مابي الا النصيحه فقط

[الزمن القادم]

ياشباب انا عندي 20 الف ولله الحمد بصراحة صارلي مده افكر اني اشتري شقة واحطها باسم الوالده عشان مايروح علي طلبي في الاسكان بس متردد للاسباب التاليه:
1- هل تفكيري سليم ولا لا ؟
2- وين اقدر احصل شقة مميزة وبسعر مناسب يعني اقصد مابعد الشراء؟
3- هل تنصحوني بالمنقف ولا بالمهبوله؟
4- ارجوكم والله محتار مابي احد يقص علي من المكاتب اللي برا؟
5- شنو الاشياء اللي لازم انتبهلها اذا رحت احدي المكاتب العقارية.
وشكرا وجزيتم خيرااااااااااااااااااااااااا

 

[qlolo]

شقة

1 غير سليم 20 الف ماتسوي شي هاليومين .
2 أقل شقه بكون السعر 25 الف مصطح البناء اقل من 100 متر غرف صغيرة العوائل العربية ماتسكنها ممكن عمالة اسيا عزاب .
3 المنقف اسعار فوق 28 الف المهبولة فوق 25 الف.
4 بخصوص مكاتب العقارية بدورهم يبحثون على طلبك ويأخذون نسبة 1% من قيمة سعر البيع يدفعها المشتري ممكن نصف الواحد بالمئة حسب الاتفاق وفى رسوم بالسجل العقاري بوزارة العدل نصف بالمئة كذلك .
5 عند اتمام البيعه حاول تقليل دفعة العربون ممكن يحصل خلاف تكون بالسليم .
6 أخذ صور من عقد التمليك السابق للبائع وذكر البنود عقد الدلال
وانشالله اكون وفرة لك الاجوبة المطلوبة وسامحنا على القصور.

 

[متوازن]

الشقه في المنقف...... والمهبوله كلاتي :


3 غرق 47 الف

و 4 غرف 55 الف

و2 غرفه 37 الف

و5 غرف مطابفه لبنك التسليف وصلت 82 الف

اذا الخلاصه ..........

لايوجد بهذا السعر المذكور شقه ... لابد زياده المبلغ 50% تقريبا

وشكرا

 

[alteare]

شراء شقه

السلام عليكم اخي الكريم
اولا بخصوص تفكيرك فهو سليم 100*100 وبخصوص المنطقه انصحك بالمهبوله عشان امكانية تأجيرها اكبر بس اذا رحت مكتب عقاري وانا واحد منهم على فكره لاتدفع ولا فلس ولا تلتزم بشرط جزائي الا بعد ما تطلع شهادة الأوصاف عشان اكثر شقق التمليك مخالفه عشان ماتتوهق بعدين احرص على التشطيب الجيد وبغض النظر عن الايجار مرتفع ولا منخفض مجرد وجود عقار عندك يوم عن يوم القيمه تزيد تفكيرك طيب وتوكل وحرص لا نصيدك احنا المكاتب العقاريه وبالتوفيق ان شاء الله

 

[مستر راشد]

انصحك بشراء ارض او بيت في الخفجي لان 20 الف مبلغ قليل وتقدر تحصل هناك مايتناسب مع المبلغ وذا حبيت تشترى شقة فى الكويت خلها بأسمك لان الشقة التى سوف تشتريها مساحتها سوف تكون اقل من 200م وهذة المساحة لاتسقط حقك بالرعاية السكنية اما اذا كانت مساحة الشقة اكثر من ذلك فيسقط حقك بالاسكان .. والله يوفقك

 

[q888]

انا مع نصيحة مستر راشد
اخذ ارض في السعوديه في الخفجي او حفر الباطن او اي منطقه وسجلها ب اسمك لانه مسموح للخليجيين تملك عقار وبل مناسبه اسعار العقار عندهم كل يوم في ازدياد
والله يوفقك

 

[م.يوسف]

اخوي نصيحه لا تشتري شي جمع اشوية واذا تقدر تاخذ قرض وتشتري بمدينه صباح البحريه يمكن على 60 الف او خمسين طبعا مو على البحر بس صدقني يرتفع سعرها
واكرر مو الخيران السكني لا مدينه صباح الاحمد البحرية لؤلؤة الخيران سابقا

 

[man-kuwait]

انا مع نصيحة مستر راشد