فرحان جداً
موقوف
- التسجيل
- 14 يونيو 2011
- المشاركات
- 359
بسم الله الرحمن الرحيم
فالبدايه يا جماعه لازم الواحد يقتنع بأن الاسعار عمرها ما راح تنزل...وانا اقول لكم الدليل
يعني تخيل نفسك صاحب عقار والناس قاعد تسوم على 200 الف.....هل من المعقول بأنك راح تبيع بيتك ب130؟ عمرك ما راح تبيع لان راح تعتبر صدمه لك و راح تقعد فبيتك ولا تبيعه بسعر زهيد جذي لان الاسعار بالمنطقه غاليه وتبي تبيع غالي مثلهم
انزين شنو الحل؟.....الحل غير موجود حتى لو الدوله وزعت 10 الاف وحده سكنيه اخرى غير صباح الاحمد وحتى لو وزعت 20 الف....فكل سنه اكو 10 الاف طلب اسكاني جديد فشي طبيعي ان الكل يبون يشترون واللي يقدر يشتري ما ينطر دوره جان من زمان شاري.
بعدين لو شنو الدوله ما تقدر توزع اكثر من منطقه بنفس الوقت يعني صدقوني ما راح يوزعون منطقه ثانيه (يمكن بس اللي على الدائر السادس 5000 وحده سكنيه) وبعدهم انطروا خمس سنوات على شان يتم توزيع منطقه جديده...ليش؟؟؟؟؟؟؟ لان الحين يا جماعه لو تبي عمال ما راح تلقى عمال لان في مناطق واجد فيهم بنيان...هذا وصباح الاحمد لي الحين ما بلشو يبنون...فما بالك لما يبلشون بالبناء؟ 10 الاف وحده سكنيه...جم عامل تحتاج؟؟ تحتاج نسبه كبيره من العمال فبالعقل حتى لو الحكومه وزعت اراضي ما راح تحل المشكله لان ماكو عمال وبالعكس راح تسبب ازمه حق المواطنين لان اسعار العمال راح يزيد وكل واحد يبي العمال يشتغلون له و راح يدفع...فأكو ناس واجد راح يتوهقون ويتأخرون فالبنيان....فطريقة الحكومه في توزيع الاراضي سليمه 100% لان ما عندنا عمال كفايه انهم يبنون كل المناطق بنفس الوقت فلازم منطقه ورا منطقه.
الحل شنو؟؟؟
الحين محد قادر يشتري واذا استمر الوضع جذي بنقعد لي 10 سنين على نفس الوضع....فالحل بوجهة نظري ان يتم زيادة القرض الاسكاني الى 100 الف و زيادة القرض البنكي الى 100 الف على مدى 20 سنه بدلاً عن 15.
وبهالطريقه الواحد يمكن يمكن يقدر يشتري بيت او يشتري ارض و يبنيها
اتمنى زيادة القروض ليتسنى للمواطن شراء المنازل والاراضي...بهالطريقه اللي يقدر راح يشتري واللي ما يقدر اهو من الاساس مو قادر يشتري ولكن قللت من نسبة اللي ما يقدرون يشترون بيوت لان الشركات قامت تبني لها بيوت وتسويهم شقق وتأجر وعلى أفى المواطن للأسف ولا يقدر يقول لهم بس او رخصولي...واسعار الاجارات غاليه و البيوت اغلى...اتمنى ان الشعب يستوعب المشكله اللي حاصله بالبلد ويطالب بزيادة القروض
فالبدايه يا جماعه لازم الواحد يقتنع بأن الاسعار عمرها ما راح تنزل...وانا اقول لكم الدليل
يعني تخيل نفسك صاحب عقار والناس قاعد تسوم على 200 الف.....هل من المعقول بأنك راح تبيع بيتك ب130؟ عمرك ما راح تبيع لان راح تعتبر صدمه لك و راح تقعد فبيتك ولا تبيعه بسعر زهيد جذي لان الاسعار بالمنطقه غاليه وتبي تبيع غالي مثلهم
انزين شنو الحل؟.....الحل غير موجود حتى لو الدوله وزعت 10 الاف وحده سكنيه اخرى غير صباح الاحمد وحتى لو وزعت 20 الف....فكل سنه اكو 10 الاف طلب اسكاني جديد فشي طبيعي ان الكل يبون يشترون واللي يقدر يشتري ما ينطر دوره جان من زمان شاري.
بعدين لو شنو الدوله ما تقدر توزع اكثر من منطقه بنفس الوقت يعني صدقوني ما راح يوزعون منطقه ثانيه (يمكن بس اللي على الدائر السادس 5000 وحده سكنيه) وبعدهم انطروا خمس سنوات على شان يتم توزيع منطقه جديده...ليش؟؟؟؟؟؟؟ لان الحين يا جماعه لو تبي عمال ما راح تلقى عمال لان في مناطق واجد فيهم بنيان...هذا وصباح الاحمد لي الحين ما بلشو يبنون...فما بالك لما يبلشون بالبناء؟ 10 الاف وحده سكنيه...جم عامل تحتاج؟؟ تحتاج نسبه كبيره من العمال فبالعقل حتى لو الحكومه وزعت اراضي ما راح تحل المشكله لان ماكو عمال وبالعكس راح تسبب ازمه حق المواطنين لان اسعار العمال راح يزيد وكل واحد يبي العمال يشتغلون له و راح يدفع...فأكو ناس واجد راح يتوهقون ويتأخرون فالبنيان....فطريقة الحكومه في توزيع الاراضي سليمه 100% لان ما عندنا عمال كفايه انهم يبنون كل المناطق بنفس الوقت فلازم منطقه ورا منطقه.
الحل شنو؟؟؟
الحين محد قادر يشتري واذا استمر الوضع جذي بنقعد لي 10 سنين على نفس الوضع....فالحل بوجهة نظري ان يتم زيادة القرض الاسكاني الى 100 الف و زيادة القرض البنكي الى 100 الف على مدى 20 سنه بدلاً عن 15.
وبهالطريقه الواحد يمكن يمكن يقدر يشتري بيت او يشتري ارض و يبنيها
اتمنى زيادة القروض ليتسنى للمواطن شراء المنازل والاراضي...بهالطريقه اللي يقدر راح يشتري واللي ما يقدر اهو من الاساس مو قادر يشتري ولكن قللت من نسبة اللي ما يقدرون يشترون بيوت لان الشركات قامت تبني لها بيوت وتسويهم شقق وتأجر وعلى أفى المواطن للأسف ولا يقدر يقول لهم بس او رخصولي...واسعار الاجارات غاليه و البيوت اغلى...اتمنى ان الشعب يستوعب المشكله اللي حاصله بالبلد ويطالب بزيادة القروض