للبيع نيسان سفاري2010

[ناصر العجمي]

للبيع نيسان سفاري2010 فل كاملse
320 حصان 8سلندر اوتوماتيك
العداد 20 ألف فقط كالجديد
ابيض لؤلؤي داخل بيج
صبغ الوكاله مخمل جناح ديكور خشب
بصمه كشافات مقاعد تحكم كهرباء
تحكم بالسكان دواسات جانبيه رنجات
ريموت كنترول مشغل CD
حمايه أماميه دي في دي دبه هيدرليك
وارد وكالة السعوديه وفاتح له ملف بالبابطين
وشرط الفحص في اي مكان
للأستفسار 55591444

 

[القرب]

في شاشه

 

[kuwait225]

اي فئه. ؟. Se. ١. ٢. ٣

فيها شاشه (نظام ملاحه ). وفتحه ؟؟؟؟

علشان نعرف نسوم ونعطي الموتر حقه

 

[kuwait225]

اخوي مارديت علينا.


وادق عليك الجهاز مغلق

 

[ناصر العجمي]

اي فئه. ؟. Se. ١. ٢. ٣

فيها شاشه (نظام ملاحه ). وفتحه ؟؟؟؟

علشان نعرف نسوم ونعطي الموتر حقه

قلت الموتر فل كامل نعم شاشه فتحه
والموتر وصل برى15800 الف دينار
وسلامتكم

 

[kuwait225]

الله يباركلك فيه اخوي ,, وموديل 2011 على 15 ينباع نفس مواصفات سيارتك ووكاله الكويت بعد شوفهم بموقع كويت كار ,,, اذا الشراي صامل في سومته بيع وانا اخوك تراك حيل ربحان

والله يعطيك خيره ويكفيك شره

 

[صقرالبحر]

الله يباركلك فيه اخوي ,, وموديل 2011 على 15 ينباع نفس مواصفات سيارتك ووكاله الكويت بعد شوفهم بموقع كويت كار ,,, اذا الشراي صامل في سومته بيع وانا اخوك تراك حيل ربحان

والله يعطيك خيره ويكفيك شره

هذا بكويت كار وارد الامارات مو وكالة الكويت بدون كفاله ولا ضمان ..
اي خلل يصير فيه علي حسابك
وارد البابطين كفاله 5 سنوات بدون تحديد المسافه
شامله اي خلل كان والكفاله مو بلاش
الثاني اللي يمه بكويت كار وارد البابطين عارضه ب 17 الف 2011

 

[kuwait225]

http://kuwait.*****.com/ar/cars/nissan/safari/2011/71692/itemdetails.aspx شوف هالموتر هذا وثانيا اللى تتكلم عنه اللى معروض ب 17 هذا عارضه صارله اشهور وللحين ما انباع ودق عليه وشوف كم يبي فيه وثالثا 2012 نزل بالمعرض وموجود بالوكاله روح شوفه معقوله تبي 2011 بسعر 17 نفس سعر 2012 حدث العاقل بما يعقل

 

[صقرالبحر]

اذا ٢٠١٢ نازل وفيه حجز عيل مبروك روح اشتر
ليش ناطر وبعدك تدور ؟؟؟ اذا فيه نفس فئة سيارتي اس اي فل اوبشن
متوفر بالوكاله انا اقولها جدامك الغي بيع سيارتي وموضوعها كله
واللي يبي نفسها يروح الوكاله

 

[صقرالبحر]

انا بوكالة البابطين بالاحمدي اللحين واللي يبي يتاكد
٢٠١٢ نفس جيبي سعره ١٧٩٠٠ دينار
وغير موجود عندهم للحين ...

عنيتنا وبس ياكويتي ٢٢٥

 

[kuwait225]

حبيبي اللي تتكلم عنه كشنات جلد وانت مالك مخمل احسن واحلا من موترك وموترك قيمته ١٧١٠٠ وبعد التنزيل تاخذه اقل. وانسي ٢٠١١ بقيمه ١٧ الف اروح اخذ وكاله ٢٠١٢ اصفار ابرك واحسن لي بدال ادفع ١٧ علي موتر صارله سنه *

 

[kuwait225]

وموجود كل الالوان ومر وكاله الاحمدي وشوفهم والجلد بس نزل علي ٢٠١٢

 

[صقرالبحر]

غير صحيح مو موجود بالوكاله
وانا كنت بوكالة الاحمدي ماعندهم 3 شاشات لا جلد ولا مخمل
عليه حجز وبعده ماوصل واقولك انا عندهم اليوم تقول موجود كل الالوان ؟؟؟؟
اللي موجود بو شاشه وحده هو ب 17100 اما بو 3 شاشات انسي الاسعار القديمه ..
وماقلتلك اشتر جيبي لاتقعد تزيد بالكلام انت تدور وانا عرضته وماعجبك السعر واذا
موجود بالوكاله ليش ماتروح تاخذ واحد ؟؟ مو انته تدور ؟؟ وتقول موجود ؟؟ روح راونا ولا انت مو من ربع اليديد ؟؟؟
وموتري للحين بسنته وماصار له سنه لاعاجبك 17 الف ولا ب 15 عيل بكم تبي ؟؟؟
لكن هنيه في الموضوع هذا قاعد تكسر بسيارة الريال وتقوله بيع انت الرابح وكاهو
موجود بالوكاله وتتكلم بمعلومات غير صحيحه وتكسر سيارة الريال مايجوز هالكلام
اي واحد ممكن يتصل بوكالة البابطين ويسال عن بو 3 شاشات فئه اس اي الفل اوبشن اذا موجود انا ماادش المنتدي

 

[kuwait225]

ياخوي الحين انا اسولف مع راعي الموضوع وانت اللى داش عرض ما ادري شنو اللى مخليك تنط بس ماعليه بعطيك وجه وبرد عليك اولا انا ما اكسر بسعر الرجال قلت له سعر السوق يبي يبيع يبيع كيفه حلاله ما يبي لا يبيع ما ني غاصبه بس ما ادرى انت ليش ناط على كل موضوع اذا تكلمو عن اللاند قمت وقلت انا سيارتي وسيارتي وانا ياخوك ما احب الناس الطماعه مثلك انت تبي تبيع سيارتك بقيمه الوكاله ولا بعد مع الاقساد اللى دفعتها لمده سنه وزين بعد ماتقول ابى فلوس تبديل الدهن والبانزين ...(والله حاله عجيبه اول مره تمر علي)..... يا اخوي ترا الطمع شين وثاني شي انت مالك شغل شريت والا ما شريت من ربع اليديد والا مو من ربع اليديد دام عرضت سيارتك لى وانا ما اخذتها هذا شي ما يزعل والا لازم اشتري غصب يعني شكلها طايحه بجبدك خلها عندك والله يكفيك شرها وياخوفي اشوفك بعد عشر سنين وانت للحين تبي تبيعها 17 الف القناعه كنز مايفنااااااا عجيب امره مويل 2011 ويقول ماصارلها سنه هههههههههههههه ,,, وياحبيبي افهم كلامي لانك ما تستوع كلامي ال se موجود منه اربعه انواع ضافوا نوع جديد سعره 17900 هذا الجلد اعلي فئه واللى تحته 17100 كامل المواصفات فيه شاشه بس مو جلد وبدون شاشه( خلفيه) هذا النوع الثاني فهمت
عموما انا مالي خلق ادخل فى نقاش معاك انت خلك من ربع اليديد وخلك على موترك اعرضه ب 17000 انت حر بس هذا وجهي اذا انباع هههههههه وهذا اخر رد ارده عليك سلام

 

[kuwait225]

اتمني يعذرني صاحب الموضوع لقافه بعض الناس الله يهديهم خربت موضوعك السموحه وانا اخوك

 

[ناصر العجمي]

عادي نتحمل الشريطيه
وسيارتي عارف سعرها
وجم توصل

 

[صقرالبحر]

عادي نتحمل الشريطيه
وسيارتي عارف سعرها
وجم توصل

اها طلعو شريطيه ؟؟؟
امسك جيبك ولاتقطه برخيص
ترا ماكو منه بالوكاله والحجز عليه وايد
لكن الشريطيه ابشرك أيسو يحصلون ...حتي مواضيعهم ماقامو يرفعونها up up ليما ملو

 

[kuwait225]

???????