دورة المؤشرنت للتحليل الفني
50 دينار كويتي
الموديلاتمن 2007 وانت طالع والاجراءات والله ما اعرفها شفت الموضوع وحبيت اشارك ولو بشي بسيط
ياخوي للأسف القانون يسمح بالموديلات من 2007 وفوق أو أقل من 1971
بالنسبة للإجراءات في موضوع حق أخونا بو علي ماشاءالله عليه اهو يقدر يفيدك ويطلبلك السيارة من برا مقابل عمولة 200 دينار فقط ويخلصلك كافة الاجراءات لسيارتك ويوصلها للكويت
وهذا رابط موضوعه
http://www.indexsignal.com/forum/showthread.php?t=226600&page=131
الموديلات من 2007 وفوق والاجراءات دوخه وعفسه يعني لو تجيب مفاعل نووي اعتقد ارحم شوي طلبت سياره من امريكا تاهو 2007 وصلت قبل 10 ايام وكل يوم اروح ميناء الشويخ كنت ناوي استمر لكن بصراحه تعبت ولازم بوكك على طول مفتوح تدفع جمارك السياره 5% من قيمة السياره تنزيل السياره من الباخره 50 دينار التجاره 10 الميكنه 50 شهادة المنشأ 60 المخلص الجمركي 50 الشركه المستقبله للسياره في الميناء 60 وزن السياره دينار خروج السياره من البوابه دينار بعدين الفحص الفني اللي عندالميناء لوحات مؤقته 5 دنانير مع طوابع 5 دنانير رسوم المعامله طبعا اذا الزجاج مغيم ما يخلصونك لازم تبدل الزجاج تخلص تروح بعدين مرور العاصمه لازم اي سياره تجي من برا لازم فحص مرور العاصمه بعد ما يفحصونها تروح تسوي البيمه 20 دينار وبعدين تروح المرور اللي انت تابع له وتفك اللوحات معاك عشان اللوحات الجديده دفتر السياره طابع 5 واللوحات الجديده طابع 5 دنانير يعني طابع ابو 10 دنانير وبس .. وبعدها تجيب توقيع من الرئيس الامريكي باراك اوباما انه السياره فعلا صناعه امريكيه وبعدها رحت طرابلس عشان توقيع معمر القذافي رحت طرابلس لقيت الثوار مسيطرين على المدينه قلتلهم يا جماعه ابيه ظروري عشان اجراءات السياره قالوا راح مصراطه وللحين ما لقيته ما ادري شسوي بس اذا انت بالك طويل وتحب المراجعات الشغله حلوه وفيها ربح والله يوفقك انشاالله
انزين بالنسبه لطريقه الدفع اشلون قبل لاتوصل السياره او اشلون الطريقه؟؟
اخوي kwto-o ههه مصراطه ... انزين اشلون عن طريقه الطلب قدمت على النت او رحت هناك شلوون الطريقه ؟؟؟؟
دورة المؤشرنت للتحليل الفني
50 دينار كويتي