ألي يبي يستثمر فلوسه

[كويتي بزنس]

مرحبا ومساء وصباح الخير عالجميع بدون أستثناء



ندخل بالموضوع على طول وبدون أستثناء وبدون مقدمات


طبعا المبلغ المطلوب محدد من (4 مليون وأنت صاعد)هذي الفلوس ألي نقدر نشتغل فيها بالطريقه التاليه وهي:

تعطيني المبلغ وخلال 6 شهور بس أردلك أرباحه بمعنى لو تعطيني 4 مليون خلال 6 شهور أردها لك 6 مليون وبشرط أنه ماينصرف من فلوسك ولا فلس وهذا الحلو بالموضوع


يعني ب 6 شهور تربح مليونين وبشرط ماينقص من فلوسك ربع دينار


ألي يبي يستفسر يحطلي رقمه برساله خاصه وأنا أدق عليه


نرجوا أخذ الموضوع بمحمل الجديه لأني جاد وشغال


أخوكم محمد

 

[بث مباشر]

شنو الظمان ????

 

[بو سعـود]

اربعه مليون !!

ماضنتي بتلقاه بالمنتدى

4 مليون دينار كويتي او اي عمله تقصد ؟؟

 

[الشكوىى لله]

الله يعطينا مثل ماعطاك

 

[BO NASEER]

ههههههههههههههه

مو انت الللي قبل كم يوم تدور واحد عنده ارض 50 الف متر تجاري وتبيه يسجلها بسمك وبعد سنتين ترجع الارض وفوقها 50 مليون ..

ههههههههههههههههههههههههههههه

صوم صوم

 

[نواره1]

اربعه مليون تبيه يعطيك ومنو هالأهبل

ما أعتقد فيه مهبل بالمنتدى و عنده أربعه مليون .. ماشاءالله كلهم عقولهم متخرش الميه ...

مو تزعل ................ وجهة نظر

 

[ليث متواضع]

هذه تخاريف الصيام

 

[kwto_o]

ههههههههههههههه

مو انت الللي قبل كم يوم تدور واحد عنده ارض 50 الف متر تجاري وتبيه يسجلها بسمك وبعد سنتين ترجع الارض وفوقها 50 مليون ..

ههههههههههههههههههههههههههههه

صوم صوم

صج هو نفسه ابو 50 مليون اما اذا هو نفسه يكون انكشف صج يدور اي شي ومصدق يبي يحصل واحد يعطيه مليون انا عندي للاخ عرض احسن من عرضه عطني 2 مليون دينار وبعد شهرين اردهم لك 20 مليون بس تمرني في البرازيل تاخذ فلوسك

 

[كويتي بزنس]

-

المشاركة الأصلية كتبت بواسطة bo naseer

مشاهدة المشاركة
ههههههههههههههه

مو انت الللي قبل كم يوم تدور واحد عنده ارض 50 الف متر تجاري وتبيه يسجلها بسمك وبعد سنتين ترجع الارض وفوقها 50 مليون ..

ههههههههههههههههههههههههههههه

صوم صوم
صج هو نفسه ابو 50 مليون اما اذا هو نفسه يكون انكشف صج يدور اي شي ومصدق يبي يحصل واحد يعطيه مليون انا عندي للاخ عرض احسن من عرضه عطني 2 مليون دينار وبعد شهرين اردهم لك 20 مليون بس تمرني في البرازيل تاخذ فلوسك
رد باقتباس






أول شي أنا طلبت أرض والشباب محد عنده أرض فا غيرت الفكره عن الأرض شلون غصب أخذ منهم أرض؟


أما أ،ت وياه بخصوص أستهزائكم وتكذيبكم للناس أنا مأقول ألا كلن يرى الناس بعين طبعه أكيد بيئتكم ألأي عايشين فيها جذي

 

[BO NASEER]

أول شي أنا طلبت أرض والشباب محد عنده أرض فا غيرت الفكره عن الأرض شلون غصب أخذ منهم أرض؟


أما أ،ت وياه بخصوص أستهزائكم وتكذيبكم للناس أنا مأقول ألا كلن يرى الناس بعين طبعه أكيد بيئتكم ألأي عايشين فيها جذي

زين ليش دخلت بإسم جديد غير الاول ؟؟؟؟؟؟؟

نفس اللي يطلع من مكان يروح يلبس باروكه صفره وشنب ونظارات ويلبس شورت ويدخل ثاني مره ويقول هاي ( يعني واحد ثاني )

لو انك صادق كان ما تنكرت وغيرت اسمك ودخلت بعضويه جديده علبونك مالكش دعوه بالاولاني .

صوم صوم

 

[topic_love]

اخوي مجرد سؤال انت جم عندك او شنو شركاتك واستثماراتك اللي تشتغل فيها

بعدين الله يهديك اللي عنده 4 مليون مو محتاج لأحد يستثمر له الفلوس لأنه اللي قدر يسوي هالثروه يقدر يخليها دبلات


واللي عنده ارض 50 الف متر هاذي اخوي منطقه مو ارض الا اذا الحكومه صارت توزع مناطق هذا شي ثاني

الله يهديك افكارك خياليه

ياخوي عيش بالواقع احسن وخل الأحلام فترة النوم وبس