ليش صعدت المجموعة د .. والمخازن واللبنانية لا ؟؟؟؟؟؟؟؟؟

bodalal · 3 أغسطس 2005

.

قبل شهرين تقريبا كنت مراقب المجموعة د فترة .. وأخيرا اشتريت على 198 فلس .. وبعد شهر أو أقل بعت على 230 فلس ..

وما كان ذاك الوقت في أي شي يقول ان السهم راح يوصل إلى 300 حتى .. لكنه هالحين ما شاء الله عدى ال 400 فلس ..

يستاهلون والله ... والله مو حسد .. بالعكس أنا راضي بربحي .. وأدعي لغيري ..

لكن اللي مستغرب منه .. ليش تصعد المجموعه د هذا الصعود الممتاز ..

بينما المخازن وتوابعها .. مثل مركز سلطان واللبنانية من نازل إلى أنزل ؟؟؟؟؟؟؟؟

ومنا إلى أهل العلم والراي ...

.

المهذب جداً · 3 أغسطس 2005

.

bodalal قال:
.

وما كان ذاك الوقت في أي شي يقول ان السهم راح يوصل إلى 300 حتى

.

bodalal · 3 أغسطس 2005

.

الله يعطيك العافية ... الظاهر انك مهتم بهالسهم وايد ... تحليلاتك وأخبارك كلها صحيحة ما شاء الله

لكن المشكلة فيني أنا بصراحة .. ما دورت عدل ...

لكن هم ما جاوبت سؤالي : ليش المجموعة صعدت والمخازن لأ ؟؟؟؟ شنو اللي صعد هذي وما صعد هذيج ؟؟؟؟

ومشكور على الرد ..

.

ستوك · 3 أغسطس 2005

أرباح المخازن للنصف الأول 117 فلس
أرباح المجموعة 33 فلس = تقريبا ثلث أرباح المخازن

سعر المخازن خل نقول 3 دنانير
سعر المجموعة 400 فلس = تقريبا ثمن (1\8) سعر المخازن يعني الفرق كبير

ولو تقارن مضاعفات الربحية للشركتين راح تكتشف هالشي

+

المجموعة تتمتع بزخم كبير ودعم كبير من المحافظ الإسلامية وسمعتها ممتازة بين المتداولين كون ان محد يشتكي انه خسر بسبب المجموعة وصانع السوق يستغل الأخبار الجيدة لرفع السهم بعكس المخازن اللي سببت خسائر وحالات نفسية كثيرة للمتداولين بسبب انعدام شفافية الشركة.

دابس · 4 أغسطس 2005

ستوك قال:
أرباح المخازن للنصف الأول 117 فلس
أرباح المجموعة 33 فلس = تقريبا ثلث أرباح المخازن

سعر المخازن خل نقول 3 دنانير
سعر المجموعة 400 فلس = تقريبا ثمن (1\8) سعر المخازن يعني الفرق كبير

ولو تقارن مضاعفات الربحية للشركتين راح تكتشف هالشي

+

المجموعة تتمتع بزخم كبير ودعم كبير من المحافظ الإسلامية وسمعتها ممتازة بين المتداولين كون ان محد يشتكي انه خسر بسبب المجموعة وصانع السوق يستغل الأخبار الجيدة لرفع السهم بعكس المخازن اللي سببت خسائر وحالات نفسية كثيرة للمتداولين بسبب انعدام شفافية الشركة.

كفيت ووفيت

اخونا الفاضل بودلال انت تقول انا حاط الموضوع مو قصد الحسد بالعكس هذا عين الحسد ، الدليل تقول ليش ، شنو ليش اخونا الفاضل سهم المجموعة اثبت انه قادر على تخطي العقبات والمشاكل وقدر يحقق ارباح ليس من فراغ وبعد عن كل مشكلة تسبب في شركاته سهم المجموعة سهم تشغيلي ويملك بشركات تشغيليه ضخمة جدا ولا يستهان بها

خل المخازن على صوب وهوس المخازن والجناعات نعم اسميه هوس ، دخلوا الناس باسهمهم وانتهجوا طريقة البحر وقصوا على العالم لا تقولي عقود ما عقود ايفا كان عندها عقد 200 مليون دينار يعني ربع مليار وكان في ذك الوقت من اضخم العقود وطع اللحين ما شفنا شي اخوي سهم المجموعة سهم اسلامي بحت يملك هيئة وفتوى شرعية يعني مردوده بركه وماعليه اي شبهات ومجلس ادارته صح

bodalal · 4 أغسطس 2005

.

اخونا الفاضل بودلال انت تقول انا حاط الموضوع مو قصد الحسد بالعكس هذا عين الحسد

مشكور يا اخوي دابس ... ولو إنك اتهمتني بالحسد .. الله يسامحك .. انت ما تعلم بالنوايا .. فلا تحكم علي جذي الله يهديني وياك ..

الموضوع يا سيدي ما هو موضوع حسد ... أنا عندي تساؤل فقط .. القصد منه اني أعرف العوامل التي تؤثر بالسوق .. هل هي العقود ؟؟ إذا كانت المسألة مسألة عقود فماكو أكبر من عقود المخازن !!!

هل المسألة أخبار ... أخبار الاقتصاد كلها عن المخازن !!!!

هل المسألة إشاعات ؟؟ الله خير المخازن صارت علج بحلوج العالم !!!!

هل المسألة تحكم وسيطرة من المحافظ أو غيرهم من المتنفذين ؟؟؟؟ هذي ما أعرف عنها شي بصراحه

هذا هو القصد من طرح الموضوع ... وما أدري ليش اعتقدت إني حاسدهم ... مع إني قلت إني ربحت بالمجموعة ولله الحمد .. وقاعد أدعي للجميع بالخير والرزق الحلال بما فيهم إنت إن شاء الله

يا أخي أنا قاعد اترزق الله بالبورصة ... ولأني جديد على هالمجال .. قاعد أحاول أبذل جهدي علشان أفهم السوق شلون يمشي ... بالتحليل الفني وإلا على المزاج !!!

فإذا السالفة سالفة مزاج .. نطلع براس مالنا على الأقل أحسن لأن الكل يعرف حيتان الكويت ماكو أحد يقدر يقايش وياهم

إذن يا خوي ... موضوعي كان فقط محاولة لفهم العوامل اللي تتحكم بالسوق بصورة دقيقة .. مو حسد ... الله يبعدنا عن الحسد ..

على فكرة ... تعريف الحسد : تمني زوال النعمة عن الآخرين ...

ويعلم الله إني أتمنى الربح للجميع .. وأدعي لغيري مثل ما أدعي لنفسي .. اللهم ارزقني وارزق غيري

أما لماذا اخترت المجموعة د .. فالسبب بسيط .. إني راقبته فترة وكان سعره بسيط .. ما بين 180 إلى 200 فلس .. ثم بدأ رحلة الصعود ( الله يزيده أكثر وأكثر يا رب

) .. فحبيت أعرف سبب الصعود .

مشكور مرة ثانية ....

.

شسوي · 5 أغسطس 2005

د

مشكووور يا ابو دلال على ها التعليق الحلو با العكس كلامك منطقي وعين العقل .....
بس اعتقد الواحد اذا بيدش بالسهم لازم يدرسه اول شي....

وسوق الكويت مشكله يعتمد على الاخبار ... وهذى وين تصيدها...؟؟

bodalal · 5 أغسطس 2005

تسلم الله يخليك .. هذا من ذوقك ولطفك ...

المهذب جداً · 9 أغسطس 2005

.

ستوك قال:
أرباح المخازن للنصف الأول 117 فلس
أرباح المجموعة 33 فلس = تقريبا ثلث أرباح المخازن

سعر المخازن خل نقول 3 دنانير
سعر المجموعة 400 فلس = تقريبا ثمن (1\8) سعر المخازن يعني الفرق كبير

ولو تقارن مضاعفات الربحية للشركتين راح تكتشف هالشي

+

المجموعة تتمتع بزخم كبير ودعم كبير من المحافظ الإسلامية وسمعتها ممتازة بين المتداولين كون ان محد يشتكي انه خسر بسبب المجموعة وصانع السوق يستغل الأخبار الجيدة لرفع السهم بعكس المخازن اللي سببت خسائر وحالات نفسية كثيرة للمتداولين بسبب انعدام شفافية الشركة.

يا سلام عليك ؛

للرفع

.

ليش صعدت المجموعة د .. والمخازن واللبنانية لا ؟؟؟؟؟؟؟؟؟

bodalal

عضو مبدع

المهذب جداً

عضو مميز

bodalal

عضو مبدع

ستوك

عضو نشط

دابس

عضو نشط

bodalal

عضو مبدع

شسوي

موقوف

bodalal

عضو مبدع

المهذب جداً

عضو مميز