مشكله مالها حل في اوريون 2010

[محمد11]

السلام عليكم

عندي اوريون 2010 واندعمت من الخلف وصلحتها في الساير بسعر 900 دينار
كل شي تبديل

وبعد ما طلعتها صارت فيها ريحة عطبه .. تقدر تقول ريحة وايرات تحترق

طبعا الريحه ما تطلع الا لما اتجاوز سرعة 100 كيلو

ورديتها الوكاله 6 مرات وللحين مو عارفين مصدر الريحه

برايكم شسوي ؟؟

 

[Kaubar]

سيارتك اذا احترقت الله يعوض عليك

روح حماية المستهلك واثبت حاله عشان تاخذ حقك بعدين

أمن سيارتك تأمين شامل ذهبي والله وحده الحافظ الساتر

وأخيرا العطبه تجي من مكان حار اذا من ورا يعني الكزوز يلامس شي يأنك تفحصه او انك تصبر علي

العطبه لما تروح من كيفها لما يكون اللي قاعد يحترق تفحم وخلص وماتطلع منه ريحه

اخوك مجرب

 

[العساف7777]

السلام عليكم


اخوي بعطيك رقم كهرابائي شاطر وذكي خله يشووووف سيارتك وشوف شنو يقول

انت موخسران شي خله يفحص سيارتك ان شاء الله يلاقي علتها

97502896 بو وليد

 

[I T C]

اخوي من الاخطاء اللي الناس تطيح فيها وضع العطر بالسياره ... العطر هذا طال عمرك يثبت بفلتر التكييف اكثر ىشي وبالكشنات وتقلب الريحه الى روائح اخرى خاصتا اذا السايق مدخن تصير ريحة السياره خياس الله يكرمك ....

 

[خالد32]

ياخوي صارت فيني مبطي بلكزس وديتها كراج مادري شنو سوى بالدبه يقول هذي فتحات مومسكره وادخل عليك عطبه لدرجة مرات تبطل الجام عيونك ادمع صارت فيني حلها سهل وابلاش بطلتله الدبه ورفع الفرشه وخربط شوي وخلصت

 

[MRimate]

ياخوي صارت فيني مبطي بلكزس وديتها كراج مادري شنو سوى بالدبه يقول هذي فتحات مومسكره وادخل عليك عطبه لدرجة مرات تبطل الجام عيونك ادمع صارت فيني حلها سهل وابلاش بطلتله الدبه ورفع الفرشه وخربط شوي وخلصت

كلامك على متمه اخوي الي سواه لك الكراج ان في حراشف تجي تحت فرش الدبه يمكن كانت مقلوبه ولا مو مثبتينها بمكانها وهذا الشي يسبب ريحه اكزوز بس مو عطبه حبيت اوضح بس

 

[airport]

خوي انا كانت تطلع عندي ريحة عطاب بعد فتره من تشغيلي للسياره وحته لو نزلت اشم الريحه اكثر

اخر شي طلع كيس لازق بالاقزوز وذايب وباقي الكيس يروح على فترات
بالمغسله رفعة السياره ومكان الكيس الذايب نظفته وشلت الباقي وراحت الريحه

 

[top secret]

مبارك عليكم الشهر

كلامك على متمه اخوي الي سواه لك الكراج ان في حراشف تجي تحت فرش الدبه يمكن كانت مقلوبه ولا مو مثبتينها بمكانها وهذا الشي يسبب ريحه اكزوز بس مو عطبه حبيت اوضح بس

كلامكم على متمه
صحيح اعتقد انا اقول سبب دخول الهوا من صوب الدبه لانه صارت فيني قبل بسياره ايجار وطلع من الفتحات مومسكره بعد حادث اعتقد او غسيل
وهالفتحات تدخل عطبة التواير والقزوز والكربون وغيره
وبالتوفيق واسف عالاطاله

 

[n5eeb]

خوي انا كانت تطلع عندي ريحة عطاب بعد فتره من تشغيلي للسياره وحته لو نزلت اشم الريحه اكثر

اخر شي طلع كيس لازق بالاقزوز وذايب وباقي الكيس يروح على فترات
بالمغسله رفعة السياره ومكان الكيس الذايب نظفته وشلت الباقي وراحت الريحه

والله نفس الي صار معاي بالظبط

 

[kokokaka]

السلام عليكم الحل عندي انشاءلله

انا راح اتكلم اذا كانت الريحة من الاكزوز ... لانه يمكن تكون الريحه من الاكزوز نفسه

وانت قيس الامر على مشكلتك

الخطوة هذي مهمه قبل كل شي

تمشي بالسيارة وتصكر الدرايش وتصكر المكيف وتأكد ان المكيف على وضعية داخلي

يعني لما تمشي والمكيف مصكر مايدخل هوا .... هني اتشوف الموتر هل في ريحه

اذا مافي ريحه ... نسم على دريشتك ومش في الموتر اذا شميت الريحة يعني عندك

شفط هوا من بره بسبب الحادث والحل

اولا : تأكد ان نهاية الاكزوز عندك يكون طالع من الدعامية ... يعني مو راجع ورى بحيث ان الدخان

الاكزوز يضرب بالدعامية من داخل ويرجع لك

ثانيا : تأكد من ربلات الدبة مسكرة عدل ... وعلى ساس تتأكد عدل منها ... جيب لزاق يكون

عريض ... يبيعونه بلوازم العايله ... وتلزق الدبه كلها بحيث لو تبي تبطل الدبه ماتقدر

وتطلع بالموتر ونسم على الدريشه علشان يكون عندك شفط ... وشوف هل اتشم ريحة

كانت عندي مرسيدس شبح الدبة شفط كانت خربانه اذا ماتسكرت الدبة.. يدخل علي ريحت اكزوز

ثالثا : تأكد من الاكزوز نفسه يمكن بعد الحادث صار فيه تنسيم

رابعا : شيل فرش ارضية الدبه كله وشوف هل في فتحات ... اذا فيه سكرها

واخيرا اذا وصلت مرحله عجزت فيها .... رش الموتر من تحت ابقار لانه القار عازل .. وانا ماانصح

بالشي هذا

 

[ليث متواضع]

إن شاء الله تنحل مشكلتك الظاهر داخل وايرات السياره من الداخل أخذ حذرك من أي ريح قد يتطور ويصبح حريق وانت في غفله يجب وضع مطفآة حريق داخل السياره ويوجد كراجات كبيره مثل كراج الرمال الذهبيه وأنوار كاظمه والدكتور وبيروت والعمده وأنوار الكويت وغيرها الكثير من الكراجات

 

[Packard Bell]

بعض السيارات تكون هناك طبقة داخلية عازلة من الفلين ما بين الدعامية و بودي السيارة، يجوز بعد الحادث تحركت هذه الطبقة وصار جزء منها يلامس جسم الإكزوز، ومع الحرارة والسرعة تبدء تذوب وتسبب هذه الرائحة.
​

 

[محمد11]

الله يعطيكم الف عافيه

يا شباب انا لما وديتها الوكاله ما خلو شي ما سووه فيها

السياره من الخلف كل شي جديد تم تبديله في الوكاله

وردو فككو خلفية السياره كلها وتم معاينة السياره وفحصها وما حصلنا اي شي

المشكله اني اذا كنت ماشي على السياره وضغطت على دعسة البانزين هني تبدأ معاي الريحه وكأنها شي يبي يحترق

وصدقوني جربتها وانا مسكر المكيف وحاط الهوا داخلي هم تبين الرييحه

يعني بكل الحالات جربتها وهم فيه ريحه

نصيحتكم لي الله يجزاكم خير

لاني ما اقدر استعمل السياره في اي مشوار لوجود الريحه فيها ومحد يقدر يتحملها

 

[Kaubar]

طيب اذا خليت السياره شغاله وواقفه مده طويله تبين الريحه

 

[محمد11]

طيب اذا خليت السياره شغاله وواقفه مده طويله تبين الريحه

لا بس اذا امشي عليها على طريق سريع بحدود السرعه 100

وفوق .

 

[CL500 AMG]

اخوي هذي المشكله والله اعلم انها من غطاا المكينه الرصاصي
لان المشكله صارت مع واحد بمنتدى ثاني نفس مشكلتك خلهم يشفون غطا المكينه الرصاصي

 

[ابو عوالي]

اخوي السلام عليكم شوف دبة الكزوز تلقى من الدعمه صارت تنسم

 

[BoooArab]

اخوى جيك على القازقيت والمنوفولت فى تهريب للزيت عندك بعد ماتحتر السياره وتأخذ مسافه تطلع ريحه اعطبه موواقفه وغسل المكينه .
اتمنالك التوفيق

 

[محمد11]

للأسف ما فيه حل

حتى الوكاله والكراجات عجزو عن حل هالمشكله

والكفاله باقي عليها شي بسيط وما فيه اي حل

 

[العاشق]

للأسف ما فيه حل

حتى الوكاله والكراجات عجزو عن حل هالمشكله

والكفاله باقي عليها شي بسيط وما فيه اي حل

دام السياره تحت الكفاله روح حماية المستهلك خصوصا اذا انت منتضم بالسيرفس​