مشكلتي مع عيادة الاسنان ؟

[Hamilton]

السلام عليكم

موضوعي كالاتي : رحت عيادة اسنان وللاسف انه كويتي ؟؟؟ واتفقت معاه على تنظيف الاسنان وحشوات وتبييض الخ الخ المهم انه الاجمالي ما يقارب 1000 دينار ... والعيادات الاخرى قيمتها اقل بكثير ولكن لانه واحد من الربع قال انه هالعياده اوكي ويكفي انه الدكتور كويتي (وليتني ما سمعته نصيحته ) المهم بالاخر طلع شغله سوق ماصلي وما نظف عدّل والتبييض مبقّع لدرجه مقرفه وشغله مو اوكي كلش وبالاخر الدكتور طلع نصاب وحرامي ومحتال وطبعا اخذ الحساب على دفعات وكل مره يقولي لما اشتكي من شي انه بالاخر راح اشوف النتيجه النهائيه ... وبالاخر طلع نصاب ... الحين ابي اشتكي عليه ... وين الاتجاه يا اهل القانون بارك الله فيكم

المصيبه اني سالت عن الدكتور فيما بعد واخبروني الاكثريه انه بخيل واجهزته قديمه .. ورحت سالت دكتور عن تقنيه الكول بلو ( تقنيه للتبييض ) وقالي ... هالتقنيه نفس ما اقولك تلفون انطلق 4 والناس طايحين بآي فون ... للأسف انه هالدكتور كويتي .. لو احنا ب دبي جان من ثاني يوم متسكره عيادته

(يمنع ذكر الاسماء)
الاشراف

 

[Hamilton]

بالمخفر قالوا لي لازم تروح النيابه التجاريه ؟؟؟؟ وناطر العلم الاكيد منكم وشكرااااا

 

[بوناصر56]

روح وزارة الصحه ادارة التراخيص الصحيه و قدم شكوى ---- و كذلك شوف موقفك عند حماية المستهلك بدعوى غش تجاري وراقب نتيجة الدعوتين و بالنهايه ارفع تعويض و احتفظ بكل فواتيرك و تقدر ترفع التعويض قبل لا يصدر الحكم الجزائي من الجهات الحكوميه بمخالفات العياده

 

[Hamilton]

مشكور بو ناصر وما قصرت ... بس وين مكان ادارة التراخيص ؟؟؟

 

[بوناصر56]

اعتقد المنطقه الصحيه التابع لها المركز مثلا منطقة حولي الصحيه قسم خدمة المواطن الخ ... دش عنوان وزارة الصحه و اخذ الارقام او عنوان المناطق الصحيه على النت مثل منطقه حولي الصحيه - الفروانيه الصحيه الخ



او احتمال بمبنى وزارة الصحه الرئيسي قسم ادارة التراخيص لان اعتقد المناطق الصحيه بس للخدمات الصحيه الحكوميه

 

[Hamilton]

مشكور بوناصر على الجهد المبذول وتقبل الله طاعتك ,,, ويجب علينا ان نفضح هؤلاء المرتزقه الزقمبيه ,,,,, من غشنا فليس منا

 

[rahaly]

اخي تقدم شكوى رسمية لدى وزارة الصحة .. واذا طلع التقرير لصالحك بامكانك اقامة دعوى للمطالبة بالتعويض

 

[Hamilton]

مشكور عزيزي رحالي ,,, مكان ادارة التراخيص الطبيه هو : السالميه دوار شارع المطاعم اللي يم مطعم جاد

 

[Hamilton]

الرسائل توصلني تباعا وكلها تسال عن اسم الدكتور ... قلت لكم بالموضوع اسم الدكتور هو ,,, والله لا يحلله ولا يبيحه لا دنيا ولا آخره


الاخ العزيز سبق ان شطبنا اسم الدكتور .. واصريت على اعادة ذكره وهذا مخالف لشروط القسم وقوانينه ..
يرجى الالتزام والا نضطر لاتخاذ اجراء اخر !!!!!

( الاشراف )

 

[بوناصر56]

قدمت شكوى ؟ وشنو صار ؟

 

[Hamilton]

اهلين بوناصر ومشكور يالحبيب

ادارة التراخيص طالبين الفاتوره وهم قالوا لي انه لازم اكتب كتاب بالسالفه من الالف الى الياء ,,,,, لو كل واحد فينا يتعرض للنصب ويبلغنا واحنا نبلغ الباجين جان ما بقى بالديره نصاب واحد

 

[rahaly]

الاخ العزيز سبق ان شطبنا اسم الدكتور .. واعدت ذكره وهذا مخالف لشروط القسم وقوانينه ..
يرجى الالتزام والا نضطر لاتخاذ اجراء اخر !!!!!

( الاشراف )