تنصحوني بالبقالة ولا المصبغة ؟ الفزعه تكفون

[أ ح ـمد]

السلام عليكم ورحمة الله وربركاتة . .

مبارك عليكم باقي الشهر أخواني . .

بخاطري اسوي مشروع خصوصآ اني رجال على قد حالي . . . وماادري محتار هو اتجه للبقالة ولا المصبغه ياليت تنصحوني واذا فيه مشاريع صغيره غيرهم ياليت تفيدوني . . وعسى الله يوفقكم جميع . .





بارك الله فيكم . .

 

[أ ح ـمد]

تكفون لا تبخلون علي بالنصيحه يااهل الخبره

 

[أ ح ـمد]

وياليت تفيدوني يالربع جم يبيلي راس مال .. للبقـاله أو المصبغـة

 

[أعقل واحد]

السلام عليكم ورحمة الله بالنسبة للبقالة شقلها حلو وعملها قليل والشركات كلها تنزل عندك وأنت حاط رجل على رجل ماعليك ألا البيع المصبغة مشاكلها كثير وأذى مو داخل منطقه ولاجريب من منطقه ماراح تمشي لاتنسي أن عندك عمال غسل وعمال كوي وسيارة توصيل وبانزين وأمور الغسيل الثانيه البقاله بنظرى أحسن لأن المواد المتهية الصلاحيه الشركات تشيلها وتحط بدالها جديد مثل ماقلتلك ماعليك ألا البيع والعمال واحد ولا أثنين والرزق بيد رب العالمين . . والسلام عليكم

 

[أ ح ـمد]

بيض الله وجهك ياخوي ( أعقل واحد )

ماقصرت وصدقت بكل كلممة قلتها . . .

بارك الله فيك

 

[أ ح ـمد]

ياحيف يااهل الخبره تبخلون علينا بمعلومات بسيطه . . .

عسى الله يهديكم

 

[mfa2202200]

السلام عليكم
بالنسبة للشغل الفكرتين حلوين لكن
يعتمد على المكان لان البقالة تقدر تفتحها في اي مكان فيه كثافة سكانية ، لكن المصبغة لازم تكون في منطقة الكويتيين لان الاجانب ما يحتاجونها مثلنا
وبالنسبة لرأسمال المصبغة تبدأ من 7500
اما البقالة 3000
العمالة : البقالة تحتاج واحد او 2 اذا شغل كثير
المصبغة تحتاج 2 واكثر

وشكرا

 

[al.loord]

والله انا بنسبه لي لو عندي راس مال افتح مصبقه بس اهم شي موقعها حلو وسكني يكون حولك سكان وايد والله يوفقك انشالله ويوسع عليك وكل حركه بركه

 

[أ ح ـمد]

الله يجزاكم كل خير . . . عزالله ماقصرتو . . بيض الله وجيهكم

 

[mosaid]

مثل ماقالوا الأخوان البقالة افضل ولكن بشرط الموقع ..مثلا اذا كانت البقالة على شارع رئيسي او عام وامام كثافة سكانية فالأرباح اضعاف مضاعفة ..وبالتوفيق لك وللجميع ان شاء الله.

 

[mosaid]

مع العلم ان البقالة تحتاج الى رقابة يومية وجرد يومي او اسبوعي على الأقل وبالتوفيق

 

[أ ح ـمد]

الله يجزاك كل خير أخوي ( mosaid )
ومعلومة طيبـة . . بارك الله فيكِ

 

[Hamilton]

المصبغه وايد احسن من البقاله .. البقاله للضمان .. يعني تسوي بقاله وتضمنها اتس اوكي ... مصبغه وايد احسن وحط خدمه توصيل واشتراكات وحاول تتابع بشكل شبه يومي اول شهرين من افتتاح المحل وموفق خير

 

[القراشي]

السلام عليكم
انا عندي بقاله ومصبغه
البقاله حلوه ونفس ماتفضلو الشباب قالوا تحتاج عامل او اثنين والجرد خله كل 3 أشهر وسهله وحلوه واهم شي المكان يكون فيه كثافه سكانيه

المصبغه ممتازه وربحها احسن من البقاله وخل عنك كلام الناس يقولون المصابغ واجد ترا الارزاق بيد الله اهم شي تجيب واحد علي الكونتر ويكون أمين وترا اكثر شغل المصبغه توصيل

والله يوفقك ويرزقك
واذا بغيت اي شي انا حاضر