الى كل خسران فى البورصه ..كم خسارتك ...وماهو الدرس ؟؟؟

[fhood]

هذا الموضوع الهدف منه شيئين .

الاول : ان كل واحد يقول خسارته .. حتى كل شخص منا يعرف انه مو بس اهو الي خسران .. ونبي الأمانة في الكتابة و النقل .

الثاني : الدرس الي استفاده ... من الي صار له .. لتكن عبره .. ولتعم الفائدة .

بالنسبة لي خسران ما قيمته 100% من رأس مالي وهو المبلغ والمقدر 52الف دينار ... وللأسف اهو تورق

بس صفى راتبى ودشيت فيه البورصه وكنت من البدايه خسران .. بس الطمع شين وعماة عين ..

تعلمت اني اقول لا للبورصة .. ونعم للاكتتابات ...وابحث عن نفسي .. وما استسلم للقرض ... واحاول قدر المستطاع ان أكيف نفسي مع وضعي الجديد ( وقسطي ) ... في محاولة لزيادة ايراداتي واجتهادي وبالعمل .. بالعمل فقط .

ملاحظة الي ربحان ( مع اني ما اعتقد احد بالسوق رابح ) لا يدش ويشارك فقط الموضوع للخسرانين ... بارك الله فيكم .

 

[الكوتي]

خسرت مليون و نص دينار

الدرس: ( الطمع يضيع ما جمع)

 

[fhood]

خسرت مليون و نص دينار

الدرس: ( الطمع يضيع ما جمع)

الله يعوضك خير اخوى ....والله يعينك على الصبر ويجعل لك فى كل فلس حسنه امييييين

 

[تمويل خليج]

أنا واحد خسارتي 80 في المية و الحمد لله لعله خير
الدرس اللي تعلمته عدم الدخول قبل استشارة الناس اللي داشين فيه لانهم راح يقولون لك كل صغيرة وكبيرة
و نصيحتي للمستثمرين الدخول بشركات اسلامية بحتة لان الفلوس الربوية ما منها فائدة
وقاعدتي هي خذ الحلال ولو قل و اجتنب الحرام ولو كثر ومهما كانت اغراءاته

الامر الثاني الدخول بشركات مدعومة من قبل الحكومة مثل بيتك و من على شاكلته يعني باذن الله مافي تلاعب وشغل نصب و احتيال ومشاريع وهمية

 

[fhood]

أنا واحد خسارتي 80 في المية
الدرس اللي تعلمته عدم الدخول قبل استشارة الناس اللي داشين فيه لانهم راح يقولون لك كل صغيرة وكبيرة
و نصيحتي للمستثمرين الدخول بشركات اسلامية بحتة لان الفلوس الربوية ما منها فائدة
وقاعدتي هي خذ الحلال ولو قل و اجتنب الحرام ولو كثر ومهما كانت اغراءاته

الامر الثاني الدخول بشركات مدعومة من قبل الحكومة مثل بيتك و من على شاكلته يعني باذن الله مافي تلاعب وشغل نصب و احتيال ومشاريع وهمية

والله لو نجمع السيوله وكل اكتتاب اندش فيه ابرك من البورصه للى مامن وراها الا الخساره


الله يعوضك اخوى تمويل خليج بالخير الكثير

 

[الغرقان]

الخساره لحد الحين ٨٨ في الميه والحمد الله علي كل حال

 

[fhood]

الخساره لحد الحين 88 في الميه والحمد الله علي كل حال

الى دشوا وذكروا خسايرهم شكلهم داشين تمويل الخليج .....الله يعينا وياكم على الخساره ...نبى الربع الى خارج تمويل الخليج ...يعلمونا خسارتهم جم ...والدرس ....والغرقان الله يعوضك كل خير

 

[لكزس460]

الخساره : 60% من راس المال لمدة 3 سنوات مغررررز

الدرس والنصيحه : الأهم من الخساره الصحه والعافيه..

--- الفلوس مثل ماتجي تروح ومثل ماراحت تجي ..
--- ولله الحمد والشكر دخلت دوره بالتحليل الفي واعطتني الخبره والثقه بالتدوال وتطبييييييييييييق وقف الخســــاره ولله الحمد عوضت من الخساره إلى 25%

 

[المطرود]

المشكلة مو بس خساير فيه مشكلة أكبر منها وهي هل الفلوس اللي راحت من عندنا وما كنا مزكينها هل عليها زكاة .... يعني هل فوق خسايرنا واجب علينا نطلع زكاتها ؟

 

[مقام العز]

الحمدلله تم استثمار 81880الف دينار في اسمنت ابيض قبل سنتين بسعر 89فلس وتم الاستفاده من توزيعة عامين والان ب116فلس الكمية 920الف سهم غير قابل للبيع حتي يتعدل وضع الشركات الكويتية بعد اربع او خمس سنوات.

 

[ابو سالم777]

السلام عليكم . ماتبي صوورة البطاقه المدنيه وصورة الجوااز وصوره شخصيه وكشف حسااب علي شاان محد يجذب اشرايك خوووش شي وين مكتبك حط العنوان علي شان نمرك او انت عندك مندوووووب

 

[ابو ناهي]

الله يعوض علي الخسران ان شاء الله ويربحه


انا والحمدالله خسارتي من راس المال امرها هين والحمدالله 8%

الدرس اللي تعلمته واللي جنبني الخسائر الهائله

اولا قبل دخول دخووولي للسوق اتقنت التحليل الفني والاساسي بألتحاق بدورتين متخصصه

ثانيا البعد عن الطمع

ثالثا البعد عن الشركات الربويه

رابعا الأعتماد علي نظرتي ورأيي وعمدم الأخذ بأراء الغير لاكن لايمنع الأستماع لها

خامسا والاهم عمل أستوب لوز لأي عمليه كانت بمقدار خساره 15% خساره من قيمه العمليه

سادسا الصدق وصله الحرم تطول العمر وتزيد الرزق

والحمدالله على كل حال

 

[خالد الطوغاني]

انا خسارتي حتى الان 65% وتعلمت درس القناعه كنز لا يفنى والطمع يضيع ما جمع ونحمدالله ونشكره لانه له حكمه فيها لايعلمها سواه يمكن لو ما خسرت الفلوس كان حصل شئ ماهو طيب والفلوس تعتبر محفوظه لما الله يفرجها كنها وديعه تحسب بدون فوائد ومصير الاسهم يرتفع

 

[ليث متواضع]

الله يعوض خساير الجميع