استشاره في شراء ارض

[ورود وملايين]

السلام عليكم اخواني الاعزاء

ابي اشتري ارض ان شاءالله واحترت خاصه اني مااعرف شي بالاراضي

اولا معاي 170 الف اخذ بالمسيله او الفنيطيس ايهي الافضل

انا عارفه بالمسيله راح يكون حدي شارع واحد

والاختيار يتعدد بالفنيطيس بين 500م شارع واحد او شارع وسكه

وممكن بطن وظهر شوروا علي اي القطع افضل بالمنطقتين ومتى يبدء البناء بالفنيطيس

حطوا نفسكم مكاني وعطوني الراي وترا ثقتي كبيره بعضاء المؤشر نت

انا بانتضاركم والله يوفق الجميع

 

[zidantheking]

الارض للسكن و لا لفيلا ايجار ؟؟

اذا للسكن المسيلة

اذا للايجار الفنيطيس لانها راح تكون ايدد و 170 تجيبلج ارض بطن و ظهر و المؤجر يدور مصافط

 

[ورود وملايين]

اهلا بك وبمرورك

انا ابيها سكن وايجار

بس ممكن تشرحلي ليش الفنيطيس افضل للايجار

وايهي الافضل الزاويه ولابطن وظهر اذا الا رض400م

 

[zidantheking]

الايجار بلمسيلة راح يكون اعلى لكن على 170 تحصلين شارع واحد و المؤجر يبي مصفطين على الاقل ,, يعني اذا بتاجرين الدور الاخير(شقتين) بس ممكن تمشي مع شارع واحد و واجهة عريضة
(25 متر تشيل 7 سيارات مع مدخل واحد الي ما يصفطون جدامه
)
اما اذا بتاجرين اكثر من شقتين تحتاجين واجهتين فبيت الفنيطيس يتاجر اسرع من المسيلة كون المصافط متوفرة و الفرق 20-30 دينار علشقة مو اكثر (اذا كانت نفس الحجم و المواصفات)

و لايجار يفضل بطن و ظهر مدخلين و واجهتين ( وحده لج و وحده للموجر)

فكم شقة ناوية تاجرين ؟؟

 

[ورود وملايين]

جزاك الله خير

يعني اذا باجر ماينفع المسيله الا الواجهه تكون 25 واعتقد مافي بالمسيله

خلينا على الفنيطيس انا ابي الدور الارضي ونص الاول سكن وثلاث شقق اجار

واجهه لي والثانيه هم بتكون لي لان الارضي كله لي يعني بحط مدخل على جنب للمستاجر

وله مواقف واجهه كامله ولو فرضنا الواجهه 16م تكفي ولا زاويه احسن

الله يعينك على اسئلتي

 

[zidantheking]

للعلم الفنيطيس مطوله شوي و يبيلها 4 سنين عبال ما تاجرين المسيلة بس توصل الكهرباء و الماي تاجرين على طول

3 شقق يعني 6 سيارات الزاوية تنفع بس في المؤجر راح يشاركج بلواجهتين

اذا بطن و ظهر لازم الواجهتين 20 متر على الاقل عشان كلهم يصفطون بصوب و انتي بصوب اما اذا 16 متر لازم سيارتين عند واجهتج (بس جذي حدج 4 سيارات) الواجهة تصير وحده لج الثانية للمؤجرين و يسحسن تسوين مثل مدخل فيه مصعد و درج حق الي بلنص و الي فوق و ما يكون له دخلة على دورج , جذي تخسرين 20 متر من الارضي و المؤجر الي بلنص يخسر شوي لكن النص الي عندج ما يتاثر و تكونين مفصولة بلكامل عن المؤجرين و ما يصير عندهم دخلة على الدور و النص الي انتي ساكنه فيهم

1- بلفنيطيس 500 متر زاوية و واجهة 25 متر صوب الارتداد ينفع بس يشاركج بلواجهة الكبيرة لكن سعر الزاوية اكثر

2- يا بلفنيطيس بطن و ظهر 500 متر واجهتهم 20 متر و اهي الافضل كون التقسيمة اسهل و تكونين منفصلة عن المؤجرين الي فوق و تقطين الموجر الي مشاركج بلاول الجهة الثانية تحت دخلة الاثنين الي فوق

لكن ان حصلتي 400 بطن و ظهر بلمسيلة على 180 زين بس شرط الواجهة 20 متر

 

[busalih]

انا برايي تاخذين بالعقيلة لأن معظم البيوت انبنت و خلصت يعني ماراح تلوع كبدك كل شهر قسيمة يديدة تنبني و طقطقة ووصخ بالشارع ، ترى لويه و أذية على ما تخلص هالمناطق اليديدة و تنبني معظم القسايم اللي فيها و يصير فيها نوع من الهدوء و تنتهي الأشغال المزعجة ، و الشغلة راح تاخذ سنين في المسيلة و فنيطيس

إخذي ارض في العقيلة اب فريج معظمه مبني و خالص و ارتاحي خلال سنة انتي ساكنة بهدوء ، و بعدين إذا الفريج منبني ما راح تحاتين منو راح يصير جارك و تقدرين تشوفين الجيران قبل اختيار الارض ، و ترى ماكو ذاك الفرق بالبعد بين العقيلة و المسيلة ، كلها 3 دقايق بالسيارة!

 

[ورود وملايين]

Zidan

مشكور وجزاك الله خير ولوني احس اني تعقدت زياده

الفنيطيس يبيلها اربع سنين وفلوسي تيبلي 400 م شارع واحد بالمسيله الواجهه 16

رايك اخذ بالمسيله وابنيها 3 ادوار منفصله بجذي تكفي المواقف او اخذ 375 م ونفس الشي 3 ادوار منفصله ايهو الافضل برايك

 

[ورود وملايين]

انا برايي تاخذين بالعقيلة لأن معظم البيوت انبنت و خلصت يعني ماراح تلوع كبدك كل شهر قسيمة يديدة تنبني و طقطقة ووصخ بالشارع ، ترى لويه و أذية على ما تخلص هالمناطق اليديدة و تنبني معظم القسايم اللي فيها و يصير فيها نوع من الهدوء و تنتهي الأشغال المزعجة ، و الشغلة راح تاخذ سنين في المسيلة و فنيطيس

إخذي ارض في العقيلة اب فريج معظمه مبني و خالص و ارتاحي خلال سنة انتي ساكنة بهدوء ، و بعدين إذا الفريج منبني ما راح تحاتين منو راح يصير جارك و تقدرين تشوفين الجيران قبل اختيار الارض ، و ترى ماكو ذاك الفرق بالبعد بين العقيلة و المسيلة ، كلها 3 دقايق بالسيارة!

بوصلاح والله كلامك صحيح والعقيله ارتدادات وقسايمها متنوعه بالحجم

وهواها يرد الروح وكانت من ضمن اختيارات ولازالت

بس تركيزي على المسيله لقربها واغلب اهلي خذوا فيها
والفنيطيس مدري ليش احبها

 

[zidantheking]

375 بطن و ظهر بلمسيلة على واجهتين 20 متر تحصلين لكن صعبة بس راح يكون البيت صغير شوي و يحتاج سرداب غير الدور و نص

تبين فكرة عن بيوت الايجار روحي الجابرية و جنوب السره و شوفي شلون الناس مقسمة بيوتها

للعلم انا خذيت بيت واحد مسوي نفس فكرتج متر شارع واحد 400 متر لكن واجهة عريضة 25 متر (مفروز من 1000) لكن ادوار منفصلة و شقه وحده كبيرة (160 متر حجم شقتين ) بكل دور و جدام البيت 7 مصافط 2 لكل مؤجر وواحد مسويه سبيل غير المدخل , بس ما اجرت منه شيا لحد الان لانه انبطت جبدي ما عندي الا جار واحد و الباقي زلمات و سفارات اماجرين حاس اني بحولي بس على عمارات صغيرة

 

[NoFEAR]

١٧٠+٧٠التسليف = ٢٤٠ بهالقيمه تييبلج فيلا بقسايم عموم القرين وصباح السالم ق٤ والعقيله
قسيمه جاهزه ونفس المواصفات اللي تبينها وشرط موقع زاويه ولا بطن وظهر وارتداد وجميع الخدمات متوفره في المناطق المذكوره ماعدا العقيله أنا ما اهضمها تذكرني بخيطان كلها تجاريه اجارات كل دور فيها ٤ شقق تلوع الجبد بصراحه الا ما قل منها طبعا
لكن الفلوس بجيبج ودوري على كيفج
اصبري وراح تلاقين بالمناطق المذكوره

افضل من تشترين ارض وتنتظرين على مايسمحون بالبناء وفترة البنيان يعني مو اقل من سنه ونص

ملاحظه : انتي عندج ١٧٠+٧٠= ٢٤٠
يعني اذا الارض قيمتها ١٧٠ وبتبنينها ب٧٠ التسليف فقط لا تكفي لبناء ثلاث ادوار بالمواصفات اللي تبينها يعني أكيد بتزيدين فوقها مو اقل من ٢٠ الف لا ويمكن يكون تجاري بعد يعني اذا بتزيدين على البنيان ٢٠ فوق ٢٤٠ يعني ٢٦٠ تييبلج موقع شيخ وأحلى مواصفات


هذا تعليقي وتقبلي ردي

 

[zidantheking]

20 الف على بيت يديد انا ابنيه بنفسي و ما اعدل فيه بمنطقة يديدة احسن من البيوت القديمة بمناطق قديمة بس يمكن اول سنة تبتلش عبال ما تفتح الجمعية و بعدين ترتاح

انا خذيت بلجابرية و ابتلشت كل يوم امحرفين جدام بيتي و كل يوم ينقطع الحط الارضي و كل يوم يجربون شبه يشوفونا تنفع ولا لا و كسروا المضلة فوق ال 5 مرات عشان يشتغلون و يركبون بالوعة جديدة الي صارلهم 9 اشهر يحالون يركبونها و ماخذه مصفطين من جدام البيت ,كل هذا بحجة تجديد البنية التحتية (صارلهم سنة متاخرين ), كنت اقدر اخذ بغرب مشرف و افق عمري بس قدر الله و خذيت بلجابرية

 

[فرحان جداً]

وجهة نظري ان المسيله احلى...بس ما عندي مانع اذا ظروفي تسمح انطر الفنيطيس واخذ موقع بنفس السعر...لان الفرق بينهم شارع فقط

 

[فرحان جداً]

١٧٠+٧٠التسليف = ٢٤٠ بهالقيمه تييبلج فيلا بقسايم عموم القرين وصباح السالم ق٤ والعقيله
قسيمه جاهزه ونفس المواصفات اللي تبينها وشرط موقع زاويه ولا بطن وظهر وارتداد وجميع الخدمات متوفره في المناطق المذكوره ماعدا العقيله أنا ما اهضمها تذكرني بخيطان كلها تجاريه اجارات كل دور فيها ٤ شقق تلوع الجبد بصراحه الا ما قل منها طبعا
لكن الفلوس بجيبج ودوري على كيفج
اصبري وراح تلاقين بالمناطق المذكوره

افضل من تشترين ارض وتنتظرين على مايسمحون بالبناء وفترة البنيان يعني مو اقل من سنه ونص

ملاحظه : انتي عندج ١٧٠+٧٠= ٢٤٠
يعني اذا الارض قيمتها ١٧٠ وبتبنينها ب٧٠ التسليف فقط لا تكفي لبناء ثلاث ادوار بالمواصفات اللي تبينها يعني أكيد بتزيدين فوقها مو اقل من ٢٠ الف لا ويمكن يكون تجاري بعد يعني اذا بتزيدين على البنيان ٢٠ فوق ٢٤٠ يعني ٢٦٠ تييبلج موقع شيخ وأحلى مواصفات


هذا تعليقي وتقبلي ردي

كلام ممتاز....واذا تقدرين توصلين لي 300...انصحج تدورين بمشرف لو قرقور على الاقل مشرف مو منطقه غير مؤهله بالسكان وبعدين التجار الحين يبنون بيوت شقق ويحطون اجارات و الله يعين اهل المنطقه على المؤجرين...بتصير زحمه بشكل مو طبيعي