذار المعروفه يستعملونه اغلب المحلات عشان بعدين لي صار شي لا تناشبهم ويبرون ذمتهم

خلك على فحص تعرفه ومجربه ومضمون ولا لاتفحص الا بنفسك