يالله قولوا

[زهره]

كلنا عندنا امور طيبه وسيئه بحياتنا

بشخصياتنا

بأقوالنا

بأفعالنا

بس انا ما ابيكم تفكرون بالسيئ

ابيكم تراجعون نفسكم وتفكرون .....شنو الاشياء اللي سويتوها بحياتكم وتفتخرون فيها؟؟؟

 

[قلم حر]

افتخر عندي وسام تحرير دولة الكويت

وموقع عليه الامير الراحل الشيخ جابر الاحمد رحمه الله


​

 

[فضل]

افتخر بانضمامى لهالمنتدى الطيب ، مع ان الموضوع كان صدفه


ومنه تعرفت على اعضاء غايه فى الطيب ..

​

 

[جواهر]

ع الصعيد الشخصي ماافتكر شي سويته افتخر فيه
الا ان ابوي وامي ربياني ع الطيب والاخلاق الحسنه وهذا الشي يرضيني

مشكوره زهره

 

[تحدي الصعاب]

أختي (( زهرة ))أشلون الصحة طمنينة

ثانيا :- أشكرك على إتاحة الفرصة لنا لنتحدث عن الأشياء التي نفتخر بها

ثالثا :- الاشياء اللي سويتها بحياتي وأفتخر فيها الإيثار فقد أثرت كل من أأحبهم على نفسي من أهل وأصحاب وكم أنا سعيدة بحبهم ودعائهم لي

 

[كوهجي]

صباح الخير زهره

شلون راسج الحين ؟

أنا افتخر اني حققت نجاحات في مجال دراستي وعملي .

ولله الحمد والفضل ​

 

[* نجمه *]

يسعدني أشارك معاج وإنجازاتي كلها على الصعيد الشخصي.
أما المهني في طور التطور

 

[al7bebe]

انا افتخر ان زهرة تكتب المواضيع المميزة والخفيفه على القلب والقاريء لها
وكذلك افتخر بالحكمه وطوله البال والصبر وسعه الصدر والحلم عند الغضب ومحبه الناس والكلمة الجميلة والابتسامه واحترام الصغير والكبير وان اكون سعيد أكثر اذا رأيت الناس سعداء من حولي (هذه الحياة الجميلة)

 

[إبن الوليد]

كثيره يازهره الاشياء التي افتخر بها

منها حرب تحرير الكويت

مساعده الناس والمحتاجين

اجتهادي في مركز عملي كان في قمه العطاء لمده 21 سنه

الاول في البحريه ، ثم البريه في تحرير الكويت ، واخيراً سلاح الطيران

ثم التقاعد المبكر ، عن عمر يناهز الواحده والاربعين بعد المئه

حرام عاد شكلي صغير


اقول زهره ايدي راح تتعب وانا اقول الاشياء التي افتخر بها وعملتها​

 

[زهره]

أشكركم علي المشاركه اللي تتيح لنا كأعضاء بالتعرف علي بعض بجوانب ثانيه
وهم فرصه ننظر لانفسنا نظرة اعجاب وفخر تعطينا دافع حلو بالدنيا

واذا بحثنا ولم نجد الكثير واللي ما يرضينا ... نشوف ردودكم وتصير لنا هدف انه نعمل المثل حتي نحس بالرضي عن نفسنا

وايد حلوه ردودكم

وحشر ما يخالف شدعوه اكتب كل يوم شويه ماراح تتعب

 

[بوالعيس بيك]

هلا زهره

ياسلام علي مواضيعج الحلوه الخفيفه المميزه

آنا الحمدلله أفتخر وبس كافي اني أفتخر

والحمدلله أشياء كثيره ​

 

[زهره]

عاد قول شنو الاشياء؟

 

[فضل]

هلا زهره

ياسلام علي مواضيعج الحلوه الخفيفه المميزه

آنا الحمدلله أفتخر وبس كافي اني أفتخر

والحمدلله أشياء كثيره ​

عاد قول شنو الاشياء؟

صج طماعه ، كافى اللى قاله ..

​

 

[نجوم777]

ابيكم تراجعون نفسكم وتفكرون .....شنو الاشياء اللي سويتوها بحياتكم وتفتخرون فيها؟؟؟



افتخر انى عندى 105 مواضيع فى منتدى المؤشر نت الثلثين منهم مقفلين

 

[الهمس الخجول]

لاشفتوآ وقتكم حملكم فوق ماطقتوآ
سندو علي وخلو الأحزاان منكم
أنــــــا اختكم كل ماخانكم الوقت
عيب علي أن كان خيبت ظنكم
قولولي يـــــــــا همس احنا تضايقنا
وماني بنت ابوي ان تخليت عنكم !!

اكثر شئ اعتز فيه انو ساعدت اخواني في مسيرتهم التعليميه الين تخرجوا من المرحله الثانويه ولله الحمد واستقرو بالتخصصات اللي هما يحبوها صحيح احنا مو عايشين مع بعض في بيت واحد لكن كنت معهم في اشد ظروفهم النفسيه وقريبه منهم كثير ولله الحمد ودعمتهم معنوياً وهالشئ افتخر فيه كثير لما اشوف معزتي وغلاتي عندهم غير ولما نجلس مع بعض ونسترجع الذكريات ويذكروني بالمواقف اللي حصلت وقتها وشو رده فعلي معهم وان شاء الله مابقصر معهم الين اشوفهم مستقرين بوظائفهم ..
شكراً زهــــــــــــــــره

 

[العاشق]

بشارك بس مادري مني ابدي يصير امدح نفسي

بس فيه شغله حيل مهمه بحياتي وهي

ان اهلي كلهم يحبوني ابوي الله يحفظه وامي واخوني وخواتي وبشكل كبير

وربع ابوي وربع اخوي الله يرحمه لي مكانه خاصه عندهم ويحرجوني اذا جيتهم بشكل كبير من غلاتي عندهم

وربعي السرسريه هم لي مكانه كبيره عندهم ويفقدوني إلااااا حد الفضيحه اذا غبت عنهم

وفيه مجموعه كبيره تعرفت عليهم اثناء سفري مع اخوي فيهم شيوخ وعضاء وشباب وشيبان بعد من الكويت والسعوديه حيل حبوني ويتواصلون معاي

حتا لو اقطع عنهم لمشاغلي وناس اعتز بمعرفتهم وبالنسبه لي معرفتهم مكسب لاخلاقهم العاليه​

 

[هيفا]

افتخر اني بايام الغزو قدرت ارسم البسمه على شفاه بعض من اهل الكويت واني ازرع الفرحه بقلوبهم واريحهم


وافتخر ان اخواني وخواتي وعيالهم يلجئون لي دايما ويثقون فيني جدا


افتخر بنفسي اني انسانه طيبه ومتسامحه لابعد الحدود وماحب ازعل احد ولا احب اشوف اثنين متزاعلين


افتخر اني محبوبه جدا من جميع من حولي 

 

[العاشق]

افتخر اني بايام الغزو قدرت ارسم البسمه على شفاه بعض من اهل الكويت واني ازرع الفرحه بقلوبهم واريحهم


وافتخر ان اخواني وخواتي وعيالهم يلجئون لي دايما ويثقون فيني جدا


افتخر بنفسي اني انسانه طيبه ومتسامحه لابعد الحدود وماحب ازعل احد ولا احب اشوف اثنين متزاعلين


افتخر اني محبوبه جدا من جميع من حولي 

هيفوووووووووه لاتقلدين ​

 

[هيفا]

هيفوووووووووه لاتقلدين ​

ههههههههههههههههههه

عويشق انت من وين طلعت

وانا اكتب مشاركتي ماكانت مشاركتك موجوووده

شكلك عندك واسطه

 

[العاشق]

ههههههههههههههههههه

عويشق انت من وين طلعت

وانا اكتب مشاركتي ماكانت مشاركتك موجوووده

شكلك عندك واسطه

لاترقعين لا ترقعين ههههههههههههههههههههههههههههههههههههههه



عاااد والله انج حبيبه ومالوم اللي حولج يوم حبوج قولي امين

عسى ربي يحبج​