إستفسار عن لجنة أدعياء المهنه ( هل يردون لي حقي ولا أخليها لرب العباد وبس ! )

[silencee]

السلام وعليكم ورحمة الله وبركاته

أخواني الاساتذه الكرام

تحيه طيبه

قبل سنتين صار بيني وبين بنكي اشكاليه على القرض ورفعو علي قضيه وأخذو أمر اداء علي وحكمت فيه لصالح البنك ونفذ علي الاجراءات فكنت بالمحكمه كوني أجهل القانون وما لي وما علي كنت أسأل مندوب البنك وأحاول أتوصل معاه لشيء يرضي الطرفين وأنا لا أعلم عن الاجراءات ولا أفهم فيها نهائي ماوصلت معاه لحل

وانا اذكر مصري مره جاني بالمحكمه وخدمني مقابل أجر ووافقت قلت بتصل عليه وأخذ رأيه وكلمته قال الامر بسيط جدا

الضبط والاحضار أوقفه لك بأشكال والتظلم وبيندب من المحكمه خبير وأتفقنا على هالشيء وحدد الاجر ودفعته كان 850 دينار . وبعدين بالجلسات مابعد الخبير له حساب ثاني ووافقت
قام وقدم اشكال ووقفه شهرين وبعدها ماكمل خطوة التظلم بحجة ن القاضي مع البنك !!! ورفضو ندب الخبير حسب كلامه

قلت شلون مع البنك قال حكم لصالحهم وما وافقو على تظلمك رفضه بالحكم ؟؟

وقال الامور متعقده وأنا ماقدر أسوي شيء بدزك على واحد بالبنك وروحله طالعته قلت أنت محامي ولا مخلص معاملات أنا شاكي على البنك وتدزلي لواحد وليش مو أنت خادم البنك على حسابي !!

قام يحلف ويتكفر ومثلكم عارف حنا يالكويتيين طيبين سامحته وجيتها بعدها بمطالبتين ماليتيين بعقود وشهود وقلت له ينجزهم لي وانجزهم واخذ اجره


المصيبه الان احد محلات السيارات وكنت متعاقد معاهم من سنة 2004 الى سنة 2008 استغل ضدي كمبياله قديمه من ست سنوات اعتقدت انهم لغوها وعباها قبل سنه وقدمها

قمت وسويت تظلم وسويت اشكال عند نفس هالمصري هو مستشار المكتب
جابلي بالتظلم للاطلاع واجلوها لشهر 9
وبالاشكال ماسوالي شيء ورفض الاشكال

الان أنا أصابني الضرر من هالمصري هداه الله

أقدر أقاضيه
أو أتوجه للجنة أدعياء المهنه وأشكيه عن قضيتي للبنك اللي ضيع علي أخر بصيص أمل
+
هالاسبوع ضيع علي الاشكال
وهل اللجنه مع كامل احترامي لها بتكون مع المحامي ؟ ولا مع الحق
وشنو ممكن يعملون له بعرف تبعاتها اذا حقي محفوض ورد اعتباري محفوض بروح لهم

فيدوني مع الشكر

 

[قناص_السوق]

اخوي انت بالاشكال بيينت اسبابك روح لسكرتير الجلسه الي حكمو فيها ضدك شوف ملفك و شوف شنو مقتضيات التظلم و الاخوه القانونيين يفيدونك اكثر اذا في اجراءات قانونيه اخرى تتبعها للتقاضي

 

[silencee]

اخوي انت بالاشكال بيينت اسبابك روح لسكرتير الجلسه الي حكمو فيها ضدك شوف ملفك و شوف شنو مقتضيات التظلم و الاخوه القانونيين يفيدونك اكثر اذا في اجراءات قانونيه اخرى تتبعها للتقاضي

شفت الاشكال كأنه كوبي وبست تحصيل حاصل هالمستشار يقول كلام حلو وبالافعال يقطني على صخر

من عقب قضية البنك ماكنت بتعامل معاه لآن والله الصحيفه اللي حاطها أي كلام هداه الله تفشل

وبالتظلم من أول جلسه أرفض وكنت غير معلن الظاهر أن هالمستشار مأجر هالمكتب ولا همته قضايانا كثر ماهمه جمع الفلوس حتى مواعيده ومراجعاته معانا مع الاسف أي كلام

فنتمنى الاخوان يفيدونا عن هالجنه مشكورين

شكرا لك

 

[rahaly]

ياخوي انت الله يهديك تارك مكاتب الفين محامي كويتي ورايح لشخص ما عنده مكتب وغير مسجل محامي!!!
والله فاجئتني بانك دافع له 850دك !!!
صدقني لو رايح بعض مكاتب المحامين الكويتيين يقبلون مثل هالاتعاب دل ادعياء المهنه اللي ينصبون على الناس

والاغرب ان متعامل معاه باكثر من قضيه !!

عموما اذا عندك اثباتات ان هو متعامل معاك وهو اللي قام لك بالعمل .. تروح جمعية المحامين .. يوجهونك لتقديم شكوى ضد الشخص .. وهو يقولون لك التفاصيل

واذا ما عندك اثبات ... الله يعينك

والله اعلم

 

[silencee]

أستاذ rahaly

شكرا لك ولسعت صدرك

هو لقاني بالمحكمه وأنا حالي حال أي مواطن أنغشيت فيه ولا أفقه بالقانون شيء وخلال مراجعاتي له بمكتب محامي وعلى كثر ماجيته ماعمري شفت هالمحامي موجود

بس هالاخ المصري

وعندي مايثبت صحة كلامي

1/ عقد القضيته
2/ التوكيل باسمي للمحامي الكويتي ومن خلاله هو عنده توكيل من المحامي

يشهد علي الله اول تعامل صدقت كلامه وخسرني كل محاولات الاستئناف او التظلم بصحف بين ايدي ويوم قريتها اسلوبه أي كلام ! وأعتقد أنه تواطيء مع البنك ضدي وهذا اعتقاد شخصي !

بس المصيبه اني مسلمة وتفاجأت أن الاخ مسافر ومسلمها مصري ثاني ماعنده خبر عن الاشكال والجلسه ومعاملته معاي لا مصداقيه ولا عنده خبره وطلبت صحيفة التظلم لقيته حاضر وطالب للاطلاع ومأجله لشهر 9
أنا لولا أني شفته يوم دعاني لمكتب محامي لما رحت له

الان من خلال ماكتبته هل هالجنه تنفعني ولا أقيم دعوه عليه

وشكرا

 

[rahaly]

للاسف ان بعض المحامين يؤجرون مكاتبهم لادعياء المهنه ..
وفي مثل حالتك لا تستطيع الشكوى ضده لانه يستعمل اسم المحامي الكويتي وبالتالي الكويتي سيقول انه مفوضه لللاتفاق ..
وطبعا هو لا ممسك ضده سيقول انه انجز العمل الموكل اليه

الله يعينك .. ليس لك حل
اما ان تكمل معه .. او تكمل قضيتك بنفسك .. او تستعين بمحام اخر

ولا يتصور تواطئه مع البنك

وانا اعتقد ان موقف اصلا ضعيف في القضية وهو استغلك للحصول على الاتعاب وهو يعلم انه لا فائدة من قضيتك

والله اعلم

 

[silencee]

أجل حسبي الله ونعم الوكيل فيه

والله لا يبارك بهالمحامي اللي معطيه محله والله كثر مراجعاتي ماشفت هالمحامي وطلبت كم مره أكلمه يقولون ما يجي المصري هو الكل بالكل

أنا من بكره بروح لمكتبه وأخذ صورة التوكيل وصور القضايا مالتي اللي عنده ومن أستلمهم

بلغي توكيله

وبروح لضابطة الدعاوي وأقدم شكوى رسميه أطالبه برد الاتعاب وأشرح أنه عطاني نسب حلوه بالخصول على أحكام من صالحي وبطلب أخر قضيه اللي الاخ حضر للتظلم وماحظر للاشكال وهذا دليل انه انسان تعامله غير جيد ويهمل قضايا الناس وان شاء الله المحكمه تنصفني

شكرا لك

 

[الشكوىى لله]

عزالله الكويتيين طيبينَ .. والله بلاانا بأشكال نازله من الفضاء

الله يفرج لك همك قول أمين

 

[مصراوي32]

لا حول ولا قوه الا بالله العلي العظيم اللهم انا نسالك العافيه