السلام عليكم اخوي مع اني عرباوي بس راح ارد عليك (هههههه) السياره في منها نوعين 4 سلندر وما انصحك فيها كلش و6 سلندر قيمتها بعد الخصم 8100 بدون دفع رباعي بس امامي واذا تبي دفع رباعي اتزيد 500 على المبلغ الي المذكور من اعيوبها عن تجربه شخصيه انها ما فيها تكييغ خلفي مع انها جيب والسيارات الصالون الحين فيها تكييف خلفي فما بالك بالجيبات, والعيب الثاني مراكز الخدمه والصيانه التابعه للوكاله وعددها 4 محد يستقبلها الي مركز الري لعدم توافر فنيين لها بالمراكز الاخرى لانها سياره جديده والله يعينك على الزجمه لعمل السيرفس العادي اقل شي ساعتين انتظار لتبديل دهن وفلتر فما بالك بالسيرفس الي للحين ماجربته, السياره بشكل عام شكل وايد حلو واستعمال جيد ومريحه بالقياده مو مثل التاهو واليوكن بالحجم الكبير للاستعمال اليومي وعلى فكره ترى ما فيها كرسي ثالث , وديكورها الداخلي والطبلوم انارته حلوه وجميله . وللمعلومه الفل اوبشن سعره تقريبا 10 واشوي ويفرق الكشنات جلد وفيها شاشه دي في دي بالسقف ونياكل على السله العلويه والدعاميه الخلفيه . وسلامتك وتعيش
