معلومة عن زيت المكينة ديرو بالكم ؟

[أعرابي]

السيارات حتى لو هي جديدة لا يطول الزيت بالمكينة أكثر من المدة المقررة له , لأنه يحترق و تزيد كثافته يصير جنه قار و يسكر شبك طرمبة الزيت و تطق المكينة واحد من الربع جيبة برادو جديد مطنش السيرفس لما فلشو المكينة ورونا شبك الطرمبة مسكر يعني الزيت مايوصل للمكينة و يصير إحتكاك و تطق المكينة ملاحظة لما ولعت لمبة الزيت علباله معلقة و ماصدقها ؟ في أوربا أحيانا يمكن يزيدون الزيت لأنه يكلف عندهم يعني كم تبديله خلال خمس سنوات بسعر مكينة ؟

 

[hamed_zd]

افهم من كلامك ان الاوروبيين يزيدون الزيت بدل التبديل؟

 

[دار الفلك دار]

ياخوي مافهمنا شنو المعلومه الي تبي توصلها بالضبط
هل ان الزيت لا يتم بعد المسافه المحدده

 

[دار الفلك دار]

لما خربت مكينه سياره صاحبك من ردى الشركه
انا كان عندي جيب انفنيتي ومابدلت الدهن ١٥ الف ماصار الا العافيه
وديته الوكاله وقالو لازم نسوي السيرفس ةتبديله الدهن مالت الي طاف
عشان الكفاله

 

[560SEL]

انا امشي عليه وازوده واذا طول وقلب اسود بدلته
لكن تويوتا نصابين وزيتهم مغشوش او هم لاعبين بالسياره

 

[maax1]

البى ام والمورسيدس ابدل فى الوكاله كل 10 الاف كم طبيعى
من 3 سنوات ماصادفتنى مشكله بفضل الله

انت يمكن تقصد المشى الزايد فوق ال 15 الف كم ؟؟

 

[ميكانيكي]

السلام عليكم

الرجال يمكن قصده لاتطول بالدهن

يعني اذا انت شاري دهن بو خمس الاف ... بدل كل خمس الاف كيلو

واذا انت شاري بو عشر الاف ... بدل كل عشر الاف كيلو
__________________

ذكرتني بواحد من الربع كان عنده كريسيدا

يقول ::

بقولك شغله ما تصدقها

قتله شنو

قالي السياره ماشيه 400 الف كيلو وداقها دق

وولا مره اختربت او صار فيها شي ههههههههههههههههههههههه غير الشغلات الاستهلاكيه

يخرب بيت الكريسيدا عجيبه خخخخخخخخخ

المهم ::

يقولي تدري شنو السر ؟

قتله شنو ؟

قالي ابدل الدهن كل الفين اذا مو ثلاث الاف كيلو

ما اخليه خمس الاف

كل شي جايز

 

[أعرابي]

ياخوي مافهمنا شنو المعلومه الي تبي توصلها بالضبط
هل ان الزيت لا يتم بعد المسافه المحدده

طبعا لا تخلي الزيت أبو 5000كم أكثر من 5000 و يحترق و يصير أسود راح يثقل و يسكر شبك أو فلتر طرمبة الزيت و مايوصل الزيت للمكينة و يصير إحتكاك فيها و تطق

 

[بو عبدالله العت]

كلام سليم كل ماطول الزيت يقلب اسود ويصير مثل القار ويقلل من عمر المكينه وخاصه بالصيف يدمر المكينه

 

[a7md]

:d:d

السلام عليكم

الرجال يمكن قصده لاتطول بالدهن

يعني اذا انت شاري دهن بو خمس الاف ... بدل كل خمس الاف كيلو

واذا انت شاري بو عشر الاف ... بدل كل عشر الاف كيلو
__________________

ذكرتني بواحد من الربع كان عنده كريسيدا

يقول ::

بقولك شغله ما تصدقها

قتله شنو

قالي السياره ماشيه 400 الف كيلو وداقها دق

وولا مره اختربت او صار فيها شي ههههههههههههههههههههههه غير الشغلات الاستهلاكيه

يخرب بيت الكريسيدا عجيبه خخخخخخخخخ

المهم ::

يقولي تدري شنو السر ؟

قتله شنو ؟

قالي ابدل الدهن كل الفين اذا مو ثلاث الاف كيلو

ما اخليه خمس الاف

كل شي جايز

لانها كريسيدا مو بنتلي :d

 

[أعرابي]

صحيح حتى الجيل الأول كانو حريصين على تغيير الزيت لحد الوسواس أذكر فيه واحد من شيابنا يبدل كل 1500كم و سيارته ماشاءالله لها سنين مكينتها نظيفة و 1500 بالنسبة له زينة لأنه يقطعها بمدة طويلة و مشاويره دايم على سنع مو مثل شباب هالوقت رجله ثقيلة على السيارة و يقز و يفتر 24 ساعة حتى فرص تعرضهم للحوادث تزيد مع زود الفرفره , و على طاري الكرسيدا أنا عندي وحده موديلها 1980 كانت لشايب على يده من الوكالة و صدق أو لا تصدق مكينتها لم تفك لليوم ستاندر و كنت أبدل لها زيت و فلتر عند الساير لين قالوا لي قبل 3 سنوات أقلب و جهك سيارتك مو من وكالة الساير و صرت أبدل برا.

 

[ياسر 1970]

كل شهر بدل زيت السياره مع الفلتر وكل ثلاث سنوات بدل زيت مع فلتر الجير

 

[المحترم الاول]

انتبهوا من تغيير الزيت عند المحطات او البناشر ....لانى يااخوان رحت ابدل الزيت عند محطة غسيل سيارات وحاسبنى على تبديل الزيت مع الفلتر ولان السياره فيها ميزه قياس نسبة الزيت وبعد خروجى من المحطه اكتشفت انها نفس نسبة الزين 5% ولم يغير الزيت (قال السياره جديده والزيت نظيف مايكتشف)...ورجعت للمحطه ومالقيته وذهبت منه الى البنشر الاخر المعروف لدى الجميع بالنزاهه وبدلى الزيت (طبعا مايعرف ميزة كشف النسبه) وبعد مانتهى من التبديل مع ملاحظة ان الزيت من النوع الطيب اكتشفت ان النسبه59% وناديته وخليته يقرا العداد طبعا تغير شكله وتلعثم وقام يبرر وو وانا اقول احتمال ضايف نسبه من المكرر مع الجديد وقلت حسبى الله ونعم الوكيل اين المراقبه من التجاره او البلديه لانهم لايخافون الله ..اسف على الاطاله ولكن حتى يعتبر غيرى واخيرا انصح بالتبديل فى الشركه او فى فروع الجمعيات ودمتم.

 

[أعرابي]

انتبهوا من تغيير الزيت عند المحطات او البناشر ....لانى يااخوان رحت ابدل الزيت عند محطة غسيل سيارات وحاسبنى على تبديل الزيت مع الفلتر ولان السياره فيها ميزه قياس نسبة الزيت وبعد خروجى من المحطه اكتشفت انها نفس نسبة الزين 5% ولم يغير الزيت (قال السياره جديده والزيت نظيف مايكتشف)...ورجعت للمحطه ومالقيته وذهبت منه الى البنشر الاخر المعروف لدى الجميع بالنزاهه وبدلى الزيت (طبعا مايعرف ميزة كشف النسبه) وبعد مانتهى من التبديل مع ملاحظة ان الزيت من النوع الطيب اكتشفت ان النسبه59% وناديته وخليته يقرا العداد طبعا تغير شكله وتلعثم وقام يبرر وو وانا اقول احتمال ضايف نسبه من المكرر مع الجديد وقلت حسبى الله ونعم الوكيل اين المراقبه من التجاره او البلديه لانهم لايخافون الله ..اسف على الاطاله ولكن حتى يعتبر غيرى واخيرا انصح بالتبديل فى الشركه او فى فروع الجمعيات ودمتم.

لا و ينصبون بالسعر فيه محطه بالجيوان مقابل الرقعي البنغالي يزيد سعر الفاتورة و لما بلغت ناظر المحطة عطاه كف و ردلي فرق السعر و بعيدين ناظر المحطه دق علي و قال خلاص راح نطرد العامل الحرامي لكن للأسف بعد أسبوعين لقيت نفس العامل يبد الزيت .

 

[maax1]

انتبهوا من تغيير الزيت عند المحطات او البناشر ....لانى يااخوان رحت ابدل الزيت عند محطة غسيل سيارات وحاسبنى على تبديل الزيت مع الفلتر ولان السياره فيها ميزه قياس نسبة الزيت وبعد خروجى من المحطه اكتشفت انها نفس نسبة الزين 5% ولم يغير الزيت (قال السياره جديده والزيت نظيف مايكتشف)...ورجعت للمحطه ومالقيته وذهبت منه الى البنشر الاخر المعروف لدى الجميع بالنزاهه وبدلى الزيت (طبعا مايعرف ميزة كشف النسبه) وبعد مانتهى من التبديل مع ملاحظة ان الزيت من النوع الطيب اكتشفت ان النسبه59% وناديته وخليته يقرا العداد طبعا تغير شكله وتلعثم وقام يبرر وو وانا اقول احتمال ضايف نسبه من المكرر مع الجديد وقلت حسبى الله ونعم الوكيل اين المراقبه من التجاره او البلديه لانهم لايخافون الله ..اسف على الاطاله ولكن حتى يعتبر غيرى واخيرا انصح بالتبديل فى الشركه او فى فروع الجمعيات ودمتم.

ياجماعه نبديل الزيت خلوه فى الوكاله على طول اذا سيارتك تعز عليك
الزيت عصب الماكينه واهم شى فيها لأطاله عمرها
حطو بالكم من التغيير خارج الوكاله
زيوت مغشوشه راحت على هوندا اكورد بعد 3 سنوات من طلعتها من الوكاله من التغيير فى البناشر مع انى دقيق وامشى بلكيلو
مع العلم قبلها عندى جلوريا 98 ابدل فى الوكاله 13د بو5000كم
واستخدمتها 11 سنه كد وماشيه تماااااااام​

 

[سالم العبيد]

انا مع صاحب الموضوع لان كل زيت له كيلو مترات محدده ولمن يوصل للكيلو المطلوب يتم التبديل وبخصوص زيادة النقص اعتقد يتجدد الزيت بس مو بنفس كفائة الجديد ولازم كل واحد يبدل على الكيلو مترات للزيت يعني اذا الزيت يمشي 2000 يبدل لمن يوصل العداد 2000 وسلامتكم وتقبل مروري