متقاعد للحين ما حصل على حقوقه السكنية

[مواطن بدون سكن]

يا شباب أحد مر عليه مواطن كويتي متقاعد للحين ما حصل على بيت ؟
احتمال أكون هو هذا الشخص ! متبقي لي 4 سنوات وأتقاعد
هل فيه أحد في المنتدى متقاعد وللحين ينتظر دوره ؟ خصوصا بعد التعديلات الجديدة لقانون الإسكان بإدراج طلبات لحالات استثنائية وبناء عليها راح يحصل
مزيد من التأخير .

الله المستعان​

 

[صقر3]

صباح الخير يا اخوي انت من متي متزوج انا اعرف واحد عمره الحين 50 سنه ومتزوج من قبل 5 سنوات وتوه تقاعد يعني هذا متي يطلع يجي دوره واعرف واحد متزوج سنة 96 وكان عمره 20 سنه والحين ساكن في قسائم سعد العبدالله من قبل 3 سنوات وعمره الحين 36 سنه مو شرط العمر متي تاريخ تقديم واحد يتذكر اخررر عمره ويتزوج يبي بيت بسرعه وعلي فكره في بعض اخوانا ماقدم علي طلب اسكاني تاخر عدة سنوات وقدم من جديد لو تركض ركض الوحوش غير رزقك ماتحوش اتمنا لك المسكن طيب في دنيا و الجنة في الاخرة

 

[مواطن بدون سكن]

الله يعينه 50 سنة وما عنده بيت !
صدقت أخوي اللي يتزوج في سن متأخر ، أكيد راح يكون حصوله على البيت بعد التقاعد ..
بس انا حبيت اطرح الموضوع من ناحية انسانية كبير السن لازم يراعون ظروفه ، مثلا الحالات الاستثنائية اللي اقرتها الحكومة المفروض من يتقاعد وما وصل طلبه بمجرد انه يتقاعد يستثنونه ويحصل على البيت.
ثانيا : الإنسان لو ما تزوج بسن مبكر لظروف معينة ، ليش يعاقب بالانتظار طويلا بسبب انه ما تزوج مبكر ، المفروض يراعى.
واللي ما تزوج يمكن بآخر حياته يتزوج ويمكن يموت وما وصل دوره ..

جزاك الله خير على الدعاء​

 

[اللمبى]

انا بملك لولدى عمره 14 سنه من اجل اذا وصل 28 سنه ياخذ بيت

صج انا بسوي الطريقه عشان يتمتع ببيته وهو صغير مو يطلعله بيت وبس يخلص بناء يودونه الصليبخات والاعمار بيد الله
​

 

[بومحمـد]

انا متقاعد من سنتين , ليس تقاعد طبي
تقاعد خدمة كاملة
تزوجت متأخر و طلبي 99 شهر 7
آخذ بدل ايجار 150 دينار و لقيت ايجار قريبا ب 400 دينار

 

[kwto_o]

انا متقاعد وأثنين من عيالي مخلصين الثانويه وللحين ساكن شقه ايجار طلعلي قسيمه على المخطط في ش غ الصليبخات وبعد سنه يعطونا امر البناء وبعدها سنتين او ثلاث سنوات نخلص البناء وبعدها سنه او سنتين يشغلون الكهرباء ويخلصون الخدمات وبعدها بسنه اسكن هذا اذا بقى عندي فلوس يعني طول عمري ساكن ايجار وفي شقه وجاري هندي وجيراني الباقين وافدين ويكون عيالي كلهم تزوجوا والنفسيه زفت وطلبي كان 92 والله حتى مو فرحان بالبيت حتى العيال يكونون كبار يعني مالهم حتى ذكريات في بيت ابوهم

 

[مواطن بدون سكن]

انا متقاعد من سنتين , ليس تقاعد طبي
تقاعد خدمة كاملة
تزوجت متأخر و طلبي 99 شهر 7
آخذ بدل ايجار 150 دينار و لقيت ايجار قريبا ب 400 دينار

الله يعينك ابو محمد والله صعبة يعني مواطن مثل حالتك ما يقدرون ظروفه ويعطونه ابسط الحقوق اللي هي بيت ومثلك خدم بلده طول حياته فالمفروض تكرّم بصفه مستعجلة ، والمسكن يعتبر اهم شيء في جانب حياتنا .. انا متصور معاناتك خصوصا لها تأثير على الحياة الإجتماعية أذية الإيجار ونفسية الأهل والأولاد يتأثرون وايضا لما تحب تضيّف ضيوفك معاناة وشيء صعب​

 

[مواطن بدون سكن]

انا متقاعد وأثنين من عيالي مخلصين الثانويه وللحين ساكن شقه ايجار طلعلي قسيمه على المخطط في ش غ الصليبخات وبعد سنه يعطونا امر البناء وبعدها سنتين او ثلاث سنوات نخلص البناء وبعدها سنه او سنتين يشغلون الكهرباء ويخلصون الخدمات وبعدها بسنه اسكن هذا اذا بقى عندي فلوس يعني طول عمري ساكن ايجار وفي شقه وجاري هندي وجيراني الباقين وافدين ويكون عيالي كلهم تزوجوا والنفسيه زفت وطلبي كان 92 والله حتى مو فرحان بالبيت حتى العيال يكونون كبار يعني مالهم حتى ذكريات في بيت ابوهم

والله يا اخوي فعلا عانيت كل هالسنين ، وبطء الإسكان في عملية المخالصة بطيئة جدا وتزيد النفسية تعب. يعني ضامن بيت بس مو ساكن يعني الواحد يتضايق حيل حصل على الأرض بس مو قادر يسوي شيء معلق.
على العموم الله يبارك لك وعمار بالخير انت وأهلك ويزيدكم فرح​

 

[فرحان جداً]

انت الظاهر تبي عيالك يورثون طلبك ههههههههههه اخوي انا بالنسبه لي عقب ارتفاع العقارات قررت ان ما اطوف ولا فرصه و اول ما يقولون لي اخذ بالمنطقه الفلانيه باخذ على طول ولا اقعد اجار والا عاله على غيري

 

[طارق55]

لااحد يتحايل علي القانون .. كأن يسوي ولده متزوج زواج أي كلام علشان البيت .. لانه حرام وتحايل علي الدوله .. نصيحه .. الله مايبارك بالحرام .. والحرام يضيع الحلال