دعم العمالة نازل لي ناقص .. شسالفه ؟!!

[محتاج]

السلام عليكم

انا المفروض آخر معاش دعم العمالة أثر رجعي ( 3 شهور ) .. حلو
انا شهادتي ثانوية ومتزوج والي مسجل فيها شركة طبعا
إستلمت 755 دينار

وإلي اعرفه انه انا لازم أستلم على كل شهر 442 دينار وشوي !
يعني 442 + 442 + 442 = 1300 دينار أو زياده
هل هذا المبلغ إلي نزلي صح ولا لاااا !!!!!!

أتمنى الإفادة يا جماعه
خصوصا الأخ بو عقيل الخبرة ..

 

[محتاج]

يا جماعه كأنهم ناصبين علي او ساحبين مني 600 أو 700 دينار
شسوي ؟؟!!!

 

[يا باغي الخير]

متى باشرت عملك

يمكن منزليلك معاش شهر كامل والشهر الثاني خاصمين بعض الايام اللي ما داومتها

وكلامك صحيح اذا المعاشات حق 3 اشهر المفروض تطلع فوق ال1300

عالعموم يفضل انك تراجعهم وتشوف سبب الخصم

 

[محتاج]

براجعهم احسلي يخوك ..
بس السالفه فيها انه ..


على العموم لو فيه ناس مثل حالتي ياليت لو يبلغوني ..

 

[الشكوىى لله]

راجعهم ياخوي .. وفكَ نفسك

 

[general]

متى باشرت عملك

يمكن منزليلك معاش شهر كامل والشهر الثاني خاصمين بعض الايام اللي ما داومتها

وكلامك صحيح اذا المعاشات حق 3 اشهر المفروض تطلع فوق ال1300

عالعموم يفضل انك تراجعهم وتشوف سبب الخصم

من بعد إذن أخوي (باغي الخير) إجابتك صحيحه لكن خل أوضح حق أخونا (محتاج) بشكل أدق

هناك أكثر من فرضية لموضوعك :
1- عليك مديونيه سابقه على دعم العمالة .
2- لنفترض انك قدمت استقاله بـ 10 الشهر وصرت عاطل عن العمل لمده شهر كامل أو شهرين عقبها توظفت بشركة جديدة طبعاً دعم العمالة ماراح يقطع عنك الراتب بمجرد ماكنت مستقيل بـ 10 الشهر لأنه بيصرف لك ممكن شهر أو شهرين (بشكل تلقائي) إلى أن يأتيه كتاب رسمي من التأمينات إن (محتاج) طلع إستقالة بتاريخ 10 الشهر فدعم العمالة راح يطالبك بفلوس الي صرفها لك عن غير وجه حق يا إما تصير عليك مديونية تدفعه لهم أو إنهم ينتظرون وقت توظفيك الجديد ويخصمون فلوسهم (إلي صرفوها لك في السابق) وينزلون لك المتبقي في حسابك (مثل ما صار معاك) .
3- خطأ من الإدارة المالية (نادراً حدوثها) .

لمزيد من المعلومات إتصل على رقم 103

 

[محتاج]

هلا والله اخوي بو عقيل اسفرت وانورت

صحيح انا شهر 5 إستلمت أخر معاشي و شهر 6 ما استلمت المعاش (إستقلت) ..
وشهر 7 استلمت الراتب ..

يعني لنفرض جدلا ً إنه انا استلمت هالشهر 755 دك لـ 3 شهور (اثر رجعي)
وانا شهادة ثانوية عامه و متزوج المفروض يمشيلي 442 دك
يعني لـ شهور : 1326 دك
يعني خاصمين 571 دك

571 دينار ينخصم من شهر واحد فقط !!!!!!

 

[general]

حبيبي لو تحط لي تشرح لي بالتواريخ وايد احسن , مثلا قولي متى تاريخ استقالتك ومتى تاريخ إلتحاقك بالعمل الجديد ومتى اخر شهر نزل لك فيه معاش يوم قدمت استقالتك ومتى اخر معاش نزل لك وانت بعملك الجديد ,
عشان احسب لك ياها وعموما اذا مارديت عليك لي الصبح بإمكانك تتصل عليهم 103 وتستفسر منهم .

 

[محتاج]

طال عمرك يا الغالي

انا قدمت على الهيكله من زمان وأخر راتب نزل حق تاريخ 25-مارس من شركتي السابقه ..
ومن بعدها الشركة طلعتني .. وقدمت بشركة ثانية

يعني في شهر 5 (مايو) دخلت شركة ثانية وقدمت اوراقي للهيكله
زنزلي الراتب شهر 6 بأثر رجعي (3 شهور ) = شهر ابريل و مايو و يونيو إلي اهو 755 دك فقط

وبس !

السالفه فيها إنه يخوك
بإنتظارك

 

[الشكوىى لله]

مثل ماقال أبوعقيل

أفرضَ آنك قدمت أستقاله بتاريخ 1/1/2011
من الشركه طبعا ودعم العماله ماوصلهم أي خبر.
وراتبك يمشيَ شهريا طبيعي .. ومافي مشاكل
ولقيت وظيفة جديدة بأحدى الشركات واخذت
منهم ورقه لمن يهمه الأمر عشان توديها دعم العماله
بتاريخ 1/3/2011 راح يكتشفون أنك تستلم
راتب خلال هل شهرين وانتا ابيتكم قآآعـد , فأهني
يخصمون منك لأنهم يطالبونك .. برواتب أخذتها من غير وجه حق

وشاكرلك أخوي جينرال على التوضيح

 

[محتاج]

^

مثالك حلوووو بس لي ملاحظة قويّة !

انت قلت في شهر واحد قدمت انا استقالتي
لكن المصيبة انه شلون يقطعون راتبي وانا في شهر 2 + 3 مو مستلم شي !
أصبح شهر 3 لازم ينزل لي طبيعي !!

فهمتني ؟

 

[الشكوىى لله]

^

مثالك حلوووو بس لي ملاحظة قويّة !

انت قلت في شهر واحد قدمت انا استقالتي
لكن المصيبة انه شلون يقطعون راتبي وانا في شهر 2 + 3 مو مستلم شي !
أصبح شهر 3 لازم ينزل لي طبيعي !!

فهمتني ؟

أهاااااااااااا

يعني راتبك أنقطع ولا أستمر ؟

مافي الأ تراجعهم ويين المشكله ....

موفق

 

[محتاج]

مدير الشركة طلعني وانقطع الراتب

لكن يوم سجلت بالشركة الجديده ونزل الراتب [ ناااقص ] !!

لازم باجر اراجعهم
لانه اليوم قاعد ادق عليهم لكن كالعادة كله مشغول من الساعه 6:30 لغاية 11 !!
ما ادري يحاجون منو !!

 

[general]

أخوي انت إستلمت اخر راتب من دعم العماله 25 مارس على حسب كلامك إذاً انت مديون لدعم العمالة فلوس 5 ايام لان الراتب صحيح نزل لك بـ 25 الشهر لكن الراتب هذا محسوب لاخر شهر .
النقطه الثانيه ماقلت لي إلتحاقك بالعمل أي تاريخ (مثل ماطلبت منك) لكن إكتفيف بالقول ان شهر 5 لنفترض انك توضفت بـ 10-5-2011 اذاً انت مستحق راتبك شهر مايو لمده 20 يوم وراتب شهر 6 , 30 يوم اصبح مجموع مستحقاتك 50 يوم وبما إنك مطلوب 5 أيام (مديونيه) إذاً كل إلي عندك عند دعم العمالة راتب 45 يوم
النقطه الثالثه انا استغرب لما تقول توظفت بشركه شهر مايو (5) ومتوقع ينزل لك راتب 3 شهور ابريل ومايو ويونيو ؟؟؟

 

[ووووو]

مووووووووووووووووفق