جم يطول طلب الخدم؟ومن المسؤل عن التاخير؟الحل؟

[red1981man]

طالب خدامه وتاخرت الحين صارلها شهرين وجم يوم والمكتب يقولي المشكله من عندهم بالفلبين وانا ناطر والحين يقولون الفحص الاول اوكي بس الثاني من سفارتهم بالكويت عندها مشكله بالدم وتاخذ ادويه لازم مدة اسبوعيين
وكل يوم سالفه وناطر بالله شالحل منو يعوضني هالنطره منو السؤل نشتكي عليه؟؟

 

[كويتي أصيل]

كلنا نفس الحالة

انا طالب ثنتين من اثيوبيا وتجاوزت شهرين وكم يوم
وكل يوم بكرة ... الاسبوع الجاي
وعلى هالحال
الله يعين

وحسبي الله على الحرامية راعين المكاتب

 

[@777@]

الموضوع مو من مكاتب الخدم التعطيل كله من سفارة الكويت بالاخارج لازم ٦٠ يوم تقعد الخدامه على مايوافقون عليها

 

[red1981man]

يعني شهر اول فحص واسبوعين فحص ثاني يالله تعرف النتيجه وانت ناطر!!!!
يعني بفهم اشلون الفحص الاول اوكي وفحص سفارتنا لهم يطلعون مرضي!

 

[ليث متواضع]

التأخير من السفاره المكاتب يطلبون خدم بالجرايد الأعلانيه يدرون الناس تبي خدم

 

[red1981man]

تبهذلنا والله نطرة عالفاضي
منو عنده خدامة يا شباب

 

[fahhad76]

تبهذلنا والله نطرة عالفاضي
منو عنده خدامة يا شباب

عندى

 

[ساهر الليل 1976]

الله يعينا ويعينكم نفس الحالة طالب هندية شهر ٦ نطرت شهرين وما جت ويوم رحت المكتب قالي في مشكلة بالجنائية وبعدين قالي راح ادبرلك وحدة ثانية وصارلي الحين شهر وكل يوم راح ادبرلك وحدة ويماطل معاي حسبي الله على ألي كان السبب بالتأخير

 

[ابونايف السعيدي]

هذا لوبي بين مكاتب الخدم الكبيرة يعني عددها اقل من العشرة اهي المتحكمة في سوق العمل بالكويت بالتواطؤ مع سفارات الخدم اللي بالكويت هذا من ناحية انهم يطلعون لك الخدامة المسترجعة او الهاربة كأنها جديدة توها واصلة واوراق جديدة
والله ثم والله انهم مافيا ما يخافون الله بالخدم والله شوف عيني يطقونهم طق عذااااااب
ما الوم الخدامة تهرب تبي السلامة,,,,,,,,,,,
كثرت عليكم وهذة وجهت نظر من عين كانت قريبة جدا.......