العطلة القضائية في الكويت؟؟؟

[calpe]

السلام عليكم
ياجماعة نبي أحد يفيدنا

- متى تبدأ العطلة القضائية؟ ومتى تنتهي؟
- هل خلال فترة العطلة القضائية تتصكر المحكمة بشكل تام؟؟ بمعنى هل القضايا المستعجلة تستثني وينظر فيها خلال العطلة؟؟

- بخصوص الاعلان... لو كان العنوان غير واضح بالنسبة للمعلن... في مجال اواعد المعلمن وادليه العنوان بالضبط؟؟

- ومتى المعلن يروح المخفر ومتى يروح النيابه؟؟


الله يجزاكم خير اللي يقدر يفيدنا لايبخل علينا بالتوضيح

وشكرا

 

[silencee]

السلام عليكم
ياجماعة نبي أحد يفيدنا

وعليكم السلام ورحمة الله
ابشر باللي ربك يقدرنا عليه

- متى تبدأ العطلة القضائية؟ ومتى تنتهي؟

من شهر 7 يوليو
وتنتهي شهر 9 سبتمبر

- هل خلال فترة العطلة القضائية تتصكر المحكمة بشكل تام؟؟ بمعنى هل القضايا المستعجلة تستثني وينظر فيها خلال العطلة؟؟

لا ماتتسكر
بس الدوائر يتغير قضائها
ويستلمها ممكن قاضي من خارج الدائره
العمل ساري فيها ويحاولون يمشون عاجل الامور
والبقيه تأجل لبعد العطله لحين عودة قضاة الدوائر

- بخصوص الاعلان... لو كان العنوان غير واضح بالنسبة للمعلن... في مجال اواعد المعلمن وادليه العنوان بالضبط؟؟

تأكد أولا برقم الاعلان من خلال موقعهم شوف النتيجه

وتقدر تروح للمحكمه اللي أعلنت منها وتتجه لقسم الاعلان هم غالبا يطلعون 8.30 المندوبين أنت خلك من 8 واسألهم عن منطقة المعلن يعطونك أسم المندوب وأتجه له وممكن ياخذ تلفونك ومن يقرب للقطعه يدق عليك وترشده
من حقك

- ومتى المعلن يروح المخفر ومتى يروح النيابه؟؟

شيء راجع له حسب وضعه وحسب البلاغات عنده غالبا مايكون روحته للمخفر الظهر اخر الوقت عقب مايوزع الاعلانات يجمع اللي ماحصل عناوينهم ويسلمهم مخفر المنطقه لان كل مندوب على منطقه وحده

الله يجزاكم خير اللي يقدر يفيدنا لايبخل علينا بالتوضيح

وشكرا

اجمعين يا اخوي

وان شاء الله المستشارين بعد يبدون رأيهم لك باللي قلته هذا اجتهاد شخصي حسب علمي

 

[calpe]

الله يرحم والديك على التوضيح