يابوعقيل ياجنرال الحقنا :)

[عقار^الكويت]

السلام عليكم ورحمة الله وبركاته

اخواني وبوعقيل خاصه ولاقصور بالكل

انا عندي موسسه وشباب بنوظفهم ع دعم العماله وع مبلغ رمزي كل شهر
ابي اعرف اقل مبلغ رمزي وشنو الاجراءات المتبعه واخوي بوعقيل المكتب صارلي شهر مامريت عليه معلق ورقة رخصه وورقه فيها رقمي لاي استفسار وكاتب عليها نحن خارج المكتب في اغلب الاوقات وفعلا وماعليها اي عماله وانا تم الموافقه لي ع 4 عمال اخاف يتكنسلون اذا ماحطيت وفيدني شلون اوظف الاخوان شنو اسوي اروح لتمينانات وباجر رايح افتح لها حساب...

 

[general]

مرحبا طال عمرك
مافهمت المقصد من كلمه (مبلغ رمزي) اذا كنت تقصد توظفهم وتعطيهم راتب مقابل خدماتهم لمؤسستك فالموضوع راح يكون كالاتي :
تروح التأمينات تسجل رخصتك وتطلع لها رقم تسجيل والاوراق المطلوبه
1- الرخصه التجاريه .
2- إعتماد التوقيع .
3- السجل التجاري و شهادة غرفه التجاره .
4- إعتماد التوقيع .
5- شهادة رقم الجهه المدني للرخصه من الهيئه العامه للمعلومات المدنيه .

بعد تسجل الموظفين الي يبون يشتغلون عندك عن طريق نموذج (103) تحصله من التأمينات الإجتماعيه يا إما يعطونك ورقه أو على cd .

 

[mtlk]

نورت المنتدى بوعقيل.
ترى لك شعبيه كبيره بين اعضاء المنتدى.
وجيد ان ارى من جديد تواصلك مع اخوانك فى المنتدى الذى فقدك لفتره طويله, ومساعدتهم كما ساعدت الاخرين من قبل.
وتقبل فائق الاحترام.

 

[general]

شهادتك اعتز فيها وعلى راسي وياخوك كثرت اشغالي ولما ألقى فرصه مناسبه ادخل المنتدى واخدم اخواني

 

[عقار^الكويت]

الله يعطيك الله عافيه عندي جم سوال يابوعقيل

1 ابي اقل معاش اقدر اسجله عليه علشان خصم التامينات وهل الموسسه تتحمل شي؟
2 الموسسه جديد وسالت قالوا اذا جديده مايحتاج
3 في رسوم وتطول بالاتامينات واذا تطول في حل سريع او طريقه مجربه وهل اقدر اسويها بحكومه مووول ..؟

 

[general]

الله يعطيك الله عافيه عندي جم سوال يابوعقيل

1 ابي اقل معاش اقدر اسجله عليه علشان خصم التامينات وهل الموسسه تتحمل شي؟
اقل راتب 230 دينار وطبعا المؤسسه تتحمل هذا الاشتراك.
2 الموسسه جديد وسالت قالوا اذا جديده مايحتاج
3 في رسوم وتطول بالاتامينات واذا تطول في حل سريع او طريقه مجربه وهل اقدر اسويها بحكومه مووول ..؟

مافي رسوم للتسجيل بالتأمينات او دعم العماله .
http://www.indexsignal.com/forum/showthread.php?t=201804

 

[ابو ذياب]

السلام عليكم
ماشاء الله منور بو عقيل
شلونك شخبارك عساك طيب ان شاء الله
اخوك ابو ذياب ( ساحل الليل سابقا )