استفتاء بخصوص الفحص بالكمبيوتر

[تاجر خرده]

السلام عليكم ورحمة الله وبركاته

اخواني الكرام

عندي لغز محيرني مع شركات الفحص

انا من سكان المنطقة العاشرة وكل ما اشتري سيارة افحصها باحدى الشركات الموجوده بالصناعية من دون ذكر اسماء او تشهيير او طعن
المهم اللي لاحظتة على جميع السيارت اللي شريتها

نسبة المكينة 68 +ربع صباب عادي

الثير فية فضاوة +كلجات قير
تصفية وبيحطلك عيب او عيبين صغار

فبصراحه كلمة صاحب الكراج وقلتة له اخوي انا كل ما افحص سيارة رب العالمين يقدر لي نسبتها 68 % وهم فيها ربل صباب وللعلم ما فيها دخان

والقير يطلع فيه فضاوة او كلجات قير
فطلبت منه اني اشوف دفتر الفواتير اللي عندهم ورفض وبعدها بكم يوم شريت سيارة وجيت افحصها مالقيت الرجل موجود فكلمت العامل اللي بالمحل بعد ما سجل نفس الملاحظات اني اشوف دفتر الفواتير وبعد كلام طويل شفت الفواتير تدرون شنو كانت الصدمة ان جميع السيارات اللي مفحوصة عندهم كلها فيها

68 نسبة المكينة وربل صباب

والقير فضاوة + كلجات قير
فهل يعقل هذا

انا اتوقع لو بجيب سيارة من الوكالة بيعطي نفس النسبة

اتمنى التفاعل يا اخوان وكل واحد يقول شنو صار معاه ​

 

[محمد_77]

السلام عليكم
اخوي بخصوص نسبة المكينة الكمبيوتر لا يحدد نسبة المكينة الي يحدد النسبة الفاحص الي يشتغل على الكمبيوتر اذا اف سيارتك جديد ونظيفة اعطاك نسبة عالية شوي
اما اذا سيارتك شكلها ماعجبه او موديلها قديم شوي عطاك نسبة قليلة تحت 60 %
يعني تقدير عامل مو فحص كمبيوتر
اما بالنسبة للتصفية وربل الصباب والسفايف وفضاوة الجير والكلتشات هذة لازم وواجب عليهم يكتبوها ....مثل كلمة بسم الله الرحمن الرحيم في بداية كل رسالة تكتبها
يعني لو تجيب سيارة موديل 80
وتركب عليها مكينة جديدة بالكرتون وتوديها الفحص يطلعلك فيها ربل صباب وتصفية
واسف على الاطالة بس هذة الحقيقة
وارجع واكرر الكمبيوتر لا يعطي نسبة مكينة

 

[القرب]

انا فاحص افالون 2007 وماشيه 148000 وقالي الفاحص نسبتها 80 بالميه ولا قالي ربل صباب ويره بس ذكرلي ان الاكس الايمن يبيله تبديل وشغلات بسيطه ناسيها

 

[تاجر خرده]

ننتظر التفاعل من قبل باقي الاخوان

اشكر اللي نورو الموضوع بردودهم

 

[kwto_o]

والله انا اعتقد ان الفحص اليدوي اضمن وافضل تروح عند ميكانيكي شاطر وتفحص الماكينه ويبين معاه من صوت الماكينه ويبين معاه من ريحة زيت السياره اما الكمبيوتر ما اعتقد يعطيك نسبه صحيحه واصحاب الكمبيوتر يعرفون هالشي بس عشان يكسبون فلوس وبالنسبه للجير ما فيه فحص كمبيوتر للجير ولا يبيلها شي تعرفها من تبديلات الجير يعني لا تروح لمحل وتقول بفحص الجير طبعا راح يستانس نصيحه شوف اي احد له مده فوق 10 سنوات يسوق سياره راح يعرف بسهوله والله انه اصحاب المحلات ينصبون علينا ويقولون كويتي شعرفه وعنده فلوس

 

[SnaFy]

اخووي الفحص يفيدك يمكن بالمكينة

انا اشتغل بالسيارات حلو وابي اقول موقف صار معي
اشتريت سياره قالي صاحبه فحص حلو ويوم رحنا الفحص قال لي نسبة المكينة 69 بالمية
المهم انا ما ركبت السيارة ولا سقتها وبالصد فه سقت السيارة ولا السيارة تقطع وارد على الفحص جان يقولي كوييل فيه خربان زين اي كوييل ولا يقول ما اقدر احدد لك زين ليش مو كاتب بالفحص ان الكوييل خربان وليش كاتب تبي تصفيه مو كوييل المهم رد فلوس الفحص هذول ناس تبي نا تلسنهم فا نصيحة لوجه الله
لا تشتري سيارة الا وانت تعرف تفحص المكينة وتسوقها يعني المكينة تبين من تدوس له وتفتح غطاء المكينة وتحسه صافيه ونشيطة وما تشوف حواليه دهن بس دير بالك تشوف المكينة مغسولة اذا المكينة مغسولة ما تقدر تحدد حالته يمكن

والشكر

 

[تاجر خرده]

اخواني انا حصل معاي موقف يوم الجمعه في الجهراء

بعت سيارة على شخص
المهم وحنى واقفين دخل عليهم شخص وقال شلون تكتب لي السيارة فيها راس شاصي واهي صبغ الوكالة وطلع له فاتورة من كراج ثاني الشاصي سليم
المهم الرجال مشى من عندهم واجا دوري انا

فحص السيارة وقال فيها تبخير قوي
انا عن نفسي سكتت وقلت خله يكمل الفحص لما خلص سجل بايبات التبريد كارتير المكينة وتصفية
المهم قلت له اخوي انت متأكد ان السيارة فيها تبخير قوي
قال من قوي التبخير يطلع من عيار الزيت
المهم قلت له بطل الغلط حق المكينة ولما بطله قلت له وين البخار اللي يطلع تبخير خفيف يعني لو تبي تحط زيت ثقيل نفس زيت الغانم ما راح يبين الفحص
المهم الرجال دفع الفلوس وتم بيع السيارة ولله الحمد

 

[ياسر 1970]

ياشباب بالنسبه للفحص العاملون على الجهاز الفحص لا يوجد عندهم رخصة قياده يعني قليل خبره والجهاز يعمل على دخول الهواء من الفلتر الهواء إلىالكزوز وأي نسبة دهون محترقه يقوم الجهاز بتسجيلها وطبعا الجو عندنا حار وأكيد فيه نسبة دهون متبخره من هوز التبخير الموجود أعلى الماكينه ودائما يكتبون نسبه وسيرفس وربل صباب ليكون قانوني معي الشكاوي ويقولون حنا كتبنا لك وانت لم تقوم بالاصلاح مباشره

 

[Bo-SaNaD]

السلام عليكم
شركات الفحص كلها تقريبا نفس الكلام اللي يفرق بينهم شي بسيط مثل الحوادث والمعجون اللي على السياره اما نسبه المكينه يحددعا جهاز الكمبيوتر مال الفحص

وسالفه ربل الصباب نتله بالقير سيرفس تهريب بسيط والامور هذي لازم يكتبونها لو تطلع سياره من الوكاله وتروحلهم نفس الكلام ليشششش
انا اقولكم ليش الامور هذي تحمي شركه الفحص لانه راح يعطيك عليها كفاله واهم يحطون لهم خط رجعه بالامور هذي عشان لاتجي بعدين وترجع عليهم قضائيا اهو بجذي يحمي نفسه

انا بقولكم سالفه صارت مع واحد من الربع يبي يبيع سيارته جيب لاند كروز موديل 2009 واهو اساسا الجيب مقلوب ومعدل القماره مقصوصه وداه لاحد شركات الفحص المشهوره وفحصوه اهو ويا الشراي وطلع الفحص نسبه المكينه 88% القير سليم الشاصي سليم البدي سليم ؟؟؟!!!! وصاحبنا باع السياره بسعر قوي جانا الدوانيه وقال السالفه احنا لمناه قلناله حرام عليك مايجوز والله رد واتصل على الرجال وقاله السالفه ان الجيب مقصوص وعدل واذا تبي فلوسك وترد السياره حاظر قاله راعي السياره مشكور وجزاك الله خير بس انا بروح حق شركه الفحص وبلعن خيرهم راحو حق شركه الفحص نفسها وقالوا نبي نفحص السياره بس بدي واتضح ان البدي مقصوص راح وطلع ورقه الفحص الاولى وقال انا بروح اشتكي عليكم انا دافع 12 الف بالسياره بناء على فحصكم المهم نادوا صاحب القراج وقاله السالفه بصراحه صاحب القراج ماقصر قاله انت بجم شاري السياره قاله ب 12 الف قاله خلاص انا اشتريها منك بنفس القيمه وقام صاحب القراج عطى الرجال فلوسه واخذ السياره وقاله هذي غلطتنا واحنا نتحمل
الشاهد من الموضوع ان مو كل شي ينكتب بالفحص صح وهم بالمقابل مو كل شي يطلع بالفحص