تحذيررررررررررررررررررررر ضد اهل المكاتب

[Singel]

يجماعه تحذير من المكاتب رحت عندي شغله في شركه تامين والسبه احد المكاتب والرد كان كالصاعقه انه كل المكاتب يشترون من شركات التامين يعني مستحيل شركه تامين تبيعلك سياره من معدومه ولا مضروبه وقد اعذر من انذررررر

السيارات كامريات كرولات لكسزات فوردات جيوب كل شي الهم تني بلغت الهم فاشهد



ادري بتقولون قطاع ارزاق بس احسن من تنغشون فنصيحه لااحد يشتري سياره الا من الوكاله او من واحد يعرفه عدل ويفحص وخصوصا مكاتب الري



اشتر سياره بدون ارقام ولا تشتري سياره من الري

 

[boturky]

اخوي نصيحه لك ولغيرك
اذا شريت سياره رح افحص بالرمال سواء من مكتب او غيره
وريح بالك

 

[الشراااااااي]

مشكور اللة يرزقك

 

[تاجر 2008]

الفحص هو الفاصل يا غالي

اذا شريت من مكتب او من اي مكان

افحص وزيح مخك

 

[abdullah6868]

للعلم التامين لما يبيع السيارة المؤمنة لازم يمر على الفحص الفنى وتتم اعادة فحص المركبة
وحاليا اعتقد نزل قرار بعدم الترخيص لاى مركبة اسقطت لوحاتها بسبب التامين او حادث

ودائما الفحص هو الفاصل بين البائع والشارى

موفقين ان شاء الله

 

[Singel]

يجماعه والله محد فاهمني يجماعه وربي من الي في قلبي علي العموم الي حاب يعرف يتصلي وانا اشرحله

 

[ابو يعقوب SS]

احس بعض الاعضاء فيهم غبااااء مو طبيعي

 

[jalajeel]

ألسلام عليكم،

إخواني الأعزاء أعتقد أنه من غير اللائق التجريح في بعض وإذا كنت تعتقد أن رأي أو وجهة نظر أحد الأعضاء غير منطقية من وجهة نظرك فهذا من حقك وتستطيع بكل أدب وإحترام أن توجهه وتشرح له وتقنعه وتكسب الأجر من الله والتقدير من الناس بإذن الله تعالى.

وللعلم يا إخوان كلام العضو المحترم بخصوص السيارات صحيح 100% والمشكلة ليست في شركات التأمين بل هي في النظام القانوني الحالي (الأحرى أن نسميه اللا نظام) الذي يعطيها وتجار السكراب وأصحاب الكراجات الفرصة في التلاعب وبالتالي تستفيد ماديا على حساب الناس البسطاء اللي على نياتهم

وللتوضيح السريع وحسب ما بين الأخ المحترم أبوعلي، المشكلة ليست في السيارات المسقطة ولكن في السيارات التي تعرضت لحوادث وأضرار جسيمة ورغم هذا تباع تحويل وكأنها سيارات عادية، والعجيب أن مندوب أو دلال شركة التأمين يصرح نهارا جهارا أن هذه السيارة تسقيط وهذه تحويل. والمصيبة أن معظم هذه السيارات تخضع لعمليات قص ولحيم للشاصي وتعبئة الإيرباجات بالقراطيس وتلزيقها. والمصيبة الأكبر أنها لا تخضع لفحص المقاييس والسلامة من قبل جهات الإختصاص في الدولة وتعرض و تباع للناس على أنها سيارات عادية.

لقد حضرت عدة مزادات لشركات التأمين في أمريكا اللذين نصفهم بالكفر فوالله فلم أجد مثل هذا التلاعب على المسلمين في بلاد المسلمين. فهناك جميع السيارات تسقط دفاترها (التايتل) ويصدر بدلا منها تايتل سالفج
أي سكراب ومن يريد إصلاح إحدى هذه السيارات مضطر لأخذ موافقة المرور قبل التصليح وذلك لتقرير إذا كانت السيارة قابلة للتصليح. ويتم إصلاحها في كراجات معتمدة ومن ثم تعاد للمرور للتأكد من أن التصليح تم بموجب المقاييس. وبعد هذا كله لايحصل صاحب السيارة على تايتل عادي (كلير) بل تايتل ريبلت لا يمكن تغييره وهو بمثابة إعلان وإعلام لأي مشتري بأن هذه السيارة تعرضت لحادث وتم تسقيطها وتم إصلاحها.

أرجو أن أكون قد بينت لكم كيف يعمل النظام لديهم واللا نظام لدينا وكذلك كيف أن تكون مسلما بالإسم فقط وبين أن تعمل بمكارم الأخلاق التي بعث رسولنا الكريم محمد عليه الصلاة والسلام من أجل أن يتممها

تحياتي للجميع
بوخالد

 

[KUWAIT_V]

احس بعض الاعضاء فيهم غبااااء مو طبيعي

منو الغبي ؟؟ ممكن توضح ؟ و تشاركنا بالنقاش

ما يصير تقط الكلمه وتمشي

 

[I T C]

اخوي نصيحه لك ولغيرك
اذا شريت سياره رح افحص بالرمال سواء من مكتب او غيره
وريح بالك

اخوي دير بالك من الرمال فيه اتفاق مع بعض المكاتب ولا احط بذمتي ولكن احد الاعضاء مره كتب موضوع خطييير عن اتفاقهم مع بعض المكاتب ...

وبالنسبه لمكاتب الري بصراحه ناس ماتخاف من الله ونصابين طبعا الاغلبيه العظمى مو الكل..

 

[FIBONATCCI]

ازيد النصيحه
انا شريت سياره من المكاتب وطلع لي ورقة فحص جديده انا مافحصت لان يمشي ويحلف ويقولي عن حياته الخاصه جني واحد من اهله بعد ماشريت السياره
انصدمت بالنصب والاحتيال والاسلوب التمسكن
الري لا تفكر تشتري منهم
واذا انحديت عليهم مالك الا الفحص الدقييييييق
( من ناحيتي ماشتري منهم حتى لو انحد عليهم
توووبه لان مو انا بروحي كذا شخص مقروص

 

[تاجر خرده]

اخي الكريم صاحب الموضوع والاخوة الكرام

انا اختلف معاكم في عدة نقاط واتفق في عدة نقاط

اذا تبي تشتري سيارة اول امر انت افحصها

اركب السيارة ودق فيها مشوار طيب يعني انت مثال بالري او اي منطقه امش على السيارة مايقارب ال 30 كيلو راح يبين معاك الامر الاو تباديل القير اذا كان فيه تأخير او طقة او تبويش
او اي امر
الامر الثاني بعد ما تخلص من المشوار الاول

طف الموتر واسحب قياس الزيت وشوف المكينة اذا تبخر او لا وبعدها افتح الغلق حق المكينة لان احيان يكون فيها تبخير خفيف ما يبين الا من قياس الزيت
والامر الاخير عطها دعسه طويلة النفس شوي راح يبين معاك اذا كان فيها دخان صرفية او لا

بقى حاليا عندنا الكهرباء اذا كان فيها مشكلة هذي للحين ما اكتسبت فيها الخبرة الحلوة

والبدى والشاصي يبين معاك على الفحص بخصوص التجميلي يكون نسبة الصبغ اعلى من صبغ الوكالة بشيء بسيط
واذا كان فيها معجون هم راح يحدد لك اماكن المعجون

وفي الاخير اقول لك الناس اجناس
وتقبل مروري عل الموضوع

 

[ياسر 1970]

من واقع تجربه في الصدفه تعرفت على كراج في منطقة الري وشفت ماكينة افالون والله مفتوح الماكنه موديل 2009 والماكينه من الداخل مثل الجار اسود محترق ومخرب الكامشفت والتكايات والله ماتبين معالمها تعرفون ليش مايبدلون زيتها يستعملونها 6 أشهر ورقع واعرض في المكاتب ثم يبيعونها ولا فلس يحط عليها قوايش تشوفها مهتريه والسياره 2009 توايرها مسحكه وحارقها حرق بس البدي ملمع ويقولك شرط الفحص والفحص يبين نسبة الماكينه ويقولك صوت تكايات وربل صباب وسيرفس وأنت ويقولك استهلاكيه بس الموتر هلكان بعد شهر طرمبة ماء دينموا طرمبة زيت وهيئه كامله تعبانه أشتروا من ربعكم حتى لو غاليه 300 دينار أقل شيئ تعرفه ومايغشك والسلام

 

[maax1]

اخوى ياسر بنسبه لوصفك الماكينه من داخل مثل القار
هذى صارت معاى مو من الاستعمال الطويل السبب من الزيت التجارى
سيارتى اكورد قبل كل 1500كم اغير فى الوكاله بوقتها ما كان فيه زيت بو 5000كم
المهم مره مستعجل وقفت عند بنشرجى وغيرت زيت عنده ثالث يوم جيمت الماكينه
مع انه ممشاها 60 الف جديده السياره
لما بطلو الماكينه ولا نفس وصفك بضبط سألت عن السبب لان منظرها غريب محروقه
والزيت يابس واسود السبب ان بعض البنشرجيه يشترون زيت مضروب حتى اهم مايدرون
ومن تحطه سلم على الماكينه توبه من ذاك الوقت شغلى بلوكاله

 

[Singel]

يجماعه مشكورين علي المرور والمشاركه في الموضوع وصدقوني ماجاكم الا الصج وللرفع الموضوع

 

[hamed_zd]

بارك الله فيك على النصيحة

 

[abo_fahad9]

نعــــــــم كــــــــــلام 100\100 بس وين الي يفهم........ انا بساعدك ياصاحب الموضوع الرجال يقول الحيطه والحذر ؟؟؟؟ ماقــــال الا الي شافه وبعدين في سيارات تتصلح والله لو الوكاله ماتعرف مكان الدعمه هذي شغل كراجات وانا صارت وياي بفورد اندعم من ورا وشريت قصه نفس الموديل واللون واللحيم صار بمكان واحد وصاروخ وصبغ بمكان اللحبم فقط والباب هو هو ماتغير ؟ ؟؟؟

 

[New&New]

احس بعض الاعضاء فيهم غبااااء مو طبيعي

هههههههههههههههههههههههههههههههههههههههههههههههههه

 

[نصوري]

بعض المكاتب مايخافون الله ولا وغير السيارات الغرقانه
اللي يسوولها دفتر ويخفون الدفتر الامريكي عشان ماتعرف
السياره شنو فيها حتي الفحص مايبين
وازيدكم من الشعر بيت بعض الفحص غير صادقه لهم ناس
تدفع لهم عموله ولا ليش الغوا الكفاله عند الفحص لان اخسروا قضايا
وقالوا بلاه
في الكويت تري العجب العجاب ولكن الله يمهل ولا يهمل للنصابين من اهل المكاتب

 

[Singel]

أحسنت اخوي نصوري بديتو تفهموني بعض الناس بدت تفهم السالفه الي هي اتفاق المكتب ويا الفحص طبعا ماخص فحص واحد اعمهم لانها لو خليت خربت ولا بارت السلع