15 الف دينار كاش + قرض لشراء شقة تمليك للاستثمار .. طريقة ناجحة ولا ماتسوى؟

[ebay-ebay]

السلام عليكم

شرايكم باستثمار مبلغ 15 الف دينار بان يزيد الشخص عليهم عن طريق قرض
وياخذله شقة تمليك سعرها من 25 ل 30

ويأجرها .. ويصير دخل الشقة .. دخل ثاني وثابت طول العمر

هل فيه عيوب او مشاكل تواجه اللي يشتري شقة ويبي ياجرها ويستفيد
خاصة وان الاغلبية يقولون العقار احسن شي

بانتظار نصايح الخبراء

*

 

[frozen]

غير حولي و السالميه و بنيد القار لا تفكر اجار مضمون و اذا شقه ٣٠٠٠٠ الف اعتقد اجارها ٢٠٠ الي ٢٥٠ و تحتاج صيانه و كهربا يعني اذا يصفالك ٢٠٠ زين

 

[ebay-ebay]

غير حولي و السالميه و بنيد القار لا تفكر اجار مضمون و اذا شقه 30000 الف اعتقد اجارها 200 الي 250 و تحتاج صيانه و كهربا يعني اذا يصفالك 200 زين

مشكور اخوي عالرد
ماقلت لي شرايك بتملك شقة ؟

استثمار ناجح ولا لا

 

[ajeeb]

لأ طبعا
الشقق التمليك كلها بنيان خمام
يعني ابني واهرب
لو فيها خير ما باعوها
ارخص المواد اسؤء مصنعيات
انا ابيعهم بعض المواد الكهربائيه المقاول يقول حطلي زباله بس انور العماره
والخرسانات في العمدان يصبون الفجر يفكون الخشب قبل المغرب هذا بالصيف شوف عيني
يبي يخلص منها ويبيع باسرع وقت علشان لا تزيد كلفه الاموال في راس المال
يعني يحسب ضياع الوقت من ضياع الفائده في البنك
هذه نصيحه وانت وكيفك

 

[ahmaaad]

انا نفسك مفكر بهالشي بعد ماطلعت من البورصه والحمدلله
انا سالت جم واحد يعتبرون خبراء بالعقار قالولي اذا الشقه تدخل لك 10% سنويا تعتبر صفقه ناجحه
يعني مثلا سعرها 30000 لازم يكون اجارها مو اقل من 250 دينار شهريا
بالسنه تدخل لك 3000 دينار
بصراحه هذا احسن وايد من الودايع والصناديق
الله يوفقك ويرزقك ان شاء الله

 

[ebay-ebay]

لأ طبعا
الشقق التمليك كلها بنيان خمام
يعني ابني واهرب
لو فيها خير ما باعوها
ارخص المواد اسؤء مصنعيات
انا ابيعهم بعض المواد الكهربائيه المقاول يقول حطلي زباله بس انور العماره
والخرسانات في العمدان يصبون الفجر يفكون الخشب قبل المغرب هذا بالصيف شوف عيني
يبي يخلص منها ويبيع باسرع وقت علشان لا تزيد كلفه الاموال في راس المال
يعني يحسب ضياع الوقت من ضياع الفائده في البنك
هذه نصيحه وانت وكيفك

بس ليش اغلب الناس يقولون ان العقار احسن شي
والشقة تعتبر دخل ثاني ثابت طول العمر

مشكور عالنصيحة اخوي

 

[ebay-ebay]

انا نفسك مفكر بهالشي بعد ماطلعت من البورصه والحمدلله
انا سالت جم واحد يعتبرون خبراء بالعقار قالولي اذا الشقه تدخل لك 10% سنويا تعتبر صفقه ناجحه
يعني مثلا سعرها 30000 لازم يكون اجارها مو اقل من 250 دينار شهريا
بالسنه تدخل لك 3000 دينار
بصراحه هذا احسن وايد من الودايع والصناديق
الله يوفقك ويرزقك ان شاء الله

شجعتني ياخوك
اي حتى انا قالولي اذا الشقة تدخل لك 9% سنويا فالصفقة ناجحة

والحلو بالشقة ان عقار ملك باسمك تعتبر دخل ثاني غير المعاش طول العمر
ومتئ ماتبي تبيعها تبيعها و بربح بعد

الله يعطيك العافية

 

[ابن عمير]

اشتر جاخور واجره احسن لك ...

اعرف واحد مؤجر الجاخور ب 400 دينار شهريا ..

بالاضافه متى ماتبي تبيع تلقى من يشتري كاش ...

وبالتوفيق ..

 

[ajeeb]

بس ليش اغلب الناس يقولون ان العقار احسن شي
والشقة تعتبر دخل ثاني ثابت طول العمر

مشكور عالنصيحة اخوي

كلامك عدل بس ما ينطبق على شقق التمليك
ينطبق على ارض ملكك وبنيان سنع

 

[رابح رابح]

انا اايد كلام اخوي عجيب واخوي احمد
مشروع ممتاز لكن
يجب ان لايقل صافي الارباح بعد استقطاع الاجور (الصيانه-الماء والكهرباء-الحارس-تكييف-مصعد)عن 10 % من القيمه
ويجب التأكد من جودة الانشاء للمبنى وهذه اخطر نقطه مثلما قال الاخ عجيب يصب الدور الثاني ويبلش تشطيب بالدور الاول يعني اذا كان مستوى الجوده هابط لازم ماتطول الشقه عندك اكثر من سنتين وتبيع
واذا الموقع ممتاز ممكن تجني ربح اضافي من ارتفاع قيمة الشقه مستقبلا وخاصة اذا كان البناء ممتاز فسيكون استثمار ممتاز جدا
وانصحك بصلاة الاستخاره واتمنى لك التوفيق

 

[ebay-ebay]

عجيب - رابح رابح


الله يعطيكم العافية ع النصايح و الافادات
ماقصرتوا يالغاليين

 

[عجبي]

السلام عليكم

شرايكم باستثمار مبلغ 15 الف دينار بان يزيد الشخص عليهم عن طريق قرض
وياخذله شقة تمليك سعرها من 25 ل 30

ويأجرها .. ويصير دخل الشقة .. دخل ثاني وثابت طول العمر

هل فيه عيوب او مشاكل تواجه اللي يشتري شقة ويبي ياجرها ويستفيد
خاصة وان الاغلبية يقولون العقار احسن شي

بانتظار نصايح الخبراء

*

بسم الله الرحمن الرحيم
حسب خبرتي واتصالي بالمجال العقاري
الفائدة الكبرى التي تجنيها من الاستثمار .. عندما يسمحون للوافد بتملك
العقار وهناك دراسة في هذا الموضوع.
أما في الوقت الحالي ما أنصح

 

[ليث متواضع]

أجار العقار أستثمار ناجح بس لاتحط الشقه بأسمك علشان مايروح عليك طلبك الإسكاني لان الإسكان يطلبون منك شهاده من وزارة العدل تثبت انك لاتملك عقارات باسمك سجلها باسم الوالد او اي احد من قرايبك

 

[العوضى]

احسن شى تسويه هو الشقه التمليك , اذا المبلغ اللى معاك فى حدود 30000 دينار ويجيبلك اجار صافى حتى لو 180 دينار بعد استقطاع الماى والكهربا والصيانه (بفتراض مجموعها فى حدود 20 الى 25 دينار ) انا اعتبره فى الوقت الراهن ممتاز , بس اهم شى تكون العماره زينه ومافيها عزاب بس عوايل وحاول تسجل العقار باسم الوالد او الوالده الله يحفظهم اذا ما كنت مستلم بيت من الأسكان , وهناك كلام قوى ان الأجانب ممكن يستملكون , وهذا طبعا راح يرفع قيمة العقار , وبكل الأحوال منت خسران , اذا ما جازلك , تقدر تبيع بنفس السعر ويمكن زود بالوقت اللى تبيه .

 

[أبوخليفه]

السلام عليكم

شرايكم باستثمار مبلغ 15 الف دينار بان يزيد الشخص عليهم عن طريق قرض
وياخذله شقة تمليك سعرها من 25 ل 30

ويأجرها .. ويصير دخل الشقة .. دخل ثاني وثابت طول العمر

هل فيه عيوب او مشاكل تواجه اللي يشتري شقة ويبي ياجرها ويستفيد
خاصة وان الاغلبية يقولون العقار احسن شي

بانتظار نصايح الخبراء

*

الله يباركلك مقدما إن شاء الله ويرزقك ,, بس النقطه المهمه القرض اللي راح تاخذه من البنك جم راح يكون الإستقطاع منه هذي الحسبه لازم تحسبها
مثلا إذا خذيت 15 ألف من البنك وراح يستقطعون منك 120 دينار شهريا هذا مثلا نقصهم من الأجار إذا أجارك 250 دينار بالشهر يعني 250 - 120 =130 دينار مدخولك الشهري من الشقه يعني مدخولك السنوي =1560 دينار
فالمدخول السنوي 5.2 % سنويا هذا غير 1% سنويا تضعها إحتياط لأمور الصيانه والماء والكهرباء

إعمل بهذه الطريقه أفضل وموفق إن شاء الله

 

[ابوهيا]

اخوي ابنصحك لوجه الله وقبل كل شي يمكن يكون كلامي خطأ والقرار لك بالاول والاخير

العقار متضخم وعلى حسب كلامك انك بتاخذ قرض وماراح تستفيد من مدخول الشقه لانه بيروح قسط للقرض ويمكن بعد هالفتره الطويله تلقى العقار نزل وبالتالي تكون بتكون كانك يابو زيد ماغزيت او بالاحرى الشغله ماتسوى كل هالفتره الطويله وبالاخير يمكن تطلع لك بمبلغ بسيط جدا

انا اشور عليك تختار سهم بعنايه ويكون ذو قوائم ماليه جيده ومممتازه ورخيص لانه الاسعار الحين فرصه تاريخيه على المدى الطويل , وماتدري يمكن بعد شهرين او 6 شهور او سنه تلقى رجع عليك ب 50% فايده او 100% فايده , مع الملاحظه انك ماخذت قرص فقط مبلغ 15 الف بس بشرط تختار سهم بتاني وصبر وبعد دراسه

الشيئ الثاني اذا غير مقتنع بالاسهم بتاتا , هناك مشاريع كثيره تفعلها بال15 الف ومردودها جيد مثال تشتري تريله نساف ام 18 تاير ال بي مرسيدس وتحاول تصيدها نظيفه موديل 96 او 95 اعتقد تكلفك 16 او 17 الف يعني تزيد الفين على مبلغك بدون قرض , اما من ناحية الشغل لاتحاتي فالسوق متعطش ويحتاج وفاتح حلجه على الآخر ماراح توقف وتدورلك سايق زين المهم مدخولك شهريا صافي قريب الالف دينار ينطح دينار .

اخوي لو فرضنا انك حطيت هالمبلغ 15 الف دينار وديعه والتوزيع سنويا بحدود فائده 4% يعني بيجيك سنويا 600 دينار يعني بعد عشر سنوات انت تملك مبلغ 21000 دينار صافي بدون لاقرض ولاهم يحزنون وحاط رجل على رجل وبمده اقل من فترة انتظار الشقه عشان ترد عليك وتجنب مخاطر انهيار العقار , بذمتك هذي مو افضل من تمليك الشقق هذي حسبه بسيطه فقط وهي انك تحطها وديعه وشوف شلون انها افضل من مشروعك اللي ذكرته , ولاتستعجل سواء بالقرض او بأي مشروع الا بعد ان تكون قد حسبته حسبه ماتخرش الميه , وارجو اني قد وفقت بايصال وجهة نظري ولاتنسانا من دعائك والسلام مسك الختام

 

[9اوربيه]

مشروع جيد والله انا فكرت نفس هذا التفكير خصوصا بعد تنفيذ قانون قرض المطلقه

 

[ebay-ebay]

مااشاءالله عليكم نصايح من ذهب
في ميزان اعمالكم ان شاءالله

قريت كل النصايح والردود و استفدت منكم ..
الله يعطيكم العافية



اخوي ابوهيا
الله يعطيك العافية على الرد اول شي
بالنسبة للودايع .. انا كنت مفكر احطهم وديعة لانه راحه بس بالكويت الحين ارباح الودايع للاسف على 2% و 2.5%

ومشكور على النصايح المفيده

*

 

[العطيبي]

انصحك بشراء اسطبل للخيل بالصليبية إجارة فوق الممتاز سعر الإسطبل 25000 مدخول شهري ابتدأ من 350 الي 450 حسب تقسيمة الإسطبل ،،،تبارك الرحمن اعرف شخصيا اكثر من شخص استغنو من الاسطبلات

 

[gulf]

العقار أفضل إستثمار