حتى "البعير" ... يترنح !

[النــاقــد]

حتى انت يا "بروتس"
حتى انت يا "البعير"​

شنو اللي قاعد يصير بسوقنا ؟!

ما بقى اي شيء ايجابي !!

قبل كانت السيولة عالية وفقدناها الحين !! وصرنا نتمنى قيمة التداول توصل 17 مليون !!!!

وبعدها قمنا نعتمد على تداولات "زين" وهذي ايضا فقدناها وكسرت حاجز الدينار !!

بيت التمويل الكويتي هو الاخر طاح و غادر خانة الدينار و قاعد "يغازل" خانة ال 800 فلس !!!

وطبعا ماله داعي اتكلم عن "أجيليتي" لان الضرب في بالميت حرام!

والحين جاء الدور على ... "البعير" !!!

يا جماعة الخير بعيرنا "يترنح" !!

اليوم قصف عنيف على السهم وشكله ما يطمن كلش !!

لا يكون له نية "يصفط" بجوار بيت التمويل ؟؟!

كدينا خير والله !

شنو بقى لنا في هالسوق اللي لا فيه سيولة ولا شفافية ولا شركات قيادية تقدر تحافظ على قيمة ومكانة أسهمها ؟؟؟!

 

[الاثمار]

سنرى البعير على 980

 

[درب العصامى]

لان التشاؤم سيد الموقف

و عندما يكون بنك مثل البنك الوطنى وهو رابح و لديه نمو بهذا السعر فهذا يعنى ان السوق مريض - و قطاع البنوك بلغ المؤشر الونى فيه - 2.68 - الاكثر هبوطا

العملية هى فى الحقيقة حلقة مفرغة .. اسهم تنزل قيمتها وهى اسهم مرهونة - يقوم ادارة المصارف ببيع الاسهم و التخلص بما لديهم من الرهن

فتنزل الاسعار اكثر

البعير مع ذلك لا خوف عليه رغم الهبوط - بس لى طاح الجمل كثرت سكاكينه



وكذلك ما يحدث لسوق الاجل -

باختصار ..

الحكومة تتفرج , وهذا لا يحدث عند " اقتصاديات دول محترمة "

لكن اليوم لاحظت ان هناك ارتفاع فى قيمة التداولات 29.5 مليون دينار رغم انخفاض المؤشر وهو مؤشر البدء بالتجميع و البدء ببعض الارتفاعات والتعديل فى المؤشر الوزنى خاصة لقطاع الصناعة و العقار ..فلربما تنتهى تلك الموجة البائسة فى السوق قريبا !



تحياتى

 

[مـــــتواضع]

البعير انشالله ماعليه خوف ارباحه مليار دولار انشالله وباجر يعدل باذن الله

 

[رشيد]

نصيب البعير من قيمة التداول 21 مليون فقط والباقي للسوق

 

[كنز المعرفه]

ليش التهويل !!
مجرد تبديل على أسعار متفق عليها 1020 و1040​

 

[Winchester SX3]

مساء الخير..

كل هذا السيناريو متوقع وتم التنبيه عليه بهذه المشاركه تاريخ 25-7-2011

http://www.indexsignal.com/forum/showpost.php?p=3555882&postcount=48

الوطني واااااضح ان الهدف 900 او 880 بحد أقصى
وأي محلل فني راح يشوف نموذج الرأس والكتفين السلبي

تابعوا محللين فنيين
وحط قلم وورقه وواكتب السيناريو والتزم فيه

بتقعد تضارب بأسهم قرقيعان راح تتأذى

من السهل جدا أن تأخذ تحليل فني
لكن صعب تلتزم فيه؟

انتوا تلومون الحكومه ما تلتزم بخطة التنميه
وانتوا نفسكم ما تلتزمون بتحليل كامل متكامل ووقف خساره والبيع عند الهدف؟

آسف كلامي شديد لكن تأكدوا أنه من محب وصديق وأخ

تمنياتي لكم بالتوفيق
وعساكم من عواده

 

[طبعنا]

حمود العازمي تكلم قبل رمضان في المؤشر
ان الوطني راح يكسر الدينار

 

[مقام العز]

كل بنك عنده مصيبة قاعد عليه وكل شركة بسوق هم عندها مصيبه..

 

[AL.MOUSAWI]

860 فلس

في رمضان ام بعده

 

[أبو عمر]

مسألة هبوط السهم مفروغ منها
التحاليل موجوه بالمنتدي من 6-6-2011 ،، مو قبل رمضان !
http://www.indexsignal.com/forum/showpost.php?p=3497645&postcount=872

مسالة 880 هدف واضح ومفروغ منه من زمان .
الاحتمال عندي يروح خانه ال 700 فلس .

* للعلم اغلاق هالأسبوع تحت 1040 يعني اغلاق اسبوعي تحت متوسط متحرك 200 يوم (ويد) ،، يعني الأمور خذت منحنى الجدية الآن .

والله اعلم

 

[أبو فلسين]

للأسف بعيرنا فيه جرب

 

[ورد و هيل]

وليش ما يترنح

حاله حال غيره


مافي شي يسر الخاطر و يخليه ...فوووووق




-

 

[المستفسر]

860 فلس

في رمضان ام بعده

رقمك عاجبني

اما متى الله اعلم

ولكل عضو وجهة نظر

 

[gulf]

بنك ربوي و تخسر فيه بعد الله يعين