استفسار بخصوص العقد مع المقاول

[خفايا القلب]

السلام عليكم ورحمه الله وبركاته

اتفقت مع شركه مقاولات وترميم لبناء شقه وتعديلات على البيت واتفقنا على مبلغ 13 ألف

وبيني وبينه عقد وذاكر كل الشغلات اللي ابيهم بالعقد وسلمته البيت بشهر 3 و لحد الحين البيت مو مسوي فيه شي بس مجرد تكسير وعطيته اول دفعه مبلغ 3 الاف وبعدها بفتره عطيته 5000 الاف والحين مايبي يشتغل بالبيت الا يبي مبلغ 3 الاف

واتفاقنا كان على نص شهر 6 يخلص البيت ولحد الحين البيت واقف

هل اقدر اطالبه بتعويض ؟؟؟

وهل اقدر الزمه انه يكمل الشغل ؟؟

خصوصا انه خذا مبلغ 8000 الاف وللحين ما سوى شي يستحق هالمبلغ

 

[rahaly]

الله عينك ..
ما تقدر تلزمه بانه يكمل .. واذا تعرف انه لا يكمل وقد يستولي على مالك
فالافضل ان تطلب اثبات حالة بواسطه المحكمة
ويقدرون قيمة الاعمال المنجزة
وتفسخ عقدك معاه وتكمل الاعمال وتطالبه في المبلغ الذي تسلمه بالزيادة عن قيمة الاعمال المنجزة وهذا افضل شئ

والله اعلم

 

[الاستاذ بوسلطان]

الله يعينك
دعوى مستعجله لندب خبير لأثبات الحاله.وبعد الانتهاء من صدور الحكم تبدأ في
الخطوه الثانيه تكمل المبنى عن طريق مقاول ثاني وترفع دعوى على المقاول الاول للمطالبه في المبلغ الذي اخذه بدون وحه حق اضافه الى التعويض والاضرار التي اصابتك نتيجه هذا التعطيل
والله اعلم

 

[خفايا القلب]

يعطيك العافيه رحالي ولا هنت .. وبيض الله وجهك

 

[خفايا القلب]

لا هنت يالاستاذ بو سلطان وبيض الله وجهك

يعني اقدر الزمه يرد المبلغ او اخليه يكمل البيت بحدود المبلغ اللي خذاه ؟؟

واقدر اطالبه بتعويض لان حيل تأخر بتسليم البيت

 

[الاستاذ بوسلطان]

الخيارات لك.
الزامه برد المبلغ فيه من الصعوبه الشي الكثير ولا أعتقد راح يوافق وأذا وافق يكون خير وبركه.
وأذا كمل راح يطالبك بتنفيذ العقد وتسليم الدفعات ويمكن يكمل ويمكن ينحاش.
المفترض تكون دفعاتك على قدر العمل القائم بحيث اذا هرب المقاول تستطيع ان تأتي بواحد غيره.
شوف عزيزي اللي تأخر من شهر 3 وحنا في شهر 7 هذا ماراح يخلص ولاراح ينفعك وأذا اشتغل غصب راح يخرب الشغل وأنت المتضرر بالاخير.

 

[الشكوىى لله]

ديربالك أغلبيتهم حراميه ... فلوس وفلوس وشغلهم خايس
نصيحه للكل قبل كل شيء دور على مقاول مجربْ ومضمون !


الله يعينك اخوي