bofaisal38
عضو نشط
- التسجيل
- 21 نوفمبر 2009
- المشاركات
- 206
السلام عليكم
طلبت كشف على القسيمة عند بنك التسليف والادخار علشان الدفعه وبعد فترة راجعت وقالي الموظف المهندس اللي طلع كشف يقول موحاط لوحة عند القسيمة ماكو دفعة ليما تحط لوحة علما باني كنت صارف دفعات بدون لوحة حطيت لوحة وطلبت كشف مره ثانية وبعد فتره راجعت وقالولي مو مسجل عندنا انك طالب كشف !!!! وطلبت كشف مره ثالثة وراجعت بعد شهر وهم ماكو شي لان حضرة المهندس ماطلع كشف وقالي الموظف راجع الرئيسي ونطرت اسبوعين قلت يمكن عندهم ضغط ومحد طلع كشف وبعدين راجعت الرئيسي ورحت مكتب المهندسين اللي يكشفون على القسيمة لقيت الباب مغلق وعليه لوحة مكتوب عليها (( ممنوع الطرق على الباب - ممنوع المراجعة - راجع فرعك )) طرقت على الباب مافي احد رد مع ان اسمع في داخل موظفين رحت مكتب مدير البنك ابي اشتكي قالتلي السكرتيره روح خدمة المواطن بالدور الارضي رحت خدمة المواطن قلت صارلي اكثر من شهر ونص حاط موعد كشف قالي الموظف تو الناس غيرك ينطر ثلاث اشهر واكثر قلت شنو السبب قال المهندسين عندهم ضغط .
راجعت اليوم الرئيسي مره ثانية بعد اسبوعين من مراجعتي الاخيره الساعة 10 صباحا وقدرت ادخل مكتبهم وماشاءالله لقيت خمس مهندسين قاعدين على المكاتب ((ويقولون ضغط عمل)) وقلت لهم صارلي شهرين طالب كشف وقبلها طلبت ومحد طلع جيك على الرقم المدني وعطاني رقم موبايل المهندس اللي معاملتي عنده وادق عليه الجهاز مغلق .
ورمضان داش يعني انسى يطلعون كشف .
ورديت لفرع الصليبخات قلت يمكن فيه شيك وماكو شي وخلال انتظاري لدوري عند تسليم الشيكات اشوف اغلب المراجعين نفس حالتي يقولون لهم المهندس ماطلع كشف انطر ليما يطلع .
والحمدلله الفترة اللي طافت كان عندي مبلغ وقطيته على القيسمة بس الحين ناشفه وبيتي شبه خالص بس باجي تركيب الالمنيوم والباب الرئيسي ومفاتيح الكهرباء واطقم الصحي وبعض الامور البسيطة وباجيلي بالبنك 15000 دينار وآخر دفعة صرفتها شهر 8 2010 .
ارجو من الاخوة اللي يبنون وينطرون دفعات بنك التسليف ويمرون بنفس هالظروف من تأخير وتطنيش انهم يتواصلون معاي ونحاول نكون مجموعة ونطلب مقابلة مدير بنك التسليف لعل وعسى تنحل هالمشكلة ... او اللي عنده حل آخر او مسئول في بنك التسليف ممكن يحل لنا هالمشكلة .
واتمنى من بنك التسليف فرع الصليبخات يكون حسن استقبالهم للمراجعين والرد على استفساراتهم بمستوى جيرانهم فرع التأمينات الإجتماعية .
وشكرا
طلبت كشف على القسيمة عند بنك التسليف والادخار علشان الدفعه وبعد فترة راجعت وقالي الموظف المهندس اللي طلع كشف يقول موحاط لوحة عند القسيمة ماكو دفعة ليما تحط لوحة علما باني كنت صارف دفعات بدون لوحة حطيت لوحة وطلبت كشف مره ثانية وبعد فتره راجعت وقالولي مو مسجل عندنا انك طالب كشف !!!! وطلبت كشف مره ثالثة وراجعت بعد شهر وهم ماكو شي لان حضرة المهندس ماطلع كشف وقالي الموظف راجع الرئيسي ونطرت اسبوعين قلت يمكن عندهم ضغط ومحد طلع كشف وبعدين راجعت الرئيسي ورحت مكتب المهندسين اللي يكشفون على القسيمة لقيت الباب مغلق وعليه لوحة مكتوب عليها (( ممنوع الطرق على الباب - ممنوع المراجعة - راجع فرعك )) طرقت على الباب مافي احد رد مع ان اسمع في داخل موظفين رحت مكتب مدير البنك ابي اشتكي قالتلي السكرتيره روح خدمة المواطن بالدور الارضي رحت خدمة المواطن قلت صارلي اكثر من شهر ونص حاط موعد كشف قالي الموظف تو الناس غيرك ينطر ثلاث اشهر واكثر قلت شنو السبب قال المهندسين عندهم ضغط .
راجعت اليوم الرئيسي مره ثانية بعد اسبوعين من مراجعتي الاخيره الساعة 10 صباحا وقدرت ادخل مكتبهم وماشاءالله لقيت خمس مهندسين قاعدين على المكاتب ((ويقولون ضغط عمل)) وقلت لهم صارلي شهرين طالب كشف وقبلها طلبت ومحد طلع جيك على الرقم المدني وعطاني رقم موبايل المهندس اللي معاملتي عنده وادق عليه الجهاز مغلق .
ورمضان داش يعني انسى يطلعون كشف .
ورديت لفرع الصليبخات قلت يمكن فيه شيك وماكو شي وخلال انتظاري لدوري عند تسليم الشيكات اشوف اغلب المراجعين نفس حالتي يقولون لهم المهندس ماطلع كشف انطر ليما يطلع .
والحمدلله الفترة اللي طافت كان عندي مبلغ وقطيته على القيسمة بس الحين ناشفه وبيتي شبه خالص بس باجي تركيب الالمنيوم والباب الرئيسي ومفاتيح الكهرباء واطقم الصحي وبعض الامور البسيطة وباجيلي بالبنك 15000 دينار وآخر دفعة صرفتها شهر 8 2010 .
ارجو من الاخوة اللي يبنون وينطرون دفعات بنك التسليف ويمرون بنفس هالظروف من تأخير وتطنيش انهم يتواصلون معاي ونحاول نكون مجموعة ونطلب مقابلة مدير بنك التسليف لعل وعسى تنحل هالمشكلة ... او اللي عنده حل آخر او مسئول في بنك التسليف ممكن يحل لنا هالمشكلة .
واتمنى من بنك التسليف فرع الصليبخات يكون حسن استقبالهم للمراجعين والرد على استفساراتهم بمستوى جيرانهم فرع التأمينات الإجتماعية .
وشكرا