لوحة الأرقام الأمامية لسيارتي أنمسحت من الطوز

[aw99]

السلام عليكم
لوحة الأرقام الأمامية لسيارتي أنمسحت من الطوز

أحد يعرف وين أسويها بمحل بالشويخ ياخوان

كذلك الليتات الأمامية صارت بيضا من الطوز

 

[S c O r P i O n]

بالنسبة للوحة طاف خلها علشان الكامرات لاتصيدك
وبالنسبة لليتات روح الشويخ شارع الزينة عند محلات الاستكرات يسون لك بوليش ويرجعونها جديدة
اما اللوحة في طريقتين ستكر او صبغ الارقام تقدر

 

[aw99]

بالنسبة للوحة طاف خلها علشان الكامرات لاتصيدك
وبالنسبة لليتات روح الشويخ شارع الزينة عند محلات الاستكرات يسون لك بوليش ويرجعونها جديدة
اما اللوحة في طريقتين ستكر او صبغ الارقام تقدر

بارك الله فيك اخوي S c O r P i O n
جزاك الله خير

انا قلت يمكن فيه محل يصبغ الأرقام بحبر معين

 

[560SEL]

يا رجال سوها بنفسك بقلم خطاط اسود او خذ بدل تالف وبالنسبه للكامرا ترى يقدر يجيبك من رقم الشاصي اللي على الجام الامامي وصارت مع كذا واحد لكن حط عليه ورقه بيضاء ولا كلينكس

 

[Se7T]

اعتذر عن النصيحة
تم شطب الرد

 

[aw99]

بسم الله الرحمن الرحيم

ياخوان أسأل عن محل يصبغ الأرقام اللي خربها الطوز علشان ما اتخالف
و بعدين اخاف ماقدر أسافر لهذا السبب أن الرقم ما يبين
شجاب طاري السرعة و بدل فاقد و المخالفات و العقلاء و العيش الكريم

منو قال اني بسوي جذي علشان السرعة
انا ما أسرع

الله يهديكم و يجزاكم خير
ترا الشك مو زين و غالبا مو بمحله

 

[الله ثم الوطن]

يالغالي تعرف قلـم الصبـوره الاسود اللي مايروح لونه تلقاها بالمكتبه بـ500 فلس او ربع دينار اشتره ووقف عند البيت وخط الارقام بدقيقه وسلامتك والله يسهل دربك وتروح وترجع بالسلامه

 

[الحريه وطن]

خلها ممسوحه ابرك لك عشان ماتصورك الكامرات

 

[بومعالي]

أخوي نصيحتي لك إصبغ اللوحه و جلدها ، أنا صبغت اللوحه قبل فترة وماطول الصبغ انمسح

بالنسبة لليتات إذا بلاستيك لا تسويهم باللكر بس يعطي لمعه من غير إضاءة ، سولهم بوليش عند المحلات اللي يلمعون الليتات وأذكر منهم محل قريب من مخرطة السلام لما تكون المخرطة قبالك على الدوار اخذ يمين بعدها خمس محلات أو ستة بتحصل محل يلمع ليتات وكيبات على اليسار

 

[ابو رجا]

اي خطاط يسويها لك

او روح مرور العاصمه وسو بدل تالف *

 

[عبدالله النصار]

السلام عليكم ويعطيك العافيه اخوي حبيت انصحك وادلك على واحد يصبغ لوحات السياره
في خطاط بالشويخ يصبغ اللوحه بدينار ونص يردها كانها توه طالعه مكانه دش الشويخ من صوب الرابع تخلي المطافي يسارك وتكمل سيده راح اييك اول دوار كمله سيده وبعدين اييك ثاني دوار هما كمله سيده عند اول لفه راح تلقى على يمينك محل قطع غيار صاير بزاوية اللفه عند المحل هذا في خطاط يسويلك اللوحه واما بخصووص ليتات السيااره وده شارع الزينه يبولشونهم لك وشكرا واي شي تبي انا حاظر