ha.f
عضو نشط
- التسجيل
- 14 أبريل 2008
- المشاركات
- 113
السلام عليكم يا جماعه تكفون ابي استشاره او على الاقل نصيحه عندي بنت فيها مرض جيني ونادر من اعراضه بثور (حبوب) حجمها كبير وكثير بالوجه وكانت مسببه لها عقده واثار نفسيه كبيره خاصه بالمدرسه من كثر ما تسألها البنات بالمدرسه عموما رحت مستشفي خاص ومعروف وكان عندهم دكتور زائر فرنسي شاف البنت وقال وأكد لي انه راح يشيل الحبوب هذي ويخلي وجهها مثل البنات صافي بعمليه المهم توكلنا علي الله وسوينا العمليه وكلفت العمليه الاولي حوالي 600 دينار بعدها قالنا الدكتور ان العمليه هذي تجربه . بعد العمليه الاولي ذاقت البنت الويل شال الجلد بمشرط وخلوا الظماد علي وجهها لمدة شهر وتبديل الظماد يوم ويوم وكل تبديل شوفوا الالم والبكي وهي متحمله علشان الامل اللي وعد فيه الدكتور بعد الشهر شالوا الضماد والا الوجه منسلخ وكان الدكتور موصينا لا تطلع بالشمس اخذنا اجازه من المدرسه 15 يوم وبعدها داومت البنت ، قبل 3 شهور سوينا العمليه الثانيه ونفس التكلفه الاولي ونفس المعاناه والحين البنت ما تغير شي بوجهها الحبوب نفس الحبوب ونفسيه تحت الصفر .
