شريت سياره وطلعت مضروبه

[corvette99]

السلام عليكم
انا شريت سياره من شخص وفحصتها بكراج معروف وقالي انه الشاصي اوكي
وحولت السياره عقب فحصتها بنفس اليوم بكراج ثاني واثبت ان الشاصي مضروب
للعلم ان الفحصين نفس التاريخ
رحت حمايه المستهلك وحولوني للخبير واثبت ان الشاصي مضروب
والحين حولوني لنيابه التجاريه
الحين الي ابي اعرفه شنو الي اقدر اطالبه فيه
ومشكورين مقدما

 

[الشكوىى لله]

احتمال كبير صاحب السياره الي باعها لكَ
يكون معرفه بالكراج الفحص خصوصا اذا هو انصحك فيه او دلاك عليه
لأن بصراحه هذا الحاصل من الشريطيه أو المكاتب طبعا مو كلهـم

الله يعينك اخوي

 

[rahaly]

تطالب بقيمة الضرر - فاما يكون قيمة تصليح السيارة (او تبديل الشاصي) او فرق قيمة السيارة لانك لو علمت ان السيارة مضروبة ما كنت اشتريتها فخطأ الكراج تسبب في شرائك سيارة مضروبة - تطالب بفرق القيمة مع سيارة سليمه

والله اعلم

 

[topic_love]

اخوي حاول اتروح للكراج وتكلمهم ودياً

وانشالله انهم ياخذون السياره بنفس القيمه اللي شريتها فيها

 

[بوناصر56]

ها اخوي شنو صار عليك ؟