احوال

[ابو موضي]

السلام عليكم

عندي استفسار عن قضية طلاق للضرر

انا متزوج وعندي 4 ابناء

وقبل اكثر من سنة وديت زوجتي زيارة لاهلها ولما رديت اخذها

رفضت ترد وياي

انا بشروط وطلبات انفذها لها

وطالت السالفة وبعد 9 شهور تقريبا رفعت علي قضية نفقة لها وللاولاد

ورفعت انا قضية طاعة

وبعد شهر ارفعت قضيه طلاق للضرر

وانحكمت بقضية النفقة 450 شهري

قضية طاعة وارفضت قضية الطاعة مع اني مجهز البيت لها

وانه بالحكم اللي صادر ايد هالشي ان البيت جاهز وتامن فيه على نفسها ومالها فيه

لكن قايل القاضي بالحكم اني غير امين عليها

وثبت هالكلام عن اقوال الشهود

بالرغم ان الشهود ما تكلمو الا فيه مواصفات البيت فقط

سالهم عن البيت وردو عليه عن البيت وكلامهم زين ما فيه شي

من جاب اني غير امين عليها ما ادري وانا استانفت الحكم

والقضية الاخيرة الطلاق للضرر
حولها القاضي للاستشارات الاسرية


جلست الاسبوع اللي فات مع الاستشاري

وقلتله انبي ابي زوجتي وعيالي واني انفق عليهم وموفر السكن لهم وابي اسرتي ترجعلي

وبعيدين طلعت انا ودخلت وتكلمت

وبعدها لما اطلعت الزوجة ناداني قال المراة تبي الطلاق وانا حاولت

فيها مو راضيه

وقلت انا ابيها وابي عيالي

قال راح يطلقها القاضي مثل هالشوارب عليك بهالاسلوب والله

قلت اشلون قال مثل ما سمعت

وبعد يومين موعد ثاني عند استشاري نفسي

ونفس الكلام بس قال والله ان الخطا واضح منها وانا راح اكتب هالكلام بالتقرير

واحد صار معاي والثاني معاها

انا مابي اطلق واهي تبيى الطلاق

شلون يطلقها القاضي ولا لأ

وشلون طلاق الخلع اذا اهي متمسكة اقول عند القاضي خلع ولا شنو اسوي

ارجو افادتي بالقضايا الثلاث

وجزاكم الله الف خير

 

[أبو^بشار]

الله يعينك وتأكد انها الخسرانه انت تخسر فلوس بس بس اهي تخسر نفسها وعمرها انت انصحك تزوج اذا تقدر وخلي اختيارك صح اختار بنت الناس الطيبين والي فيها دين وضمير ولا تركز على الجمال

 

[rahaly]

اخي الكريم ..
بالنسبة للنفقة فمن المؤكد يحكم ضدك بالنفقة .. والاستئناف قد يعدل مقدار النفقة المحكوم بها فقط ..

بالنسة للطاعه .. اذا لم يثبت عدم امانتك عليها .. فقد يأخذ قاضي الاستئناف بكلامك ويلزمها بدخول الطاعه ..
ولكن الغالبية للاسف لا يحكمون بالطاعة ...
ثم يجب ان تعلم ان الطاعة لا تنفذ جبرا .. يعني تحصل على حكم طاعه دون تنفيذ جبري .. ثم ان لم تنفذ الطاعه تقوم برفع قضية نشوز

بالنسبة للطلاق للضرر .. فللاسف انه من السهوله ان يقوم القضاء بتطليقها .. ولكن موضوع اثبات الضرر والخطأ ممن يكون للامور المالية فقط .. يعني اذا ثبت ان الخطا منها يسقط مؤخرها مثلا .... الخ
ولكن على الارجح ان المحكمة تقوم بتطليقها


هذا والله اعلم

 

[الشكوىى لله]

الله يعينك ويستر عليك ويغنيك عنها

 

[أم محمدالشمري]

السلام عليك

آمل أن يتقبلوا الأخوة و الأخوات القانونيين و المراقبين توجيهي للأخ الكريم باللجوء للحلول السلمية و الودية أولا

أخي الكريم .. كيف كانت علاقتكم قبل أن تاخدها لزيارة أهلها؟ في أحد قاعد يحرضها و هالشي واضح و أكيد خطر على بالك. أخوي أحرص على عدم شتات أسرتك و المرأة تكسبها بالكلمة الطيبة. أدري إنك مو طايلها بس حاول توصل لها هالكلمتين من طرفكم أو إنك تتفاهم مع أحد من طرفهم مثل عمها أو خالها بس يكون واحد تثق فيه مو أي أحد. المحاكم تكون آخر شي تلجأ له أخوي. لازم تعرف شالسالفة بالأول. الخلافات تحصل في أحسن العائلات و بعد المصالحة تتجدد العلاقات. زوجتك أخوي للأسف قاعدة تلعب بالنار و لعبها هدا للأسف راح تجني على أربعة من أعزازك و هم أكيد يحتاجونك في حياتهم و أول واحد جنت عليه هو إنت!!! رد اعتبارك أخوي بكرامتك و تصرف بحكمة و اتزان .. بالأسلوب الطيب العقلاني و ابتعد عن الكلام الجارح أو السخرية و التوعد و سرعة الغضب. هالأمور أخوي حساسة جدا و عالجها بالعدال.
أنا مو مستوعبة خضوعك أخوي الكريم ... و جهزت لها بيت طاعة و ...إلخ
الله يكون في عونك أخوي و إدا كنت سريع الغضب استعين بأحد من أقربائك يكون ثقة و حليم.
لا تاعطي مجال للشيطان و العياد بالله منه يفرح بنجاح ما يخيطه لكم بالغيب. إدا زوجتك ضعيفة الإيمان أنا على يقين بأنك قوي الإيمان أخوي و هالشي واضح بتمسكك بالأسرة و إن كلف الأمر كل ما في جيبك.
الله يهديها فجأة مثل مل تغيرت عليك فجأة و تقبل فائق اإحترام و أسمى التحيات
في أمان الله تعالى

 

[snps]

الله يعين الرجال مالهم حق!!! اخوي شنو صار وياك ؟ لان مشكلتي نفس مشكلتك وهل المحامي افادك بشيئ؟
ارجو الرد لوتكرمت

 

[القراشي]

اتخذ معها الاساليب القانونية وتقديم دفاع جيد وبعد ذلك تبدأ انت بالمساومة