هل يحق وكاله شفر من دخول سيارتي

[bu hadi]

شباب ممكن احد يفيدني هل يحق للغانم عدم دخول سيارتي وفتح ملف لها بالوكاله علما ان سيارتي تاهو 2011 مو ماشيه شي
واللي اسمعه ان السياره مكفوله من شركه جنرال موتر
السؤال شنو الحل مع هالوكلات اللي ذبحتنا وترفع الاسعار على كيفها

 

[q8q822]

اول شي مبروك الموتر

سؤال لو سمحت جم طالعة عليك السيارة من السعودية واحد بيروح يشتري ويبي يشووف الفرق يسوا يتعنا ولالا

 

[_fhd]

سو شكوى عند gm الشرق الاوسط ... يكون ذلك عن طريق موقع جنرال موترز الشرق الاوسط ... تدوّر عنوان التواصل الالكتروني مالهم و تطرش ايميل و تذكر بياناتك و بيانات سيارتك و ارقامك لهم و كما الكلاب راح يدقون عليك تييب سيارتك و ادعيلي

 

[top secret]

اخوي في رقم عندك بالسياره اعتقد بالبحرين او الامارات اتصل وكلمهم وقدم شكوه صدقني يهتمون بشكوتك لو لك حق لانه قبل انا قدمت شكوه اهتمو وايد وخلص شغلي كله
وبالتوفيق للجميع

 

[jalajeel]

أخي الكريم

أولا مبروك السيارة وعسى الله يهنيك فيها ويعطيك خيرها و يكفيك شرها

رغم أن الكفالة هي من المصنع لكافة أنواع السيارات والمنتجات ولكن للأسف مشكلتنا في قلة وعي المستهلك وعدم وجود الحماية والدعم من الدولة

أنا شخصيا ألزمت وكالة شفرولية بالكويت بتصليح سيارة وانيت مستعملة إشتريتها من أمريكا وكان عليها إستدعاء (RE-CALL) من المصنع لوجود خلل في نظام ABS حيث رفضوا في البداية ولكن بعد إرسالي شكوى إلى GM في أمريكا إتصل بي مدير الصيانة وتم إصلاح العطل مجانا

أنا لا أفهم سياسة هذه الوكالات عندنا والتي تتسم بالغباء حيث أن مجرد إدخال السيارة للصيانة تحت الكفالة فإن المصنع يدفع القيمة للوكيل من خلال الإتفاقيات المبرمة والموجود نسخ منها في وزارة التجارة

عموما تستطيع مخاطبة جي أم الشرق الأوسط وتقدم شكوى:
Mailing Address General Motors
Customer Communication Center
P.O. Box 26128, Dubai,
United Arab Emirates
Telephone (+971) 4 332 5023
Fax (+971) 4 332 5043
Email customerservice@gmarabia.com

إذا لم تحصل على نتيجة كلمني وأنا مستعد للمساعدة
وبالتوفيق إنشاء الله
أخوك/ بوخالد العجيل

 

[bu hadi]

مشكورين وماقصرتو الله يجزاكم خير ردودكم وافيه وفادتني حيل وانشالله اني بتواصل مع الفرع الرئيسي اللي في دبي
وبصراحه انا مريت مدير الصيانه اللي في الغانم وقالي المنع اللي عندنا مو منا من الفرع الرئيسي اللي في امريكا لكن هالكلام ماخوذ خيره

 

[NMAlajmi]

السلام عليكم ...

أنا دخلت سيارتي تاهو 2011 لوحات سعودية بشهر 7 لكراج الغانم الرئيسي ( الشويخ )
وفتحولها ملف وموجودة عندهم بالسيستم , وسويت السيرفس الاول عندهم باخر شهر 7
اللي هو تبديل الزيت مع الفلتر مع فحص للسيارة .....
وكان عندي المراية اليمين ترجف مع السرعة بدلوها مجانا , وكان في صوت خفيف بالسفايف
وفتحوها ونظفوها , وما دفعت الا 15 دينار قيمة السيرفس فقط !!
وسألتهم إذا حولته كويتي شلون ؟؟ قالوا خلاص السيارة بالسيستم على رقم الشاصي
اللي أنا شفته إن الغانم من أفضل الوكالات من حيث الصيانة والكفالة والتعامل !
والله إن هذا اللي حصل معي أنا شخصيا ,, وأستغرب من كلامك أخوي

 

[درانجو]

مومن حق الغانم ولا غيره مايدخل سيارتك حتا لو السياره وارد الهند لان شركه جي ام اهي الي تعطيهم عشان يصرفون السيارات ويهتمون لمصلحه راعي الجي ام حتا لو موديل ٨٨

 

[560SEL]

الشباب كفو ووفو
انا كان عندي مرسيدس قطري وفيه مشكله بالبريك عيب مصنعي ووديته الجفالي ولرفضو قالو السياره مو من عندنا واذا تبي تفحص الساعه ب 20 دينار تقريبا والحسابه تحسب
وراسلت مرسيدس الشرق الاوسط ودخلوها وعملوني معاملة كبار الشخصيات والمقهوي واقف عندي وخلال ساعه طلع تقرير الورشه ولو على حسابي بيوم ما تخلص ويدفعني لا يقل عن 200 الى 300 دينار بس فحص
الزبده بعد الشكوى صلحوها والكشف والغسيل على حسابهم ووقعت على الفاتوره ومشيت
تكلفته على حسابي حو ل 700 او 800
مالك الا تشتكي او ترسل للاداره بدبي وشوف كيف يرقصون