الله لا يوفق اللي اخرنا ،،، الحسابه تحسب

[قلم حر]

السلام عليكم

بكل اختصار الموضوع بيتي بمدينة جابر ولله الحمد

والفضل والمنه خلصته

وخلصت مخطط الكهربا بالوزاره ولما ناديت الكهربائي

يكمل شغله عشان يركب البلاكات والفيوزات

قال ماني مشتغل ابي زياده الاسعار ارتفعت

قلت له طيب انا الاغراض اساسا علي وانت ماخذك مصنعيه

يعني الاسعار زادت علي مو عليك !

جان يقول العمال ارتفعت اجورهم وانا ما راح ادفع

من جيبي !!!

قلت له طيب وشالحل الحين ؟

قال تعطيني 300 دينار زياده وله ما اشتغل شوف غيري

قلت له عندي عقد جان يقول (( خلي يولي عقد ))

المهم لعنت خيره بالكلام والتهديد والوعيد

الزبده ادري بالتالي بساومه واعطيه يمكن اقل شويه


المشكله بالعقد باقي له 150 دينار


زبدة الموضوع شنو الحل بمثل هذي المشاكل

ونصيحه اي عقد خل الدفعه الاخيره اكبر دفعه حتى

لو يقول ماني مشتغل تقدر تكمل فيها الشغل مع غيره

​

 

[متوازن]

بعينك الله خله يولي والرزق على ربك

 

[(ابوفواز)]

اكثر العمال لو خليت الدفاع الاخيره كبيره ما يرضى وهذي هي المشكله

 

[أناسة]

السلام عليكم

قضبه الباب وشوف غيره هذا انتهازي واتفق مع غيره وهو يسمع خله ينقهر يمكن يحس ويرجع بكلامه حسبي الله ونعم والوكيل فيهم يحسبون الكويتي عنده مكينة كي نت بالبيت

 

[طارق55]

انت من البدايه كم متفق معاه شغل ايده كل البيت ؟؟

 

[قلم حر]

الله يجزاكم خير جميعا


اخوي طارق

انا من الاول متفق شغل ايد وكل الاغراض علي

لكن المشكله انا بديت بنيان من 2008 وسويت

معاه العقد والمعروف انه الناس تبني بالكثير سنه ونص

ويخلص البيت وتشب الكهربا

اما مدينة جابر عقب 3 سنين يالله وصلت الكهربا وهذا

اللي تغير واسعار 2008 غير عن اسعار 2011



​

 

[طارق55]

اخوي قلم حر

كلنا نفسك .. بدينا 2008 والي الحين ماخلصنا ..

انا اتفقت مع كهربائي بيتي كله ب 1000 دينار

وبعد سنه تقريبا لما خلص الاسود صارت له مشكله وسفروه الشرطه

جبت بعدها واحد قالي اخذ البيت كله اكمله لك ب 1200 واركب لك حتي اللمبات .. طبعا مع الانتركم والستلايت وكل شئ .. طبعا الكهربائيي الثاني عالج اخطاء الاول وطلعت كثيره ..
المهم اذا انت متفق مع كهربائييك اكثر من 1500 راح يصير وايد عليك .. ولكن ان اقل .. بصراحه زيده ..
الحين .. كم انت متفق معاه علشان اقدرلك الاجره هل هي شوي ولا وايد ؟؟

 

[دينار كويتى]

السلام عليكم ورحمة الله وبركاته

اولاً : الله يعينكم ويبارك لك في بيتك
ثانياً : اذا تبي تجيب واحد غيره يكمل الشغل لازم تسوي فسخ عقد معاه ويوقع لك علي مخالصه عشان ما يرجع يطالب بباقي فلوسه.
ثالثاً : تقدر تشتكي عليه لكن حبل الشكاوي طويل وانت تبي تخلص بيتك وغيرك يسولف وهو مرتاح.
رابعاً : جيب واحد عشان يكمل الشغل وشوف كم يقول لك واحسبها وشوف الأوفر لك واتخذ قرارك وحاول تساومه بالسعر.

والله يوفقك وتخلص بيتك وتسكنه انت وعيالك ويبارك لكم فيه ان شاء الله*

 

[بوالعيس بيك]

أخوي قلم حر

آنا أقول زيده وخله يكمل شغله وأفتك من دوخة الراس

اذا دورت ولقيت واحد ثاني يمكن يطلع قشيم ويخرب شغلك

وماأظن بتلقي رخيص الحين الاسعار كلها مرتفعه وحتي يوميات العمال اندبلت​

 

[قلم حر]

اخوي قلم حر

كلنا نفسك .. بدينا 2008 والي الحين ماخلصنا ..

انا اتفقت مع كهربائي بيتي كله ب 1000 دينار

وبعد سنه تقريبا لما خلص الاسود صارت له مشكله وسفروه الشرطه

جبت بعدها واحد قالي اخذ البيت كله اكمله لك ب 1200 واركب لك حتي اللمبات .. طبعا مع الانتركم والستلايت وكل شئ .. طبعا الكهربائيي الثاني عالج اخطاء الاول وطلعت كثيره ..
المهم اذا انت متفق مع كهربائييك اكثر من 1500 راح يصير وايد عليك .. ولكن ان اقل .. بصراحه زيده ..
الحين .. كم انت متفق معاه علشان اقدرلك الاجره هل هي شوي ولا وايد ؟؟

السلام عليكم ورحمة الله وبركاته

اولاً : الله يعينكم ويبارك لك في بيتك
ثانياً : اذا تبي تجيب واحد غيره يكمل الشغل لازم تسوي فسخ عقد معاه ويوقع لك علي مخالصه عشان ما يرجع يطالب بباقي فلوسه.
ثالثاً : تقدر تشتكي عليه لكن حبل الشكاوي طويل وانت تبي تخلص بيتك وغيرك يسولف وهو مرتاح.
رابعاً : جيب واحد عشان يكمل الشغل وشوف كم يقول لك واحسبها وشوف الأوفر لك واتخذ قرارك وحاول تساومه بالسعر.

والله يوفقك وتخلص بيتك وتسكنه انت وعيالك ويبارك لكم فيه ان شاء الله*

انا اتفقت معاه ب 1100 طبعا بعدين قالي من غير

تمديد الستلايت والتلفون قلت له ليش

قال مو موجوده بالعقد

قلنا مو مشكله ويقول امدد لك الستلايت والتلفون ب 150

والحين ساومته ع الزياده واخر شي طلب 150

يعني 1100 العقد + 150 ستلايت + 150 زيادة اجور

يساوي 1400


ومثل ما قال اخوي دينار كويتي حبل الشكاوي طويل

ويمكن يطلع خبير يقولك المقاول يستحق الزياده

​

 

[قلم حر]

أخوي قلم حر

آنا أقول زيده وخله يكمل شغله وأفتك من دوخة الراس

اذا دورت ولقيت واحد ثاني يمكن يطلع قشيم ويخرب شغلك

وماأظن بتلقي رخيص الحين الاسعار كلها مرتفعه وحتي يوميات العمال اندبلت​

هلا بالجار

هو طلب 300 وبعد الزف وشيل وحط صارت 150

انا بالاخير بزيده لكن نبي نتناقش حتى يستفيد غيري

من اخطائي انا لو مخلي الدفع الاخيره 300 دينار

جان ما يقدر يترك الشغل ويقول مابي اكمل وشوف غيري

غلطتي الدفعه الاخيره بس 150 باقي له وللحينه ماركب

الفيوزات ولا البلاكات ولا الاضاءه
​

 

[طارق55]

ياخوي عطه وافتك .. خاصه اهو يعرف التمديدات ويعرف شغله .. واصلا انت الحين لو تبي تتعاقد مع شركه اقل شيئ راح يقولك 1500 دينار بيت جديد

انا مثل ماقلت لك .. دفعت 500 حق القديم وابي ادفع للجديد 1200 يعني مكور دافع 1700 حق كل الكهرباء

بس للحق اقولك الكهربائيي مالي مدلعني بالكهرباء .. حاطلي كهرباء حق 4 طوابق .. وفيوزات وايد زايده ... وفي صاله من الصالات حاط لها ثلاث تمديدات للستلايت .. اذا ابي اغير مكان التلفزيون ..
الاناره في الغرف شغل توزيع .. السور الخارجي له 2 فيوز .. لو يخترب او التماس يصير بواحد الباقي يشتغلون ماكو مشكله .. وحوسه يعني .. شغل دلع .. اتمني ان تكون سويت مثلي ..