ارجوكم ساعدوني

[j-231]

السلام عليكم بصراحه انا عندي استفسار وياريت من اهل الخبره يفيدوني انا عندي اخوي محكوم عليه 5سنين بسبب سرقه سياره وضرب *يعني هوشه شباب وبعد مااحكموو عليه وتسكرت القضيه تم التنازل من طرف الولد اللي انضرب سؤالي شنو يفيد التنازل اللحين وهل اقدر انسوي اي شي عشان يخفف الحكم ياليت تفيدوني*
جزاكم الله الف خير*

 

[j-231]

وهل ينفع الاسترحام وشلون طريقته الله يخليكم فيدوني لاني جاهل ولاافهم بهالسوالف ساعدوني الله يجزاكم كل خير

 

[j-231]

الله يهديك هذا رد انا ماسألت الا عشان اسمع كلام يريحني والولد مؤدب ولاهو راعي مشاكل وكان بدوامه مؤدب بالمغاوير ضاع مستقبله عشان شخص يدور الفلوس من ورا الطق والولد اللي انطق راعي سوابق الله يجزاكم خير اللي عنده كلمه زينه يقولها ولي ماعنده خليه ساكت احسن انا انطر الكلام اللي يشرح صدري الله يجزاكم خير ساعدوني بالشهر الفضيل ابي بس تفيدوني*

 

[silencee]

اخوي

ترى بالسجن المركزي تباع مخدرات
وبالسجن تهدر كرامات البعض من هالمسجونين نفسهم
وبالسجن فيه هتك عرض
وبالسجن فيه واسطات ومحسوبيه
وبالسجن فيه فساد أكثر من اللي بره
والجرائد مو مقصره بالنشرات الامنيه وفضايح البعض بالمركزي

يا أخوي هداك الله الاخ يبي رأي قانوني وتراه عضو له نفس مالك وعليه نفس ماعليك بهالمنتدى مو فاتح موضوع مناقشه الاخ يبي رأي قانوني

واذا ماتقدر تفيده بحاجته
ووجهة نظرك أنه يخلي أخوه بالسجن ماتوفقت بقولها ربي يغفر لنا ولك


عن أبي هريرة رضي الله عنه : أن رسول الله صلى الله عليه وسلم قال : ( من كان يؤمن بالله واليوم الآخر ، فليقل خيرا أو ليصمت )


ومبارك عليك الشهر

الله يهديك هذا رد انا ماسألت الا عشان اسمع كلام يريحني والولد مؤدب ولاهو راعي مشاكل وكان بدوامه مؤدب بالمغاوير ضاع مستقبله عشان شخص يدور الفلوس من ورا الطق والولد اللي انطق راعي سوابق الله يجزاكم خير اللي عنده كلمه زينه يقولها ولي ماعنده خليه ساكت احسن انا انطر الكلام اللي يشرح صدري الله يجزاكم خير ساعدوني بالشهر الفضيل ابي بس تفيدوني*

حياك الله أخوي

والله يفك عوق أخوك

وطالما حصلتو على تنازل أن شاء الله أخوانا المحامين واهل القانون مايقصرون معاك ونحسبهم عند الله أناس صادقين ومخلصين ولا يردون سائل عن أي رأي قانوني والقسم يشهد لهم

وأبشرك أنا بالسابق جيت بسؤال ولقيت من هالمنتدى الطيب محامي ربي يجزيه خير تطوع بقضيتي ربي ييسر امره ويوفقه دنيا وأخره واشهد بالله انه يستحق لقب ( محامي الحريات ونصير المظلومين ) لان افعاله سبقت أقواله

وأنا واثق محد بيقصر معاك بس أنتظر دخولهم يفيدونك بالاجراء القانوني اللي بأذن الله بيفرحك

ومبارك عليك الشهر ولا تلتفت لبعض الاراء المندفعه بدون قصد

مودتي

 

[topic_love]

اخوي اول شي الله يفك عوق اخوك

وثاني شي لو ما كنت موكل محامي فأنصحك توكل محامي زين

والشي الثالث تقدر تسوي استئناف للحكم

وانشالله تتخفف عنه العقوبه بالتنازل

اذا كان التنازل بعد الحكم الصادر عن اخوك تأكد ان راح يتم تخفيفها اخوي

 

[rahaly]

السلام عليكم بصراحه انا عندي استفسار وياريت من اهل الخبره يفيدوني انا عندي اخوي محكوم عليه 5سنين بسبب سرقه سياره وضرب *يعني هوشه شباب وبعد مااحكموو عليه وتسكرت القضيه تم التنازل من طرف الولد اللي انضرب سؤالي شنو يفيد التنازل اللحين وهل اقدر انسوي اي شي عشان يخفف الحكم ياليت تفيدوني*
جزاكم الله الف خير*

ماذا تقصد تسكرت القضية ؟
هل اصبح الحكم نهائي ؟

اذا كان حكم اول درجة .. يعمل استئناف ويقدم التنازل
ان شاء الل يفيده

 

[j-231]

جزاكم الله خير وبيض الله وجيهكم*
انا سألت وقالو لي بعد التمييز ماتقدر تسوي شي والله ودي يرجع لبيته ولولده وخاصه بالشهر الفضيل والله ان مو راعي مشاكل بس الحمدالله على كل شي ماني عارف شسوي متوكل على الله ثم عليكم واذا في محامي ادرى بهالامور دلوني عليه*
وياليت المحامي يفيدني

 

[rahaly]

اخوي اذا منتهية من بعد التمييز ماكو فايدة - الله كريم ان شاء الله يطلع عفو اميري بالعيد الوطني طبعا له شروط لا اعلمها ... الله يفرج عنكم

 

[j-231]

جزاك الله خير وادعوله الله يعافيكم

 

[shaima ahmad]

بعد التحية
ان تنازل والد المجني عليه سوف يعفيكم من اداء التعويض عن الاضرار النفسية و الادبية و المالية التي لحقت به
و فيما يتعلق بالحكم الجزائي فانه يجب الاطلاع على الحكم الصادر ضده و تاريخه و كذلك بيان و معرفة و الاطلاع على درجات التقاضي التي وصلتم اليها لكي نتمكن من تزويدكم بالراي القانوني السليم


و شكرا
المستشارة ريمان الاسمر

 

[مصراوي32]

اخي الكريم
يرجي العلم بانه في قانون الجزاء الكويتي لا يقبل التنازل في جريمة السرقه الا بين الاصول والفروع او زوج المجني عليه ومن غير هؤلاء الاشخاص يكون التنازل في جريمة السرقه غير ذي اثر عسي الله يفك كربه ويعيده اليكم سالما غانما وان شاء الله سوف يكون لي رد اخر لاني بس ابي اتاكد من معلومه قانونيه بادارة التنفيذ الجنائي والاتصالات الخارجيه